{"id":12105,"date":"2012-03-08T06:30:25","date_gmt":"2012-03-08T06:30:25","guid":{"rendered":"http:\/\/afrikaansenuus.co.za\/?p=12105"},"modified":"2012-03-08T06:30:25","modified_gmt":"2012-03-08T06:30:25","slug":"krieket-dis-nag-en-dis-more-dag-twee","status":"publish","type":"post","link":"https:\/\/praag.co.za\/?p=12105","title":{"rendered":"Krieket: Dis nag en dis m\u00f4re: Dag Twee"},"content":{"rendered":"

Die Nieu-Seelandse krieketspan het vandag van vooraf geleer hoekom dit moeilik is om \u2019n span soos Suid-Afrika in \u2019n  toetswedstryd te klop. Geen span is onkwesbaar nie, maar wanneer jy \u2019n  werklike goeie span hard tref, is dit nie die einde van die wedstryd nie. Jy gaan weer moet toeslaan, en weer en weer…Nieu-Seeland is \u2019n  skaflike eendagspan, maar in daardie formate kan hulle volgens \u2019n  eenvoudige spelplan te werk gaan en sou hulle \u2019n  skielike voorsprong \u2013 \u2019n  paar sesse of \u2019n  paaltjie of twee \u2013 bewerkstellig, hoef hulle nie baie lank in die saal te bly om te wen nie. In \u2019n  toetswedstryd is dit anders. As jou teenstaanders die vaardighede en regte stoffasie het, gaan hulle hulleself loswurm uit meeste situasies, die druk verplaas en hulle eie slae uitdeel.<\/p>\n

Die Nieu-Seelanders het \u2019n bevredigende eerste dag gehad. Nadat dit gelyk het asof Suid-Afrika gerieflik op koers na \u2019n  indrukwekkende eerstebeurttelling was, het die Swart Pette skielik \u2019n  paar bonuspaaltjies ontvang. Hulle ou boulperd, Chris Martin, het drie sleutelkolwers \u2013 Smith, Kallis en De Villiers \u2013 se paaltjies in vier balle verwyder. Suid-Afrika het die dag afgesluit op 191 vir sewe paaltjies \u2013 \u2019n  droomuitslag vir die Kiwi\u2019s.  Hulle het die Slag van Dag Een gewen. Maar in toetskrieket word die oorlog bitter selde in een beslissende slag gewen. Nietemin moes die Nieu-Seelanders vergesigte van \u2019n  aansienlike eerstebeurtvoorsprong gesien het. En hulle sal een nodig h\u00ea, want Suid-Afrika h\u00e9t die kolfmasjien om \u2019n  agterstand van \u2013 s\u00ea 150 \u2013 af te kolf, \u2019n  kommerwekkende voorsprong op te stapel en dan die wedstryd in die hande van die beste boulaanval ter w\u00eareld te los.<\/p>\n

Suid-Afrika se Jacques Rudolph en Vernon Philander het hulle beurte kom hervat en met redelike gemak gekolf. Philander het almal wat hom nie ken nie, verras met die onverstoorbaarheid waarmee hy gekolf en veral met die manier waarop hy sy paaltjie beskerm het. Rudolph was solied genoeg en het 52 lopies gekry. Philander is naderhand uit vir 22 wat vir Morn\u00e9 Morkel penne toe gebring het om \u2019n  paar feestelike houe te slaan, vernaamlik \u2019n  bykantdryfhou vir vier. Selfs die ingevoerde Pakistani, Imran Tahir, het stresloos gekolf voordat hy uitgehardloop is vir 10 en Suid-Afrika se beurt finaal bymekaar getel is vir 238 lopies.<\/p>\n

Vernon Philander moet die irriterendste bouler wees om teen te kolf. Sy spoed \u2013 in die 130 km\/u koers \u2013 is niks besonder nie, en hy swaai nie die bal soos \u2019n trekkersleepwa op ys nie, maar hy boul in daardie ongemaklike vierdepenkanaal en op daardie frustrerende lengte tussen goed en vol. En hy doen dit oor en oor en oor, bal na tergende bal, net daar waar die kolwer mo\u00e9t speel daarna om nie met sy paaltjie te dobbel nie. Die kolwer weet presies wat kom; hy is net nie seker dat hy sal kan aanhou om nie die bal deur te speel na \u2019n  veldwerker se honger hande nie. Een wat ni\u00e9 daarin kon slaag nie, was Nicol wat op 6 die bal gedienstig na Smith in die glippe geknikker het.<\/p>\n

Martin Guptill, so effektief in eendagwedstryde omdat hy sy verdedigingsgebreke agter sy aanvallende flair kan verdoesel, is ongedaan gemaak deur \u2019n stygende bal van Morn\u00e9 Morkel wat hy in sy paaltjies in gekerf het. Sy bydrae was 11.<\/p>\n

Brendon McCullum en Ross Taylor het met groot verbetenheid deur \u2019n storm van akkurate boulwerk gekolf. Vir lang tye was daar net nie swak balle om met groot houe beet te kry nie. Dit het die ondeunde Tahir gevat om McCullum los te wikkel. Die Nieu-Seelander, op 48, is verras deur \u2019n  go\u00eblbal en het dit skerp die lug in geslaan en Immie het die ander veldwerkers met \u2019n  gil verwilder en sy eie werk klaargemaak. En toe was dit eers tyd vir hom om uit sy nate te bars. Di\u00e9 man geniet \u2019n  paaltjie so, ander spanne behoort dit te oorweeg om vir hom meer te gee.<\/p>\n

