{"id":13804,"date":"2012-11-25T09:01:49","date_gmt":"2012-11-25T09:01:49","guid":{"rendered":"http:\/\/afrikaansenuus.co.za\/?p=13804"},"modified":"2012-11-25T09:01:49","modified_gmt":"2012-11-25T09:01:49","slug":"eurokaners-en-ameri-kaners","status":"publish","type":"post","link":"https:\/\/praag.co.za\/?p=13804","title":{"rendered":"Eurokaners en Ameri-kaners"},"content":{"rendered":"

Soos twee dae gelede op Praag berig is, word daar tans \u2018n Europese weermag<\/a> op die been gebring wat net nog \u2018n spyker in die doodskis van NAVO en die Amerikaanse oorheersing van Europa n\u00e1 die Tweede W\u00eareldoorlog verteenwoordig.<\/p>\n

Soos Jan Smuts ges\u00ea het, word die lotgevalle van Suid-Afrika altyd buite sy eie grense bepaal. Maar ek sou verder gaan en s\u00ea: die lotgevalle van die Afrikaner word altyd van elders af bepaal. Waarskynlik geld di\u00e9 beginsel vir alle kleiner volkere op aarde: Nederland, Finland, die Baltiese state, Lesotho of Swaziland. Tydens die Napoleontiese oorlo\u00eb het Nederland en Belgi\u00eb binne enkele jare verskyn en verdwyn, na gelang van veldslae en onderhandelinge tussen Oostenryk, Pruise, Frankryk en Engeland.<\/p>\n

Iewers tydens die tagtigerjare is daar in \u2018n Britse komiteekamer besluit dat Afrikaners nie meer soewerein behoort te wees nie en is ons ons vryheid ontneem. FW de Klerk en sy broer Willem, die man wat \u201cverlig\u201d en \u201cverkramp\u201d uitgedink het, was maar net marionette in die hande van Brittanje en Amerika wie se nuwe ideologie van \u201cdiversiteit\u201d, multikulturalisme en rasvermenging op Suid-Afrika afgedwing moes word. Nelson Mandela was so min of meer die laaste swart leier van die Amerikaanse Burgerregtebeweging. Trouens, voor sy vrylating in 1990 was hy baie meer in die VSA bekend as in Suid-Afrika.<\/p>\n

Terloops, gepraat van verlig en verkramp: die \u201cverligtes\u201d had net so min met die Europese Verligting te make as die man in die maan. Willem de Klerk was \u2018n Gereformeerde (Dopper-)teoloog van Potchefstroom. Eintlik was die Afrikaner-verligtes fundamentaliste binne die Amerikaanse dampkring wat Nelson Mandela as hul nuwe Christus wou uitroep.<\/p>\n

Soos ek vandeesweek in \u2018n brief aan Beeld<\/a> geskryf het, in reakse op die FAK se optimistiese siening van \u2018n \u201cblomtyd vir Afrikaans<\/a>\u201d:<\/p>\n

\u201cOnder Afrikaners swaai die NP-zombies egter steeds die septer! Die gewaande laer is deur \u2019n soort geestelike goelag vervang waar die dwangbuis van kulturele Marxisme en politieke korrektheid rasionele denke verhoed.<\/p>\n

\u2019n Aansienlike deel van die Afrikaner-elite is vandag groter konformiste as ooit in die verlede.<\/p>\n

Die tegnologiese, politieke en veral demografiese veranderinge wat ons beleef, word nie ontleed en verstaan nie.\u201d<\/p>\n

Die nie-denke van die fundamentalistiese De Klerks wat van die ware betekenis van \u201cverligtheid\u201d onbewus was, het op die ramp uitgeloop wat ons vandag in die land beleef. Met antiblanke wetgewing wat ons ekonomies knel en marginaliseer, is die grense boonop oopgegooi. Volgens die jongste sensus staan die bevolking tans op 52 miljoen. En nog is\u2019t einde niet.<\/p>\n

