Die minister van wetenskap en tegnologie, Naledi Pandor, het gister sowat 200 afgestudeerde ingenieurs van die Witwatersrandse Universiteit uitgedaag om te vergeet van hul “instapkaarte en visums totdat elke dorp in Suid-Afrika ‘n brug het, almal op \u2018n teerpad loop en al die stede groen is”.<\/p>\n
Tydens die opening van die Universiteit se Junie-Julie-gradeplegtigheid, het Pandor aan sowat 200 graduandi van die fakulteit van meganiese en elektrotegniese ingenieurswese en bouwetenskap ges\u00ea dat onlangse statistiek toon dat Suid-Afrika oor een ingenieur beskik wat dienste aan 3 166 mense lewer, terwyl daar in Brasili\u00eb een ingenieur vir elke 227 mense is.<\/p>\n
“Suid-Afrika het ‘n desperate behoefte aan professionele mans en vroue wat die moed het om grootse dinge te doen en wat praktiese veranderinge kan bewerkstellig,” het sy ges\u00ea.<\/p>\n
Volgens Pandor het Suid-Afrika baie groot debatvoerders en vele mense met uitstekende idees, maar daar is nog miljoene mense wat in armoede leef op die rand van sosiale verandering. “Ons het praktiese veranderingsagente nodig. Ons het \u2018n behoefte aan mense wat hul moue kan oprol en wat radikale en progressiewe sosiale verandering kan bring,” het sy ges\u00ea.<\/p>\n
Op Maandag, 25 Junie 2012, het Wits aan 13 studente doktorsgrade in ingenieurswese toegeken, asook 47 meestersgrade in ingenieurswese en 44 M.Sc.-grade in ingenieurswese.<\/p>\n
Wits sal ook vyf eredoktorsgrade toeken aan: aartsbiskop Njongonkulu Ndungane, dr. Elza Miles, David Nthubu Koloane en professore Duncan Mitchell en Albert Salomo. Biskop Paul Verryn sal ‘n goue medalje ontvang.<\/p>\n