NAVO het Dinsdag Noord-Korea se kernwapentoets veroordeel en dit as ‘n “onbesonne daad” beskryf wat ‘n bedreiging vir w\u00eareldvrede inhou.<\/p>\n
Noord-Korea se strewe na wapens van massavernietiging toon voortgesette verset teen die Veiligheidsraad, het die Noord-Atlantiese Raad, NAVO se hoogste uitvoerende liggaam, in ‘n verklaring ges\u00ea.<\/p>\n
“Hierdie onbesonne daad, tesame met die lansering van ‘n missiel in Desember, hou ‘n werklike bedreiging in vir internasionale en plaaslike vrede, sekuriteit en stabiliteit,” het hulle ges\u00ea.<\/p>\n
Hulle het Noord-Korea aangeraai om “onmiddellik sulke uitlokkende aksies te staak”.<\/p>\n
Guido Westerwelle, Duitsland se minister van buitelandse sake, het Dinsdag gevra dat daar nuwe sanksies teen Noord-Korea ingestel moet word nadat die land erken het dat hulle ‘n kerntoets uitgevoer het.<\/p>\n
“Strenger sanksies moet teen die regime in Pyongyang oorweeg word,” het Westerwelle in ‘n verklaring ges\u00ea.<\/p>\n
Hy het Noord-Korea se optrede as ‘n “duidelike skending” van die re\u00ebls van die Verenigde Nasies beskryf.<\/p>\n
Westerwelle het gevra dat die internasionale gemeenskap hul teenkanting teen Noord-Korea moet bevestig en het bygevoeg dat die kwessie tydens ‘n vergadering tussen die Europese Unie se ministers van buitelandse sake bespreek sal word.<\/p>\n