'n Vuurpyl wat afgevuur is uit die Hamasbeheede Gasastrook het Dinsdag in die Israeli stad Ashkelon geland, maar geen beserings veroorsaak nie, het Israelse Amptenare gesê.<\/p>\n
Daar was geen onmiddellike erkennings van verantwoordelikheid vir die aanval van Palestynse gewapende faksies in Gasa nie. Die gebied herstel steeds na 'n moordende 22-dae lange Israelse aanval wat die Joodse staat gesê het bedoel was om die Islamitiese Hamasgroep te straf vir soortgelyke vuurpylaanvalle.<\/p>\n
Daar was sporadiese vuurpyl en mortieraanvalle sedert die skietstilstand op 18 Januarie inwerking getree het, en die het lugaanvalle van die Israeli's op Gasa ontlok.<\/p>\n
Israel, wat volgende week 'n verkiesing hou, het gesê hulle wil nie 'n nuwe volskaalse offensief begin nie.<\/p>\n
Ashkelon se burgemeester, Benny Vaknin het aan Radio Israel gesê dat die Grad-vuurpyl die "hart van 'n woongebied getref het."<\/p>\n
"Gelukkig het dit in 'n oop gebied geland," het hy gesê.<\/p>\n
Ashkelon is 12 kilometer van die Gasastrook af, buite die bereik van tuisgemaakte vuurpyle wat gereeld deur die Palestyne gebruik word. Fabrieksvervaardigde Grad-vuurpyle, wat in Gasa ingesmokkel word van Egipte af het 'n langer trefafstand.<\/p>\n
"Vir sover my kennis strek, wanneer dit 'n Grad-vuurpyl is, is dit van Hamas af," het Vaknin gesê.