Iran sal samesprekinge oor sy omstrede kernprogram op 26 Februarie in Kazakstan bywoon, het die land se kernonderhandelaar, Saeed Jalili, Dinsdag in ‘n verklaring bekend gemaak.<\/p>\n
Die besluit is tydens ‘n telefoniese gesprek tussen Jalili en Catherine Ashton, die Europese Unie se buitelandse beleidshoof, geneem, volgens die Irna-nuusagentskap.<\/p>\n
Ashton verteenwoordig die sogenaamde P5+1-groep wat die VSA, Rusland, China, Brittanje, Frankryk en Duitsland insluit.<\/p>\n
Die verklaring het nie aangedui in watter stad die samesprekings gehou sal word nie.<\/p>\n
Die Verenigde Nasies (VN) het verlede jaar verhoogde sanksies teen Iran ingestel weens sy kernprogram.<\/p>\n
Iran hou egter vol dat di\u00e9 program slegs vir vreedsame doeleindes bedryf word.<\/p>\n
Die deelname is tydens ‘n telefoongesprek tussen die Europese Unie se adjunk-buitelandse beleidshoof Helga Schmid en die adjunk-sekretaris van Iran se Opper Nasionale Veiligheidsraad, Ali Baqeri, bespreek.<\/p>\n
Die laaste ronde van die onderhandelinge tussen die twee partye is in Moskou gehou in Junie 2012.<\/p>\n
Die Verenigde State van Amerika en Israel beskuldig Iran van milt\u00eare doelwitte in sy kernenergieprogram.<\/p>\n
Iran, as ‘n ondertekenaar van die Kernsperverdrag en ‘n lid van die Internasionale Atoomenergie Agentskap (IAEA), is geregtig om kerntegnologie vir vreedsame doeleindes te ontwikkel.<\/p>\n
Daarbenewens het die IAEA talle inspeksies van Iran se kern fasiliteite uitgevoer, maar nog nooit enige bewyse gevind wat daarop dui dat die Iraanse kernprogram nie-burgerlike doelwitte nastreef nie.<\/p>\n
<\/p>\n