{"id":12067,"date":"2012-03-05T02:50:14","date_gmt":"2012-03-05T02:50:14","guid":{"rendered":"http:\/\/afrikaansenuus.co.za\/?p=12067"},"modified":"2012-03-05T02:50:14","modified_gmt":"2012-03-05T02:50:14","slug":"meedoenlose-bulle-troef-cheetahs","status":"publish","type":"post","link":"https:\/\/praag.co.za\/?p=12067","title":{"rendered":"Meedo\u00ebnlose Bulle troef Cheetahs"},"content":{"rendered":"

\"251\"Elke keer as die Cheetahs in \u2019n derby speel, is tagtig persent van die land se ondersteuners ferm in hulle hoek: Hulle eie horde bewonderaars en al di\u00e9 van die konsessies wat nie di\u00e9 dag teen hulle speel nie. Hulle is al die ander provinsies se voetbalentoesiaste se naasgunstelingspan. O, ons hou van hulle vurigheid, van die geesdrif waarmee hulle \u2019n  wedstryd afsit en die sorgeloosheid waarmee hulle aanval en die stoerheid waarmee hulle verdedig. Maar die Vrystaat is soos \u2019n  kind of \u2019n  hond, reken \u2019n  boer van my omgewing, moet net niks van hulle verwag nie, want dan sal hy jou teleurstel.  Wees maar net lief vir hulle, en hulle sal jou aangenaam verras.<\/p>\n

Saterdag  op Loftus is baie van die Cheetahs verwag \u2013 veral na die verdriet van \u2019n onverdiende nederlaag teen die Leeus \u2013 en hulle het nie teleurgestel om teleur te stel nie. En tog moet die neerlaag nie aan die lusteloosheid van die Jagluiperds toegeskryf word nie, maar eerder aan \u2019n  intimiderende blou masjien wat vroegseisoen verbaas met hulle vermo\u00ebns in alle afdelings.<\/p>\n

Heyneke Meyer se nalatenskap in die Blou provinsie is \u2019n eenvorminge voetbalkultuur wat van die eerste grade op skool deur ho\u00ebrskoolrugby, klubs, universiteite, ouderdomsgroepe en elke Blou Bul-span deurgesuur het. Elke voetbalknapie leer dit blykbaar op vadersknie. Daar is verwag dat die Bulle eers \u2019n  heropboufase sou beleef na die vertrek van \u2019n  handvol ware legendes. Maar hulle opvolgers is s\u00f3 gebrei vir die taak dat hulle naatloos in die patroon ge\u00efntegreer is.<\/p>\n

Pierre Spies jnr. se span het Saterdag Blou Bul-rugby gespeel. Meeste daarvan kan as opleidingsvideo gebruik word. Die essensie van hierdie speelstyl is om die stryd na die opponent se gebied te verskuif en om hulle dan daar te bele\u00ebr. Niemand is beter om \u2019n  tweefrontaanslag op \u2019n  doellyn te loods nie. Eers kom die tradisioneel magtige voorspelers in werking, soos hartelose grondverskuiwers wat die front tree vir bloedige tree verskuif. Die enigste manier om hulle te stuit, is vir die teenstaanders om hulle lywe soos sandsakke voor die offensief te werp, om elke sentimeter grondgebied te betwis. Maar as jy dit wil doen, weet net, jy kan nie ophou nie, want die Bulle gaan nie ophou nie. Om \u2019n  aanslag van hulle af te weer, is \u2019n grootse prestasie wat jy nie mag geniet nie, want nou-nou-nou is hulle terug en dit begin van voor af en dan weer en weer en weer. Hierdie is \u2019n  uitmergelstryd in \u2019n  loopgraaf sonder einde.<\/p>\n

