Die Kommissie van Ondersoek na die Marikana skietery begin vanoggend met ‘n inspeksie van die gebied waar 34 mynwerkers op 16 Augustus in skermutselings met die polisie dood is.<\/p>\n
Die sittings sal by die burgersentrum in Rustenburg plaasvind. Die opdrag van die Kommissie is om te bepaal watter rol die mynmaatskappy Lonmin, die polisie, en die twee vakbonde Amcu en die N-U-M in die voorval gespeel het.<\/p>\n
Die Kommissie staan onder voorsitterskap van afgetrede regter Ian Farlam. Di\u00e9 naweek het die regskenner Shadrack Gutto ges\u00ea dit is verkeerd om te wag dat die regterlike kommissie van ondersoek na die gebeure by Marikana sy ondersoek afhandel v\u00f3\u00f3r regstappe gedoen word.<\/p>\n
Gutto s\u00ea strafregtelike ondersoeke deur wetstoepassingsagentskappe moes reeds begin het. Hy s\u00ea daar moet gevra word waarom die polisie en die Nasionale Vervolgingsgesag nog nie opgetree het nie.<\/p>\n
Gutto s\u00ea teen die tyd wat die kommisie van ondersoek afgehandel is, is die bewysstukke op die toneel en elders vernietig of nie meer betroubaar nie.<\/p>\n