![\"Die](\"http:\/\/praag.co.za\/wordpress\/wp-content\/uploads\/2014\/11\/Sentra-van-kant.jpg\")
<\/a>Die nuwe Sentra is \u2018n perd van \u2018n heel ander kleur. Die motor is nie net heelwat groter as die vorige-geslag-Sentra nie, maar ook heelwat groter as die Tiida en selfs die Primera van vroe\u00ebr dae. Die laaste Sentra in Suid-Afrika het \u2018n totale lengte van 3 975mm gehad met \u2018n asafstand van 2 430mm. Die nuwe Sentra se totale lengte het gegroei tot 4 625mm met \u2018n asafstand van 2 700mm. Dit is 100mm langer as die Tiida se asafstand van 2 600mm en byna 155mm langer as die Tiida. Die huidige Corolla se lengte is self 4 620mm, slegs 5mm korter as die Sentra. Die nuwe Sentra is \u2018n mooi motor met sagte lyne, asook doelgerigte baklyne wat groot voor- en agterligte beklemtoon. Die sterk gevormde wielbo\u00eb aan die voorkant beklemtoon ook die sportiewe dog gesofistikeerde vorm van die Sentra.<\/p>\n Die ware troefkaart van die nuwe Sentra is sy binneruim en veral die begasieruim. As \u2018n sesvoeter kon ek baie gemaklik agter die stuur inskuif en dan uitklim en agter die bestuurdersitplek inklim sonder om enige ruimte vir my bene, skouers of kop in te boet. Die begasieruim kan \u2018n hele 510 liter se tasse sluk.<\/span><\/p>\n Die motor lyk mooi van buite, is goed uitgedink aan die binnekant en bied hope ruimte vir enige gesin. Stowwe aan die binnekant is van \u2018n relatiewe goeie gehalte, maar skiet bietjie te kort teenoor di\u00e9 van die Corolla. Die blink plastiekinsetsels in die binneruim is goed geplaas, maar vertoon bietjie goedkoop.<\/span><\/p>\n Dan is daar iets snaaks aan die motor. As jy aangestap kom na die motor toe, lyk hy duursaam, maar dit is asof die deure nie genoeg gewig het nie, vleis kom kort. Sit jy binne die motor, voel die bakwerk en panele te dun vir hoe die motor vertoon. Ek wil nie Sjinees en Nissan in dieselfde sin gebruik nie, maar dit voel werklik so Sjineserig binne-in die motor. Geen geratel of los panele of enige so iets nie; die motor se gevoel is net nie wat die pakket van buite belowe nie.<\/span><\/p>\n Hierdie is \u2018n w\u00eareldmotor en word onder andere in Meksiko, die VSA en ja, in Sjina aanmekaargesit. In Austali\u00eb is hy bekend as die Pulsar en in Japan as die Sylphy; in die VSA is dit die Sunny en in Asi\u00eb is dit die Bluebird. Ons dink die motor is \u2018n stap in die regte rigting wat die voorkoms betref. Wat die enjins aanbetref, is daar slegs een enjin in Suid Afrika beskikbaar en dit is die 1,6-literpetrolenjin.<\/span><\/p>\n<\/a><\/a><\/a>