En as hierdie frontale aanslag nie onmiddellik punte gaan uitmaal nie, bring dit die tweede front in werking. Die Bulle se voorspeleraanvalle is \u2019n draaikolk wat al hoe meer verdedigers insuig. Losvoorspelers word ingesleep en dan moontlik die skrumskakel en \u2019n senter, en skielik is die buitewyke van die verdedigingslinie baie karig beman en die Bulle kan dan hulle agterlyn afvuur, dikwels met verwoestende gevolge. Om \u2019n driekwart in \u2019n  Bul-lyn te wees, moet baie bevredigend wees. Vra maar vir ene mnr. B. Habana. Hy het \u2019n  roemryke loopbaan in die sleurstroom van di\u00e9 pak en as voorslag van die Bulle se agterlynsweep gebou. Vandat hy verskuif het na sy hartland in die Kaap, het die Habana-aura verdof en is tans amper heeltemal verdamp.<\/p>\n

Die Bulle se spelplan maak voorsiening vir alles behalwe die onvoorspelbare. Dit bly die Cheetahs se beste benadering om met \u2019n  seldsame oorwinning by die Bulle weg te kom. Saterdag het die Cheetahs alles volgens die handleiding gedoen en daarmee het hulle die wedstryd die noodwendige uitwerking van getalle gemaak \u2013 en die statistieke sou altyd teen hulle wees. As skrumwerk die basis vir jou oorwinning l\u00ea en jy kan die Bulle nie kis skrum nie, as dryfwerk \u2019n  onmisbare element in jou aanslag is en jy kan die Bulle nie stuit of terugdryf nie, as wedywering vir die losbal \u2019n  plek in jou strategie het en die Bulle gun jou niks daarvan nie, dan moet jy weet, jy gaan fyngekou en opgemaal word. Jy gaan iets anders moet bedink, iets ongewoons. In \u2019n  konvensionele stryd gaan die meesters van konvensionele voetbal elke keer wen.<\/p>\n

Nadat losskakels Steyn \u2013 vir die Bulle \u2013 en Goosen \u2013 die eerste skermutselings met die skopvoet uitgestry het, en die Vrystaat \u2019n kortstondige en nou voorsprong bekom het, het die Blou voorhoede die spel oorgeneem. Hulle is deur Steyn binne trefafstand gebring en het van daar af die Cheetah se loopgraafverdediging vertrap. Een van die gedugste kortafstandwapens wat die Bulle het, is die knoorse loskopstut Dean Greyling en dit was hy wat die hele Cheetah-voorhoede versit het om \u2019n  drie te druk. Nie lank daarna nie het sy stutmaat, Werner Kruger, dieselfde gedoen.<\/p>\n

Die Vrystaat se fokus het al hoe meer verskuif om die malende horde uit die vesting te hou, en met die suigsandeffek van die voorhoedestryd is die agterlyn hopeloos onbeman gelaat. \u2019n  Eenvoudige proses van die verskuiwing van die bal van speler tot speler het Bjorn Basson om die laaste verdediger gestuur vir die Bulle se derde drie.<\/p>\n

Teen hierdie tyd was die Cheetahs klaar oorhoops. Hulle kon beswaarlik die meedo\u00ebnlose aantog van die voorpak stuit en het geen maatre\u00ebls gehad om teen die skeurlopies van Bul-skrumskakel, Francois Hougaard, in werking te bring nie. Om hom beter op te pas, het sleutelpersoneel in die agterlyn se aandag geverg en die Bulle, met \u2019n  jong Francois Venter wat op binnesenter tot vernietingswerk bereid is, het begin om gate deur die Vrystaters se skanse te hardloop.<\/p>\n

Voor die einde van die eerste helfte het Zane Kirchner van heelagter af ten volspoed in die agterlyn opgeduik en die bonusdrie gaan druk.<\/p>\n

Die Vrystaters kon net punte met die Goosen-voet behaal. Van hulle gebruiklike plofkragtige aanvalle was daar net nie sprake nie. Hulle was te besig om te verdedig. Hulle het nooit kans gehad om te slaan nie, want hulle was te besig om wal te gooi.<\/p>\n

