![](\"http:\/\/afrikaansenuus.co.za\/wordpress\/wp-content\/uploads\/2012\/02\/roodt_fbfoto.jpg\")
In \u2019n beduidende mosie wat die afgelope week by die Europese parlement in Straatsburg ingedien is, spreek 48 Europese parlementslede hulle uit teen die \u201csistematiese aard\u201d van die aanvalle op wit boere in Suid-Afrika en vra die Suid-Afrikaanse regering om dringend maatre\u00ebls in te stel om hul veiligheid te verhoog.<\/p>\n
Die mosie is ingedien deur mnr. Louis Michel, \u2019n lid van die liberale Belgiese party die Mouvement R\u00e9formateur. Die 48 ondertekenaars (uit \u2019n totaal van 754 parlementslede) verteenwoordig sewe politieke faksies wat van links na regs strek: sosialiste, liberale, christendemokrate, nie-ingeskrewes, eurokritici en selfs \u2019n lid van die kommunistiese groepering.<\/p>\n
Op Facebook is \u2019n globale versetgroep, wat hom die \u201cSouth Africa Project\u201d noem, ook besig om betogings ter ondersteuning van Afrikaners voor Suid-Afrikaanse ambassades en in hoofstede van Amerikaanse deelstate te organiseer.<\/p>\n
Trouens, ondersteuners van die Suid-Afrika-projek het reeds in Sacramento, Kaliforni\u00eb, met lede van die versetbeweging Occupy gebots sodat die polisie moes ingryp om orde te handhaaf. Agterna het die voorval nasionale koerante en TV-nuusbulletins in die VSA gehaal.<\/p>\n
Wat is hier aan die gebeur? Kan ons praat van \u2019n omgekeerde anti-apartheidsbeweging, wat skielik die wittes en Afrikaner-minderheid in ons land ondersteun en skerp kritiek teen die ANC uitspreek?<\/p>\n
In hierdie kringe word terme soos \u201cAfrikaner-volksmoord\u201d of \u201cBoer Genocide\u201d met dieselfde soort onverbiddelikheid gebruik as wat die gewraakte woord \u201capartheid\u201d tydens die 80\u2019s in die w\u00eareldmedia uitbasuin is. Indien daar \u2019n episentrum of episentra vir di\u00e9 nuwe globale simpatie met Afrikaners bestaan, is dit in die VSA en in die Lae Lande gele\u00eb. Vlaamse en Nederlandse parlementslede neem dikwels die voortou in die Europese parlement te Straatsburg, Frankryk, of in hul eie parlemente in Brussel of Den Haag om plaasmoorde en taaldiskriminasie teen Afrikaans aan die groot klok te hang.<\/p>\n
Die Suid-Afrikaanse staatsman en wysgeer Jan Smuts, eens \u2019n Boeregeneraal en toe \u2019n dienaar van die Britse Ryk, het op \u2019n keer ges\u00ea \u201cdie toekoms van Suid-Afrika sal altyd buite haar grense bepaal word\u201d.<\/p>\n
Daarmee het hy op siniese, dog realistiese wyse sowel ons koloniale status as ons strategiese swakheid beklemtoon. Dit was die geval in 1902, maar ook in 1992 toe die Nasionale Party onder internasionale druk geswig en holderstebolder alle mag aan die buitelandse gunsteling, die ANC, oorhandig het.<\/p>\n
Die magsoorname van die ANC is nie soseer binnelands nie, maar buitelands voorberei. S\u00f3 het die Sweedse ambassadeur op 27 April 2004 in RSG se Monitor-program ges\u00ea: \u201cSonder Sweedse steun sou die ANC nooit aan die bewind gekom het nie.\u201d<\/p>\n
Hierdie merkwaardige erkenning deur \u2019n diplomaat uit Stockholm het die Smuts-beginsel in die Suid-Afrikaanse politiek beklemtoon.<\/p>\n
Tydens sy eeufeestoespraak op 8 Januarie in Bloemfontein het pres. Jacob Zuma die oorwinning van die ANC as \u2019n milit\u00eare triomf deur Umkhonto we Sizwe voorgehou. Net so het die PW Botha-regering miljarde rande in die ontwikkeling van die Ratel-pantservoertuig, asook die Rooivalk-aanvalshelikopter, gestort, maar nooit werklik die potensiaal van sy milit\u00eare slaankrag teen die ANC benut nie.<\/p>\n
Die konflik was uiteindelik \u2019n woordeoorlog wat in die internasionale media besleg is. Die woord \u201capartheid\u201d was die wapen vir massavernietiging wat die ou orde gekelder het; nie die Kerkstraat-bom van 20 Mei 1983 nie.<\/p>\n
Die ANC en sy bondgenote, daarenteen, gloei nog van voldoening oor sy propaganda-oorwinning in die vroe\u00eb-90\u2019s en gaan binnekort dalk die Grondwet herskryf dat dit hom n\u00f3g beter pas.<\/p>\n
In di\u00e9 stadium steur hy hom nie aan die internasionale protes teen plaasmoorde en taaldiskriminasie nie. Dit word as die werk van regse randeiergroepe afgelag. Soos die onthutste, linkse Occupy-betogers egter in Sacramento geskreeu het: \u201cDie f***** varke (polisie) beskerm die Nazi\u2019s!\u201d<\/p>\n
D\u00edt verwysende na die pro-Afrikaanse beswaarmakers wat heel ordelik die linkse hoon getrotseer het.<\/p>\n
Met die opkoms van linksgesindes in die 1960\u2019s en die Amerikaanse burgerregtebeweging van Martin Luther King kon die ANC op internasionale steun reken. Kan Afrikaners dalk die begunstigdes van \u2019n opkomende, konserwatiewe beweging in die Weste, asook van Oos-Europese nasionaliste, word?<\/p>\n
Soos mnr. Martin Bosma, die besoekende Nederlandse parlementslid en lid van die regse Partij voor de Vrijheid, \u2019n week of twee gelede in Pretoria opgemerk het: \u201cJulle Afrikaners is die eerste Westerse volk wat weens demografiese oorheersing besig is om uit te sterf. Julle is die kanarie in die steenkoolmyn wat die hele Weste behoort te waarsku.\u201d<\/p>\n
Soos in die dae van Paul Kruger is die lot van Afrika se \u201cwit stam\u201d weer besig om die w\u00eareld se verbeelding aan te gryp.<\/p>\n
Die Boere as nuwe underdog <\/em>teen die magtige Nguni-empaaier? Die volgende hoofstuk in ons wye en droewe land se geskiedenis wag om geskryf te word.<\/p>\n