![\"delport_manfred_600\"](\"http:\/\/praag.co.za\/wordpress\/wp-content\/uploads\/2013\/07\/delport_manfred_600.jpg\")
<\/a>Goed en wel, DASO se dogtertjies kan hulle meisiebroekies na willekeur bevuil, maar daar is een, klein probleempie vir DASO, wat die DASO-rassismegillers se ganse, histeriese geskree-huil oor sogenaamde rassisme oombliklik vernietig: Die Kaapse Klopse. Laasgenoemde se optog gaan ook onder die besonder politiek-inkorrekte naam van \u2018n \u201ccoon carnival\u201d gebuk. Elke, iedere Nuwejaar in die Kaap, ja, die einste Kaap wat deur DASO se party, die DA, beheer word, in hul einste leidster, Rooi Helen, se Weskaapprovinsie, is daar \u2018n swetterjoel bruines wat hul gesiggies swart verf, en dan, begelei deur vals trompette, \u2018n vals gesingery en ewe vals banjo\u2019s, deur die strate van die eweneens DA-beheerde Kaapstad paradeer. Waarom sou die DASO-meisietjies mal raak van histeriese verontwaardiging oor twee Madeliefkoshuismeisies wat hulself as ousies aantrek, maar soos die graf swyg oor ganse troepe bruines wat hul gesigte jaarliks swart smeer in die DA se enigste metropool, Kaapstad, en dan, met die amptelike beskerming van die DA se spietkops, deur die DA-stad, Kaapstad, paradeer, moet ek myself afvra?<\/p>\nSulke raaisels is egter v\u00ear bo by vuurmaakplek, synde \u2018n pigmentgebrekkige derdeklasburger. Kom ek bepaal my eerder by \u2018n eenvoudiger vraagstuk: Salomo kon hom destyds verwonder oor die vlug van \u2018n arend en die we\u00eb van \u2018n vrou. Ek verwonder my waarom twee blanke studentemeisies, wat hulself as ousies wou aantrek op \u2018n privaatpartytjie, sulke geweldige aanstoot sou kon gee?<\/p>\n
Is dit byvoorbeeld erger om jouself as \u2018n ousie aan te trek, as om \u2018n bejaarde blanke te martel en om petrol in sy keel af te gooi? Laasgenoemde rassistiese haatmisdaad het immers in die afgelope paar dae plaasgevind, maar ek lees hoegenaamd niks daaroor in die linkse haatblad, die Daily Maverick<\/em><\/a>, nie.\u00a0 Nee, ene Pollak, van die Daily Maverick<\/em>, kots eerder \u2018n haatgevulde stuk PK-drek oor die Tukkiedames se kwansuise rassisme, maar swyg soos die graf oor die blanke omie wat die brandstof in die keel gekry het. Vir Pollak is die marteling \u2018n bejaarde Afrikaner se lot, dus van sekond\u00eare belang \u2013 hy skuim egter wel om die mond met kranksinnige PK-verontwaardiging agv die denkbeeldige rassistiese misdaad van twee blanke studente.<\/p>\n Is dit dus, in die besonder-beperkte verstand van \u2018n Daily Maverick<\/em>-hoernalis, meer rassisties vir \u2018n witte om haar gesig swart te smeer mbv skoenpolitoer, al is dit vir \u2018n partytjie, as om brandstof in \u2018n bejaarde, blanke oom se keel af te forseer, tydens \u2018n rassistiese haatmisdaad? Waarom gee dit sulke geweldige aanstoot wanneer \u2018n witte hom as \u2018n swarte voordoen, en hom- of haarself soos \u2018n swarte aantrek? Is daar \u2018n skaamte in sekere groepe waar dit by \u2018n tiperende swart voorkoms kom? Is selfs die uitbeelding van \u2018n swart gelaatskleur en \u2018n dik agterstewe wat, en laat ons eerlik wees, dikwels \u2018n swart kenmerk is, aanstootlik en selfs rassisties? Is daar, met ander woorde, \u2018n absolute, internasionale norm van skoonheid, waaraan slegs blanke dames voldoen, en is dit gevolglik kwansuis rassisties vir die mooies, die blankes, om hulself swart te laat lyk, en die ander, die allochtone, in die proses sleg te laat voel oor hulself?<\/p>\n