‘n Hoëvlakafvaardiging van Suid-Afrikaanse besigheidsleiers sal na verwagting Maandag vergaderings hou in Zimbabwe en fokus op die land se planne vir ekonomiese herstel, het die Verenigde Sakekamer van Suid-Afrika (BUSA) gesê.<\/p>\n
“Die doel van BUSA se besoek is om inligting te kry van die koalisieregering van Zimbabwe oor planne vir die ekonomiese herstel en die potensiële rol van Suid-Afrikaans besighede,” het BUSA Sondag in ‘n verklaring gesê.<\/p>\n
“Dit is ‘n belangrike oomblik om kontak te maak met die nuwe regering, en skep ook die geleentheid om die Suid-Afrikaanse privaatsektor se ondersteuning te gee aan die pogings om die ekonomie in Zimbabwe te herbou.”<\/p>\n
Die afvaardiging sal gelei word deur voormalige president van BUSA, Patrice Motsepe van African Rainbow Minerals en sluit in verteenwoordigers van die mynwese, handel, infrastruktuur, landbou, vervoer, finansiële dienste en gesondheidsorg.<\/p>\n
BUSA het gesê besigheidsleiers van Aspen Pharmacare, Massmart, Netcare, PPC Cement, Old Mutual, Price Waterhouse Coopers en die Industriële Ontwikkelings Korporasie sal ook deel vorm van die afvaardiging.<\/p>\n
Die BUSA afvaardiging is na Harare genooi deur die minister van finansies, Tendai Biti, wat die gasheer sa wees vir die eendag besoek wat ook gespreke sal insluit met die eerste minister, ander ministers en regeringsbeamptes van Zimbabwe.<\/p>\n
Die groep is ook geskeduleer om president Robert Mugabe te ontmoet.