Daar het wel \u2019n  skrefie lig vir hulle deurgebreek in die tweede helfte, toe die Bulle se skerpste angel getrek is. Francois  Hougaard het \u2019n  rooikaart gekry vir die behandeling wat hy op Robert Ebersohn in \u2019n vasvatslag toegepas het. Die Vrystaat kon na \u2019n  lang, uitgebreide en weefseltappende kampanje veldop uiteindelik \u2019n  speler \u2013 hulle kaptein, die bittereinder Adriaan Strauss \u2013 oor die kalk kry vir \u2019n  drie. Dit is hartverskeurend sekondes later geneutraliseer toe hulle met die afskop in hulle tuisgebied vasgekeer is en die Bulle se JJ Engelbrecht beslag gel\u00ea het op \u2019n aangee van die Cheetahs en die gras daarmee agter die pale gaan streel het.<\/p>\n

Die Bulle is deur nog \u2019n  geelkaart tot 13 spelers beperk, maar selfs dit het nie gekeer dat Zane Kirchner nog \u2019n  drie gaan druk het nie, di\u00e9 keer die soort puntebehaling waarvoor die Bulle hom aanvanklik ingevoer het. Dit het \u2019n  netjiese boepensskop, flink opvolging en \u2019n  doelgerigte inhaal van die bal bevat en hy het die Bulle se sesde vyfpunter gekry.<\/p>\n

Daar is niks misleidend in die eindtelling van 51-19 nie.<\/p>\n

Die Vrystaat het \u2013 weereens \u2013 \u2019n  triestige seisoensaanvang gehad, maar dit beteken nie dat hulle nie \u2019n  grote uit die res kan maak nie. Hulle spelpatroon en vaardighede gaan vele ander spanne troef. Maar as hulle teen die Bulle wil speel, sal hulle \u2019n  ander plan moet maak.<\/p>\n

**<\/p>\n

In die laaste van die Super Rugby-wedstryde het die Stormers die Haaie op Nuweland geklop. Wat is dit met hierdie twee opwindende spanne dat hulle so gereeld sulke saai vertonings teen mekaar lewer? Dit was \u2019n  woeste aanganery vir bitter min, met dertig spelers wat elkeen skynbaar op sy eie sending halsoorkop in die ruimte tussen kwartlyn en kwartlyn rondgefladder het.<\/p>\n

Die Stormers het met 15-12 gewen.<\/p>\n

Hierdie wedstryd verdien geen verdere kommentaar nie.<\/p>\n

\u0424\u0438\u043b\u044c\u0447\u0430\u043a\u043e\u0432 \u043f\u0440\u043e\u043a\u0443\u0440\u043e\u0440 \u0445\u0430\u0440\u044c\u043a\u043e\u0432\u0430<\/a><\/p>\n","protected":false},"excerpt":{"rendered":"

Elke keer as die Cheetahs in \u2019n derby speel, is tagtig persent van die land se ondersteuners ferm in hulle hoek: Hulle eie horde bewonderaars en al di\u00e9 van die konsessies wat nie di\u00e9 dag teen hulle speel nie. Hulle is al die ander provinsies se voetbalentoesiaste se naasgunstelingspan. O, ons hou van hulle vurigheid, […]<\/p>\n","protected":false},"author":1,"featured_media":12066,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[87],"tags":[],"class_list":["post-12067","post","type-post","status-publish","format-standard","has-post-thumbnail","hentry","category-c78-rugby"],"_links":{"self":[{"href":"https:\/\/praag.co.za\/index.php?rest_route=\/wp\/v2\/posts\/12067","targetHints":{"allow":["GET"]}}],"collection":[{"href":"https:\/\/praag.co.za\/index.php?rest_route=\/wp\/v2\/posts"}],"about":[{"href":"https:\/\/praag.co.za\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/praag.co.za\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcomments&post=12067"}],"version-history":[{"count":0,"href":"https:\/\/praag.co.za\/index.php?rest_route=\/wp\/v2\/posts\/12067\/revisions"}],"wp:featuredmedia":[{"embeddable":true,"href":"https:\/\/praag.co.za\/index.php?rest_route=\/wp\/v2\/media\/12066"}],"wp:attachment":[{"href":"https:\/\/praag.co.za\/index.php?rest_route=%2Fwp%2Fv2%2Fmedia&parent=12067"}],"wp:term":[{"taxonomy":"category","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcategories&post=12067"},{"taxonomy":"post_tag","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Ftags&post=12067"}],"curies":[{"name":"wp","href":"https:\/\/api.w.org\/{rel}","templated":true}]}}