Insgelyks in my Beeld-brief, herinner ek mense daaraan dat die bevolking w\u00e9\u00e9r binne die volgende vyftien tot twintig jaar gaan verdubbel om op 100 miljoen te staan te kom. Die implikasies daarvan vir misdaad, water, riolering, skole, universiteite en ander infrastruktuur is natuurlik voor die hand liggend. Saam met die Amerikaanse fundamentalisme gaan die Afrikaner-elite egter aanhou om die voordele van \u201cdiversiteit\u201d, regstellende aksie en grondhervorming te predik, terwyl die land al verder in die afgrond versink.<\/p>\n

Terloops, terwyl Mandela op Qunu in die vergetelheid verdwyn, het die \u201cAtlantiese Afrikaners\u201d (die oud-verligtes) \u2018n nuwe halfgod in Bloemfontein geskep: Jonathan Jansen. Laasgenoemde het ook \u2018n draai in Amerika gemaak waar hy die Afro-Amerikaanse ressentiment jeens blankes verinnerlik het, maar ingesien hoe die blanke skuldgevoelens tot sy eie finansi\u00eble voordeel gemanipuleer kan word. In sy toespraak vandeesweek by die Helen Suzman-stigting blameer \u201cDj\u00eansen\u201d, soos hy sy van uitspreek, Verwoerd vir die gemors in SA onderwys. Arme Verwoerd.<\/p>\n

Teenoor die Atlantiese Afrikaners (Ameri-kaners) en hul Amerikaanse gedweep met diversiteit, staan die Europese Afrikaners (Eurokaners), die ware Verligtes (met \u2018n hoofletter) en Patriotte wat hulle op Europa rig. Potjiesdorp, wat glo vandeesweek \u2018n DA-munisipaliteit gekry het, is nie ons intellektuele sentrum nie, maar Amsterdam, Parys en Berlyn, die hoofstede van ons stamlande.<\/p>\n

Paul Kruger, hoewel \u2018n eenvoudige man wat nie veel boeke benewens die Bybel gelees het nie, was nietemin \u2018n bewonderaar van die Dietse kultuur wat selfs Transvaalse goud vir die maak van die groot Nederlandse woordeboek geskenk het. In een van die hoogtepunte van ons geskiedenis, het hy en Bismarck mekaar ontmoet, met Paul Kruger wat Afrikaans praat en Bismarck Platduits. Eintlik is Afrikaans en Platduits ewe na aan mekaar as Nederlands en Afrikaans.<\/p>\n

Die afgelope tyd ervaar ek \u2018n henieude belangstelling in die Afrikaanse taalkunde. In die eerste plek is dit uit noodsaak gebore, want uit die Kaap en veral Stellenbosch is daar tans \u2018n intense aanval op ons taal, Standaardafrikaans. Soos ek reeds vroe\u00ebr verduidelik het, word daar gepoog om Afrikaans as \u2018n Derdew\u00eareldse Kreools<\/a>, \u2018n mengeltaal van slawe en Khoikhoi, voor te stel. Enkele jare gelede het die Potchefstroomse taalkundige, prof. Hans du Plessis, by die Voortrekkermonument ons taal as \u2018n \u201cgemorstaal\u201d beskryf, waarmee hy wou aandui dat ons eintlik Kreools praat.<\/p>\n

Daarmee saam wil die Universiteit van Stellenbosch en die radiostasie RSG Afrikaans \u201cherstandaardiseer\u201d sodat ons almal \u2018n gemengde Engfrikaans soos die bruinmense van die Wes-Kaap kan praat en skryf. Soos Leopold Scholtz van Die Burger ges\u00ea het, moet ons en die bruinmense \u201cversmelt\u201d.<\/p>\n

Soos ek al voorheen hier geargumenteer het, verkeer Standaardafrikaans in die spervuur<\/a>. Vandeesweek het ek deelgeneem aan \u2018n gesprek by Radio Pretoria oor di\u00e9 kwessie, tesame met Andr\u00e9 Alkema en Meinhard Peters, met Marianne Roos as die programleier. Dit sal m\u00f4re-aand om 19.45 uitgesaai sal word, per internet by www.radiopretoria.co.za<\/a> of FM by 104.2MHertz of 106.6MHertz  indien u in Pretoria of Johannesburg woon.<\/p>\n

