{"id":34711,"date":"2015-10-25T08:22:16","date_gmt":"2015-10-25T06:22:16","guid":{"rendered":"http:\/\/praag.co.za\/?p=34711"},"modified":"2015-10-25T08:23:52","modified_gmt":"2015-10-25T06:23:52","slug":"brief-oom-max-ons-is-te-besig-om-diskriminasie-te-probeer-oorleef","status":"publish","type":"post","link":"https:\/\/praag.co.za\/?p=34711","title":{"rendered":"Brief: Oom Max, ons is te besig om diskriminasie te probeer oorleef!"},"content":{"rendered":"

As \u2018n tweedejaarstudent is ek werklik teleurgesteld in u poging<\/a> om weereens Afrikaners oor die vingers te probeer tik. In \u2018n artikel wat slegs die uitdaging wat die ANC met studente in die gesig staar kan, en behoort te ondersoek, vind u dit nodig om oudergewoonte anti-Afrikanersentiment in u resep te gooi. Ek wonder soms wat u probeer bereik, en of u werklik glo dat u skrywe aanklank vind by die moderne Afrikaner (veral jonges), wat deesdae wroeg om \u2018n bestaan te voer met \u2018n oorwegend anti-Afrikanerregering.<\/p>\n

Dit is ook vir my verstommend dat u die vraag, \u201cWaar was j\u00falle Afrikaners?\u201d kan opper. Bedoel u dan dat alle studente verplig is om aan optogte deel te neem \u2013 selfs optogte wat kennelik gewelddadig is en behels dat visekanseliers gevange geneem word<\/a>?<\/p>\n

U is darem werklik selektief as u in \u201cvryheid\u201d glo, maar terselfdertyd Afrikanerstudente (en alle ander nie-betogende studente) se vryheid van assosiasie en vryheid om onverstoord te studeer oorsien?<\/p>\n

Dit wil voorkom of \u2018n sekere groep mense in di\u00e9 land nie net verbied word om sekere dinge te doen nie, maar ook as\u2019t ware verplig word om w\u00e9l aan sekere aktiwiteite deel te neem, soos byvoorbeeld die onlangse optogte waarmee u so in u skik is.<\/p>\n

Die inperking van vryheid is dus tweeledig \u2013 as \u2018n Afrikaner mag jy sekere dinge doodeenvoudig nie doen nie, en sekere dinge is jy ook verplig om te doen of om aan deel te neem. Dit is darem \u2018n verfrissende gedagte! Praat van \u201cdamned if you do, damned if you don\u2019t\u201d!<\/p>\n

Jy mag nie sekere danspassies uitvoer by die PUK nie, maar buiten dit m\u00f3\u00e9t jy ook deelneem en paraat wees wanneer studente, met politieke agendas wat vir seker nie deurgaans edel is nie, betoog\u00a0deur voertuie en geboue te vandaliseer, te plunder, onskuldiges aan te rand, en standbeelde van vlekkelose Afrikaanse digters wil afbreek.<\/p>\n

Behalwe\u00a0Afrikanerstudente se onbereidwilligheid om hul aan barbaarse gedrag skuldig te maak, het ons ook baie ander hooi op ons vurk. U vra waar ons was, en die antwoord is eintlik vanselfsprekend.<\/p>\n

Ons was doodeenvoudig te besig om te studeer, te werk, ekstra werk te doen (sodat ons o.a. studiegelde kan betaal), en ons toekoms te verseker in \u2018n land waarin alle diskriminerende maatre\u00ebls daarop gemik is om ons kanse op sukses weg te raap.<\/p>\n

Dis reg ja \u2013 ons het ons bepaal by ons studies om sodoende die gevolge van witwees in Suid-Afrika, naamlik uitsluiting en diskriminasie, te kan oorkom.<\/p>\n

Terwyl \u2018n sekere groep studente bekommerd was oor studiegelde, was daar \u2018n groep Afrikanerstudente wat voor hul siel geweet het dat hul waarskynlik ten spyte van \u2018n 0%-verhoging in studiefooie, sal sukkel om werk te kry omdat hulle wit is. En d\u00edt terwyl dit ook bykans onmoontlik is vir \u2018n blanke student om \u2018n studiebeurs van enige soort los te slaan!<\/p>\n

U verwag van Afrikanerstudente om \u2018n week voor die eksamen afstand te doen van hul studies – hul enigste en laaste kans op uitnemendheid en welvaart in ons diskriminerende, merietelose samelewing \u2013 om geraas te maak, akademiese instellings tot stilstand te bring en visekanseliers gevange te hou? Dit is, selfs vanuit oom Max du Preez se pen, \u2018n onredelike versoek.<\/p>\n

\u201cOns moet vir \u2019n oomblik uit ons wit middelklas-Afrikanervel klim en as mense na ander mense luister, as burgers na medeburgers.\u201d<\/p><\/blockquote>\n

