![\"Die](\"http:\/\/praag.co.za\/wordpress\/wp-content\/uploads\/2016\/02\/SLK_van_kant.jpg\")
<\/a>Die nuwe SLK is eintlik al weer oud: \u2018n mens sien dit aan die naamsveranderinge wat Mercedes-Benz onlangs ondergaan het. Die ML is na die GLE en die GL na die GLS toe verander en terselfdertyd het hulle ook die SLK se naam na die SLC toe verander. Maar wag \u2018n bietjie, was daar nie in die jare sewentigs \u2018n SLC-model nie? Jip en die nuwe SLC het nou die omwenteling deurgemaak om terug te keer na di\u00e9 benaming toe. Ons het nog die SLK in Suid-Afrika, maar vanaf Januarie is die nuwe SLC nou eintlik die nuwe SLK! In elk geval is dit in Europa en die VSA die geval. Die nuwe benaming sal baie binnekort ook plaaslik gebruik word.<\/p>\n Die oorspronklike resep van \u2018n lang neus en baie kort stert met so min as moontlik gewig en \u2018n uiters lae swaartepunt is die wenkombinasie van die SLK. Lyne is superslank met sagte kurwes op al die regte plekke en twee lang deure wat terughunker na die SLS McClaren. Luginlate aan die kante is baie aggressief maar tog stylvol terwyl groot 18-duim-allooivellings die sportiewe karakter van die SLK onderstreep. Die SLK is natuurlik ook \u2018n sportkoepee wat met die druk van \u2018n knoppie in \u2018n afslaandak kan verander. Met die dak af verander die Benz se hele karakter van ratse sportmotor na luilekker Sondagmiddag-Chapmanspiek-mobiel. Die hele vorm van die SLK lyk sommer na somerson en see.<\/p>\n Die Audi TT aan die ander kant vertoon skerp en doelgerig van alle kante af en die nuwe baklyne bring di\u00e9 eienskappe nog meer as ooit na vore. Hier is die lyne skoon, amper asof dit nog \u2018n prototipe iewers op n draaivloer by \u2018n motorskou moet wees. Daar is byna geen baklynnate nie, so asof die hele motor uit een stuk mataal gegiet is. Groot 19duim-allooivellings rond die motor se sportiewe voorkoms mooi af. Daar is geen tierlantyntjies en gate en vlerke en goed wat die lyne bederf nie. Die voorste lugskorte is groot en aggressief met slanke hoofligte wat naatloos in die bakwerk wegsmelt. Van agter lyk die TT onmiskenbaar soos \u2018n Audi met skoon lyne wat mens onwillekeurig aan \u2018n chirurg se skalpelmessie laat dink. Hierdie Audi lyk vlymskerp.<\/p>\n Maak die deur van die SLK oop en jy kom vinnig agter dat dit baie moeilik binne in jou motorhuis gebeur. Die deur is so lank dat dit werklik byna onmoontlik is om binne in die motorhuis uit of in die motor te klim sonder om die deur teen die muur te laat raak. Dan is die motor nog so laag dat jy letterlik inval en soos \u2018n ou man eers bietjie sukkel voor jy uitkom. Sit jy egter agter die stuur, voel en lyk alles net reg. Al die skakelaars is van uitstaande gehalte en die paneel en deure, asook die sitplekke en middelste konsole is alles met sagte leer bedek. Luginlate en insetsels in die stuurwiel asook die ronde knop om die funksies van die aanboordrekenaar te beheer, is alles van aluminium.<\/p>\n Die Audi se binneruim is net soos die buitelyne skerp en skoon. Weereens is daar leer met aluminiuminsetsels en in tipiese R8-styl \u2018n klein sportstuurwiel met \u2018n dikraamgreep en afgeplatte onderkant. Die Audi se binneruim is ook meer prakties met nog twee klein sitplekkies agter. Alhoewel dit glad nie enige passasiers groter as \u2018n kleuter sou kon huisves nie, is dit darem ekstra pakplek vir \u2018n sportsak of so iets. Die SLK het slegs twee sitplekke en met die dak in die bagasieruim ingevou is die laaiplek nog meer beperk. In die TT kan die agterste sitplekke nog platvou om werklik \u2018n ruim bruikbare bagasieruim te skep.<\/p>\n<\/a><\/a><\/a>Binneruim<\/h3>\n
<\/a><\/a>Enjin<\/h3>\n