Ons, die Eurokaners, het \u2018n heel ander projek as om te verkreoliseer. Ten eerste gaan ons bewys dat Afrikaans geen Kreools is nie, maar \u2018n Wes-Germaanse taal wat naas Algemeen Beskaafde Nederlands en Hoog-Duits een van drie standaardtale is wat vanuit Duitsland en die Lae Lande ontstaan het. Al is ons taal in Afrika gestandaardiseer, is dit volgens Europese norme gedoen en is ons taal steeds verstaanbaar vir 22 miljoen Nederlanders en Vlaminge, asook omtrent 20 miljoen Noord-Duitsers wat almal Platduitse of Nederduitse dialekte praat.<\/p>\n

Die meeste Afrikaners behoort mos aan die \u201cNederduitse\u201d Gereformeerde Kerk. Soos iemand vandeesweek aan my uitwys, is dit nie toevallig nie en strek ons wortels ten minste ewe diep in Noord-Duitsland as in Nederland of Vlaandere.<\/p>\n

Dit bring my by die eintlike punt waarmee ek aanvanklik begin het: daar is \u2018n groot geopolitieke verskuiwing besig om in die w\u00eareld plaas te vind. Vele Britte vrees \u2018n sogenaamde \u201cVierde Duitse Ryk\u201d of die terugkeer van die \u201cHeilige Romeinse Ryk\u201d waarmee die Duitse oorheersing van Wes-Europa bedoel word. Agter die Griekse skuldkrisis en die gestoei rondom die euro, skuil Britse en Amerikaanse vrese. Wat Duitsland nie op die slagveld tydens die Tweede W\u00eareldoorlog kon vermag nie, het hy in die sestig jaar sedertdien met harde werk en goeie finansi\u00eble bestuur reggekry. Vandag klap die sweep vanuit Berlyn en die Grieke, Spanjaarde, Iere, Portugese en ander staan mooi in die ry.<\/p>\n

Die Britse Financial Times, mondstuk van die Londense Stad, die magtige finansi\u00eble sentrum van Europa en selfs van Suid-Afrika, raak al hoe meer histeries oor die toenemende Duitse mag en invloed. Die son is besig om vir \u2018n tweede keer oor die Britse Ryk onder te gaan, ook oor die Brittanje wat hom oor die afgelope aantal dekades as vassalstaat van die VSA in Europa aangebied het. Die Atlantiese moondhede (die VSA en Brittanje) is besig om te taan en die plat stuk aarde in Noord-Europa (die Platteland!) waar ons voorouers vandaan kom, tel weer kop op.<\/p>\n

Sowel Frankryk as die Benelux (Nederland, Belgi\u00eb en Luxemburg) is reeds in die Duitse kamp. Oostenryk en Wene, die vorige setel van die Habsburg-ryk, is uiteraard deel van di\u00e9 Europese magsblok. So ook die kleiner lande soos Tsjeggi\u00eb en Hongarye wat tradisioneel onder Duitse invloed was. Die nuutgevonde entente tussen Duitsland en Rusland tel ook in die guns van Berlyn. Die kombinasie van Duitsland en Rusland troef \u2018n VSA wat reeds ideologies, etnies en talig verdeel is, tussen \u201cblou state\u201d en \u201crooi state\u201d, met Spaans wat vanuit die suide Engels as spreektaal vervang.<\/p>\n

Vir ons Afrikaners, Eurokaners, is dit \u2018n baie opwindende verwikkeling. Binnekort vind nog \u2018n vergadering van die Vlaams-Nederlanse interparlement\u00eare komitee van die Nederlandse Taalunie in Den Haag plaas waar Afrikaans die onderwerp gaan wees.<\/p>\n

Met China wat insgelyks \u2018n w\u00eareldmoondheid raak, word die Europese konsolidasie al hoe dringender. Ons moet deel word daarvan.<\/p>\n

