![\"Syaansig](\"http:\/\/praag.co.za\/wordpress\/wp-content\/uploads\/2016\/08\/syaansig.jpg\")
<\/a>Tata Bolt 1.2T XT<\/h3>\n
Ek het in die meer as 20 jaar wat ek oor motors berig nog nooit \u2018n Tata of \u2018n Chery bestuur nie. My verbasing was baie groot juis omdat my verwagting maar laag was. Mens hoor so baie van mense wat kla oor hul Tata Indica\u2019s wat raas en selfs uitmekaarval, om nie eers van die swak vakmanskap en dienslewering te praat nie. Dus het ek nie veel verwag nie.<\/p>\n Met die eerste oogopslag het ek egter besef dat hierdie Tata Bolt nie sommer jou gewone Indica met \u2018n paar kosmetiese veranderinge is nie. Die motor se wigvormige bakwerk lyk vir ons Westerse o\u00eb so bietjie buite verhouding, maar loop \u2018n bietjie om die motor en bekyk die motor in sy geheel dan kom jy agter: maar die vreemdheid van die bakvorm het wel \u2018n ietsie bekends aan hom. Die Indi\u00ebrs is geneig om ho\u00eb, smal motors te bou net soos die Japannese geneig is om lae, bre\u00eb motors te bou. Die Bolt staan ook redelik hoog op sy bande, maar niks lyk buite verhouding nie. Jy kom ook vinnig agter hoekom die motor effens vreemd vertoon wanneer jy die deure oopmaak en die ruimte binne beskou. Ek was regtig verbaas met, nie net die hoeveelheid ruimte nie, maar die bougehalte en selfs of sal ek s\u00ea, ver\u00e1l die geluid wat die deure maak wanneer hulle toegeklap word. Dit klink solied en meer soos \u2018n Europese motor as selfs \u2018n Japannese ryding. Stilering is ook nie so flambojant soos die Japannese rygoed nie, maar eerder funksioneel en trek baie meer op Europese motortjies. Die bakpanele pas volmaak en die binneruim se nate en paneelgroewe is gelyk en lyk glad nie asof dit in die derde w\u00eareld vir \u2018n stokperdjie aanmekaargesit is nie.<\/p>\n Die Bolt se deure maak wyd oop en die sitplekke se materiaal is van \u2018n veloerdoekstof wat lyk en voel asof dit uit Itali\u00eb kom. Die instrumentepaneel lyk ook baie bekend en so asof die ontwerper regtig gaan dink het oor waar alles moet wees. Die knoppies, raakskerm en stuurwiel; alles voel solied en lyk goed aanmekaargesit. Die voorste sitplekke is vir hoogte en reikafstand verstelbaar, asook die stuurwiel wat met multifunksionele afstandbeheerde knoppies vir die radio en telefoon toegerus is. Daar is genoeg pakplekkies in die deure en die paneelkassie is groot genoeg om \u2018n handsak te kan insluk. Daar is twee drankiehouers tussen die voorste sitplekke en onder die handrem is daar \u2018n handige bakkie waar \u2018n mens kleingeld kan b\u00eare. Die raakskerm wat die aanboordrekenaar huisves se geskryf is dalk effens klein, maar werk baie goed. Agter in die Bolt is daar werklik genoeg ruimte vir drie volwassenes en ek bedoel ek wat ses voet lank is, kan gemaklik agter in die motortjie pas met genoeg been- skouer en kopspasie. Die bagasieruim is aan die klein kant en kan slegs 210 liter se bagasie neem, maar dit is genoeg vir twee mediumgrootte tasse en \u2018n paar kleiner rugsakke. Die agterste sitplekke kan plat vou en dan kan daar heelwat meer in die luikrugmotortjie gelaai word.