Gauteng is Maandag getref deur twee treinongelukke binne 12 ure, beide met meer as 100 beserings wat aangemeld is.<\/p>\n
Meer as 100 mense is Maandag laatmiddag beseer toe twee passasierstreine in 'n kop aan kop botsing betrokke was by die Springs-Wes stasie in Ekurhuleni, het ER24 nooddienste gesê.<\/p>\n
Vroeër is omtrent 160 mense, insluitend 'n swanger vrou beseer toe een trein agter in 'n ander trein vasgery het tussen Lenasia en Midway stasies omtrent 07:15 Maandagoggend.<\/p>\n
ER24 woordvoerder Werner Vermaak het gesê die getal beseerde mense in die Springs-Wes ongeluk sal na verwagting styg en 'n tydelike mediese stasie is opgestel naby die stasie op die hoek van Plantation en Springs-Wes weg.<\/p>\n
Pasiënte is by die stasie ondersoek voordat hulle weggeneem is na nabygeleë hospitale wat op bystand geplaas is na die ongeluk.<\/p>\n
Paramedici van Netcare 911, ER24, provinsiale nooddienste en rampbeheer was op die toneel.<\/p>\n
Meer dienste van die Oos-Rand, Pretoria en Johannesburg was op bystand gewees.<\/p>\n
Die oorsaak van die ongeluk is nog nie duidelik nie en die spoorlyn bly gesluit.<\/p>\n
Die spoorwegveiligheidsreguleerder het gesê dat hulle "met skok" van die tweede ongeluk verneem het.