Daarom voel ek baie sterk dat dit belangrik is om diplomatieke kanale met Noord-Europa oop te maak en te bevorder. Daar moet ook veel meer kulturele wisselwerking met Duitsland en Nederland wees, soos daar al by tye in ons geskiedenis was. Kort n\u00e1 die verwoesting van die ABO, het vele jong Afrikaners in Duitsland en Oostenryk gaan studeer. Verwoerd het \u2018n Rhodes-beurs gekry om Oxford toe te gaan, maar hy het verkies om aan die Universiteite van Hamburg, Leipzig en Berlyn te gaan studeer. Hy was ook die eerste student aan die Universiteit van Stellenbosch wat  – voor sy vertrek na Duitsland – sy doktorale proefskrif volledig in Afrikaans geskryf het.<\/p>\n

Omtrent alle Afrikaanse letterkundiges, filosowe en leiers van enige betekenis, het op \u2018n stadium in Nederland, Duitsland of Frankryk gewoon of gestudeer. Dis tyd dat ons ons van die Engelse w\u00eareld en sy gekke idees oor die multikulturele samelewing wegkeer. Soos ons voorouers moet ons weer aansluiting by die opkomende Middel-Europa vind.<\/p>\n

Op Potchefstroom waar hulle tans feesvier omdat hulle nou gedeeltelik onder die gesag van \u2018n baie liberale, Engelse vrou in die eertydse koloniale hoofstad, Kaapstad, staan, is dit seker nie \u2018n gewilde boodskap nie.<\/p>\n

Ons moet egter na die groter prentjie kyk. Ons oorlewing hang daarvan af.<\/p>\n

\u041e\u043b\u0435\u043a\u0441\u0430\u043d\u0434\u0440 \u0412\u0430\u0441\u0438\u043b\u044c\u043e\u0432\u0438\u0447 \u0424\u0456\u043b\u044c\u0447\u0430\u043a\u043e\u0432<\/a><\/p>\n","protected":false},"excerpt":{"rendered":"

Soos twee dae gelede op Praag berig is, word daar tans \u2018n Europese weermag op die been gebring wat net nog \u2018n spyker in die doodskis van NAVO en die Amerikaanse oorheersing van Europa n\u00e1 die Tweede W\u00eareldoorlog verteenwoordig. Soos Jan Smuts ges\u00ea het, word die lotgevalle van Suid-Afrika altyd buite sy eie grense bepaal. … Continue reading “Eurokaners en Ameri-kaners”<\/span><\/a><\/p>\n","protected":false},"author":1,"featured_media":11943,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[41],"tags":[167,768,10529,10528,10530,10532,10531],"class_list":["post-13804","post","type-post","status-publish","format-standard","has-post-thumbnail","hentry","category-c22-dan-roodt","tag-afrikaans","tag-afrikaner","tag-ameri-kaner","tag-eurokaner","tag-middel-europa","tag-platduits","tag-standaardafrikaans"],"_links":{"self":[{"href":"https:\/\/praag.co.za\/index.php?rest_route=\/wp\/v2\/posts\/13804","targetHints":{"allow":["GET"]}}],"collection":[{"href":"https:\/\/praag.co.za\/index.php?rest_route=\/wp\/v2\/posts"}],"about":[{"href":"https:\/\/praag.co.za\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/praag.co.za\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcomments&post=13804"}],"version-history":[{"count":0,"href":"https:\/\/praag.co.za\/index.php?rest_route=\/wp\/v2\/posts\/13804\/revisions"}],"wp:featuredmedia":[{"embeddable":true,"href":"https:\/\/praag.co.za\/index.php?rest_route=\/wp\/v2\/media\/11943"}],"wp:attachment":[{"href":"https:\/\/praag.co.za\/index.php?rest_route=%2Fwp%2Fv2%2Fmedia&parent=13804"}],"wp:term":[{"taxonomy":"category","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcategories&post=13804"},{"taxonomy":"post_tag","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Ftags&post=13804"}],"curies":[{"name":"wp","href":"https:\/\/api.w.org\/{rel}","templated":true}]}}