Elf Tieners word behandel vir moontlike breinvliesontsteking in die Oos-Kaap, het ‘n provinsiale woordvoerder van die gesondheidsdepartement Maandag gesê.<\/p>\n
Hy het gesê die 11 tieners is almal leerlinge by die Unathi Hoërskool in Cambridge, dieselfde skool waar die tiener was wat oorlede is.<\/p>\n
Hulle het simptome getoon van breinvliesontsteking, insluitend stywe nekke, koors en hoofpyn. Sommige het ook gebraak.<\/p>\n
Dit is nog nie bevestig of hulle werklik die siekte onder lede het nie.<\/p>\n
Op hierdie stadium glo die dokters dat slegs 2 van hulle wel breinvliesontsteking onder lede het.<\/p>\n
Hy het gesê ‘n reaksiespan monitor die situasie en het ouers gemaan om nie paniekerig te raak nie.<\/p>\n
Hy het ouers aangemoedig om ‘n ogie te hou oor hul kinders vir soortgelyke simptome en om die naaste mediese fasiliteit te kontak vir hulp voor dit te laat is.<\/p>\n
Verlede week is ‘n 2-jarige meisie dood aan breinvliesontsteking in die Frere hospitaal. Maar die tipe breinvliesontsteking was geïdentifiseer as die nie aansteeklike weergawe van die siekte.<\/p><\/div>\n