‘n Tipiese moordslagoffer in die Wes-Kaap was waarskynlik gelem, vol alkohol en was ‘n swart man tussen die ouderdom van 18 en 35, het ‘n koerant berig.<\/p>\n
Cape Argus berig di\u00e9 profiel was die uitslag van ‘n verslag wat die provinsiale departement van gemeenskapsveiligheid saamgestel het. Die verslag verwys na moorde van 2008 tot 2011.<\/p>\n
Volgens die koerant het die departement data van lykshuise in plaas van misdaadstatistiek gebruik om die saak te ondersoek.<\/p>\n
Gideon Morris, hoofdirekteur van die departement, s\u00ea die polisie se misdaadstatistiek verskaf nie gedetailleerde ontleding nie, maar is ‘n goeie aanduiding van wat gebeur.<\/p>\n
Luidens die verslag het die provinsie die derde hoogste moordsyfer in die land \u2013 43,4 slagoffers per 100 000 mense \u2013 tussen April 2011 en Maart 2012 gehad.<\/p>\n
Die meeste moorde is in Nyanga, Gugulethu, Khayelitsha, Milnerton en Mfuleni gepleeg.<\/p>\n
Altesaam 87% van die slagoffers was mans. Die helfte van die vermoordes is gesteek, ‘n derde van hulle is geskiet en sowat 17% van die slagoffers het as gevolg van ernstige aanranding of trauma van ‘n stomp voorwerp gesterf.<\/p>\n
Cape Argus berig 70% van die oorledenes het positief vir drank getoets.<\/p>\n