Is dit nie wat Afrikaners al vir twee dekades lank doen nie, oom Max? Selfs sogenaamde \u201cvrygeborene\u201d Afrikaners by universiteite prewel gedurig \u201cjammer, jammer\u201d, wanneer hulle met hul \u201cwhite privilege\u201d, \u2018n bedrieglike sinoniem vir harde werk en toewyding, gekonfronteer word.<\/p>\n

As \u2018n apartheidsman sal u nooit weet hoe dit voel om 90% in matriek te moet behaal om keuring verleen te word aan sekere kursusse nie, en daarby gedurig by universiteite berispe te word oor u witheid en taalvoorkeur nie.<\/p>\n

Daarom het die meerderheid Afrikanerstudente ni\u00e9 aan hierdie optog deelgeneem nie \u2013 ons is moeg vir konflik. Ons weet ook dat dit bes moontlik dieselfde studente is wat deelgeneem het aan #feesmustfall betogings, wat vroe\u00ebr vandeesmaand nog betoog het oor die reeds bedreigde Afrikaans by universiteite, en ook \u201cOne settler, one Bullet\u201d gesing het by Rooiplein<\/a>.<\/p>\n

Ons weet ook dat die eise van anargiste nimmereindigend is en dat die volgende betoging waarskynlik \u2018n vermindering in slaagvereistes sal vereies. #passratesmustfall \u2013 stel u dit voor! Daaraan sal hardwerkende, Afrikanerstudente waarskynlik ook moet deelneem, siende hulle andersins as \u201ckoud\u201d deur u bestempel sal word.<\/p>\n

U maak ook geen melding van die feit dat die blanke studente wat wel aan die optog deelgeneem het, soms afgejak en weggejaag is nie. As blankes onderworpe aan \u201cwhite privilege\u201d, het hulle skynbaar geen rol te speel gehad nie, en het ook volgens die massas nie verdien om die kollig te \u201csteel\u201d nie. Hulle sou dus nooit \u2018n \u201cgeweldige simboliese impak\u201d kon h\u00ea nie, bloot omdat vele swart studente hul geskiktheid as \u201cstruggle helde\u201d nietig verklaar het.<\/p>\n

Oom Max, u kan dit \u201ckoud\u201d of selfs rassisties noem – Afrikanerstudente het merendeels geen behoefte om destruktief te betoog\u00a0nie, en allermins om soos ander hul lippe af te lek oor die moontlikheid van 1976: Episode 2. Ons is nie revolusion\u00eargesind nie en bepaal ons veel eerder by ons studies, sodat ons kan aanhou om \u2018n vlak van akademiese uitnemendheid te handhaaf wat ons in staat stel om een van die mees diskriminerende samelewings ter w\u00eareld\u00a0die hoof te kan bied.<\/p>\n

Ek kan nie namens alle Afrikanerstudente praat nie, maar ons is nie geraasmakers nie \u2013 ons probeer eerder stilweg om goeie akademiese uitkomste te handaaf, soos wat dit \u2018n normale student betaam.<\/p>\n

– John White (20)<\/p>\n","protected":false},"excerpt":{"rendered":"

As \u2018n tweedejaarstudent is ek werklik teleurgesteld in u poging om weereens Afrikaners oor die vingers te probeer tik. In \u2018n artikel wat slegs die uitdaging wat die ANC met studente in die gesig staar kan, en behoort te ondersoek, vind u dit nodig om oudergewoonte anti-Afrikanersentiment in u resep te gooi. Ek wonder soms … Continue reading “Brief: Oom Max, ons is te besig om diskriminasie te probeer oorleef!”<\/span><\/a><\/p>\n","protected":false},"author":5,"featured_media":34713,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[86,11],"tags":[10059,768,5806,504,16995,4861,8661],"class_list":["post-34711","post","type-post","status-publish","format-standard","has-post-thumbnail","hentry","category-c77-briewe","category-s7-menings","tag-10059","tag-afrikaner","tag-betogings","tag-max-du-preez","tag-soweto-1976","tag-stellenbosch","tag-studente"],"_links":{"self":[{"href":"https:\/\/praag.co.za\/index.php?rest_route=\/wp\/v2\/posts\/34711","targetHints":{"allow":["GET"]}}],"collection":[{"href":"https:\/\/praag.co.za\/index.php?rest_route=\/wp\/v2\/posts"}],"about":[{"href":"https:\/\/praag.co.za\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/praag.co.za\/index.php?rest_route=\/wp\/v2\/users\/5"}],"replies":[{"embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcomments&post=34711"}],"version-history":[{"count":0,"href":"https:\/\/praag.co.za\/index.php?rest_route=\/wp\/v2\/posts\/34711\/revisions"}],"wp:featuredmedia":[{"embeddable":true,"href":"https:\/\/praag.co.za\/index.php?rest_route=\/wp\/v2\/media\/34713"}],"wp:attachment":[{"href":"https:\/\/praag.co.za\/index.php?rest_route=%2Fwp%2Fv2%2Fmedia&parent=34711"}],"wp:term":[{"taxonomy":"category","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcategories&post=34711"},{"taxonomy":"post_tag","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Ftags&post=34711"}],"curies":[{"name":"wp","href":"https:\/\/api.w.org\/{rel}","templated":true}]}}