Taylor het, nadat hy vasgekeer is met goeie boulwerk deur Morkel, \u2019n wye bal na Boucher gekap. Hy het 44 gemaak.<\/p>\n

Daarna was nog een van daardie uitgerekte vennootskappe wat nie regtig ooit moes wees nie. Daniel Vettori, met sy onooglike maar effektiewe tegniek, en die verloopte Suid-Afrikaner, Kruger van Wyk, het waaghalsig aanhou kolf, en het gelyk asof hulle lewenslange reg voor die penne toegeken  is. Graeme Smith het die sending om deur te breek aan Ou Goue Arm oorhandig en Kallis het deurgekom met \u2019n  bal wat vasgesteek het voor Vettori wat dit toe net voor hom so oor \u2019n  bobbejaanstert gedruk het en die gewigtige Kallis het gespaander, hy het geduik, hy het gerol en hy het gevang. Vettori uit vir 46.<\/p>\n

Bracewell en Van Wyk het die irritasiewerk voortgesit tot en met die nuwe bal. Philander het voortgegaan asof sy boulskof nooit onderbreek was nie. Op \u2019n  tiekie buite die wegpen. Binne drie balle het hy Van Wyk en Southee se buiterande gevind en beide is deur Smith in die glippe gevang.<\/p>\n

Bracewell het aangeval en aangestoot tot 25. Sy laaste lopies was \u2019n  vier na bykant toe gedruk van Dale Steyn wat sy geduld verloor het en probeer het om \u2019n  wonderbal te boul. Die volgende bal w\u00e1s toe die wonderbal, een wat grond gesoen het regoor die middelpen en toe weggezoem het om middel en weg te versplinter.<\/p>\n

Nieu-Seeland het uitgeskei met \u2019n  voorsprong van vyf lopies en die laaste paaltjie se kolwers nog lewendig. Kolwer nommer elf is Chris Martin met \u2019n  magtige toetskolfgemiddeld van 2,6. \u2019n  Voorsprong vir Nieu-Seeland van 150 lyk nie waarskynlik nie.<\/p>\n

En dit is Nieu-Seeland se krisis in hierdie wedstryd. Dit help nie hulle troef die Suid-Afrikaners oor \u2019n sessie of twee nie. Hulle boulers moet die Protea-kolflys twee keer in \u2019n  wedstryd verdruk en dit lyk onwaarskynlik. Dis nie elke dag Krismis nie en dit sal  nie dikwels gebeur dat Petersen, Kallis \u00e9n De Villiers dro\u00eb skote skiet nie. Dan moet die Kiwi-kolwers twee keer in \u2019n  wedstryd die Suid-Afrikaanse boulaanval afweer. En dit gaan wragtag nie gebeur nie.<\/p>\n

\u041e\u043b\u0435\u043a\u0441\u0430\u043d\u0434\u0440 \u0412\u0430\u0441\u0438\u043b\u044c\u043e\u0432\u0438\u0447 \u0424\u0456\u043b\u044c\u0447\u0430\u043a\u043e\u0432<\/a><\/p>\n","protected":false},"excerpt":{"rendered":"

Die Nieu-Seelandse krieketspan het vandag van vooraf geleer hoekom dit moeilik is om \u2019n span soos Suid-Afrika in \u2019n  toetswedstryd te klop. Geen span is onkwesbaar nie, maar wanneer jy \u2019n  werklike goeie span hard tref, is dit nie die einde van die wedstryd nie. Jy gaan weer moet toeslaan, en weer en weer…Nieu-Seeland is … Continue reading “Krieket: Dis nag en dis m\u00f4re: Dag Twee”<\/span><\/a><\/p>\n","protected":false},"author":1,"featured_media":12104,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[88],"tags":[],"class_list":["post-12105","post","type-post","status-publish","format-standard","has-post-thumbnail","hentry","category-c79-krieket"],"_links":{"self":[{"href":"https:\/\/praag.co.za\/index.php?rest_route=\/wp\/v2\/posts\/12105","targetHints":{"allow":["GET"]}}],"collection":[{"href":"https:\/\/praag.co.za\/index.php?rest_route=\/wp\/v2\/posts"}],"about":[{"href":"https:\/\/praag.co.za\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/praag.co.za\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcomments&post=12105"}],"version-history":[{"count":0,"href":"https:\/\/praag.co.za\/index.php?rest_route=\/wp\/v2\/posts\/12105\/revisions"}],"wp:featuredmedia":[{"embeddable":true,"href":"https:\/\/praag.co.za\/index.php?rest_route=\/wp\/v2\/media\/12104"}],"wp:attachment":[{"href":"https:\/\/praag.co.za\/index.php?rest_route=%2Fwp%2Fv2%2Fmedia&parent=12105"}],"wp:term":[{"taxonomy":"category","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcategories&post=12105"},{"taxonomy":"post_tag","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Ftags&post=12105"}],"curies":[{"name":"wp","href":"https:\/\/api.w.org\/{rel}","templated":true}]}}