<\/p>\n Standaardtoerusting is ook baie indrukwekkend met elektriese kantruite en spie\u00ebls, outomatiese klimaatbeheer, Bluetooth, asook \u2018n USB-inlaat, ritrekenaar, afstandbeheerde sentralesluiting. Die deure sluit ook self wanneer daar weggetrek word en die ligte skakel vanself aan en af. Daar is misligte voor en agter, tesame met allooiwiele. Twee lugsakke vir die bestuurder en voorste passasier, asook ABS-remme met remverspreiding is insgelyks aanwesig.<\/p>\n Draai die aansitter, en die Bolt se 1.2-viersilinderturbo-enjintjie loop seepglad en stil, byna Europees. Die enjin ontwikkel 66 Kw en 140 Nm se wringkrag. Nou as \u2018n mens dink dat die Tata Bolt \u2018n stadsmotortjie is wat slegs 3,825m lank is, sal jy verstaan dat die 140 NM se wringkrag wat vanaf 1500 o\/min beskikbaar is die motortjie nogal skop gee. Die 5-spoedratkas is egter die meulsteen om die enjin se nek. Daar is ook soos in van die Europese produkte drie bestuursmodusse wat met die druk van \u2018n knoppie gekies kan word. Die sportmodus maak die versnellerreaksie vinniger, die ekomodus maak die versnellerpedaal meer traag en dit maak die kragtoevoer na die stuurwiel ook meer sodat die motor makliker draai. Die gewone modus waarna die Bolt altyd terugkeer wanneer dit afgeskakel word, is byna iets tussen die sport- en ekomodusse wat net gemaklik is en dan ook die beste van die twee w\u00earelde bied. Die Bolt is lig op sy wiele en die turbo-enjintjie wil hardloop, dus het ek gevind dat hy die beste werk as jy hom met geesdrif bestuur. Onthou, dit is slegs \u2018n 1,2-literenjin. Ek trek die Bolt binne-in my standaardlengtemotorhuis, dan staan my sesvoetsleepwa nog dwars voor die Bolt en kan ek die motorhuisdeur toemaak; so hierdie is werklik \u2018n klein stadsmotortjie met \u2018n groot hart en heelwat ruimte.<\/p>\n Die Tata Bolt word verkry met \u2018n standaard- 5 jaar\/100 000km-fabriekswaarborg met padbystand vir 5 jaar asook \u2018n 2 jaar\/30 000km-diensplan. Daar is dienssentrums in byna elke groot dorp in Suid Afrika en as \u2018n mens dink aan hoe sleg die Indiese paaie is en dat hierdie motor eintlik vir daardie paaie ontwerp is, kan hy in Suid-Afrika net goed doen.<\/p>\n Die Chery-handelsmerk verteenwoordig \u2018n Sjinese maatskappy wat een van die grootste vervaardigers van motors in di\u00e9 land is. Hierdie was my eerste keer dat ek \u2018n Chery in my loopbaan as motorjoernalis onder hande kon neem. Anders as met die Tata, het ek net goeie goed gehoor oor Chery. En anders as met die Tata was ek baie teleurgesteld met hoe Chery die hele motorbou benader. Die J2 lyk baie meer na \u2018n hoofstroommotor as die Bolt, maar die klem val hier op l\u00fdk. Dit is \u2018n heelwat groter motor as die Bolt en staan van stamper na stamper \u2018n hele 4,14m, dit is \u2018n hele 20 cm langer as \u2018n VW Polo Vivo en slegs 10 cm korter as \u2018n VW Golf. Die bakvorm lyk ook soos die vorige generasie luikrugmotors uit Korea.<\/p>\n Wanneer jy die J2 se deure oopmaak, tref die reuk van plastiek jou\u2026 Nou ek weet nie of dit die viniel is waarvan die sitplekke gemaak is of die gom waarmee die deure aanmekaargehou word nie, maar dit is \u2018n vreemde reuk wat my sterk aan die China Mall in Johannesburg se materiaalwinkels herinner.<\/p>\n<\/a>Binneruim<\/h3>\n
<\/a><\/a>Op die pad<\/h3>\n
Diens<\/h3>\n
<\/a>Chery J2 Swag<\/h3>\n
<\/a>Binneruim<\/h3>\n
<\/a>