![\"Schalk](\"http:\/\/afrikaansenuus.co.za\/wordpress\/wp-content\/uploads\/2012\/02\/burger_schalk.jpg\" "\\"Schalk")
Was die WP\/Stormers-masjien van verlede jaar eintlik die maaksel van Rassie Erasmus, en indien wel, wat sal daarvan oorbly na hy daar vort is? In alle waarskynlikheid, en bitter min, blyk die antwoorde te wees na die Kapenaars se skokkende vertoning in hulle wedstryd gisteraand teen die Hurricanes.<\/p>\n
Die Kaapse spanne van verlede jaar was niks indien nie goed afgerig nie. Spelers het hulle aanwending in hulle posisies verstaan en elkeen het sy werk gedoen. Die Stormers het verlede jaar die beste verdedigingsrekord in die Super Rugby-kompetisie gehad en die WP in die Curriebeker. Die spanlede se werk was s\u00f3 goed gedefinieer dat hulle hulleself selfs kon herontplooi om \u2019n halfdosyn losskakels toe beserings verwoesting in di\u00e9 posisie gesaai het.<\/p>\n
Dat die Kapenaars nie een van die twee kompetisies kon wen nie \u2013 inderwaarheid was hulle laaste silwerwaresukses die Curriebeker van 2001 \u2013 kon nie met enige regverdiging aan afrigting toegeskryf word nie. Waarskynlik het hulle net nie die spelersmateriaal of die rugbykultuur van die Bulle of die onstuitbare entoesiasme van die Leeus gehad nie. Maar dit was steeds \u2019n goedgedrilde, netjies afgerigte span, een met \u2019n skelet wat ferm genoeg is om hulle staande te hou in die uitgerekte hitte van twee uitmergelende kompetisies.<\/p>\n
Die span wat ons gisteraand gesien het, nou ja! Al die belangrikste onderdele is nog daar, maar blykbaar nie verbind nie, soos skroewe en stawe in \u2019n koekblik wat geskud word. Die agterlyn het al die grasie en samehorigheid van hoenders in \u2019n haelstorm gehad. Die voorspelers het nie o\u00eb vir die bal gehad nie en was besluiteloos by die afbreukpunte. Die verhouding tussen voorpak en agterlinie was stief ten beste en ten ergste het dit gelyk asof hulle teen mekaar speel. Groot name het nie soseer tot \u2019n val gekom as bloot net vervaag nie. Habana was op die veld, reg?, wie weet, miskien…<\/p>\n
O, daar was indrukwekkende oomblikke: Die voorpak het soms goed gedryf en veral doeltreffend van die lynstane af gemaal. \u2019n Paar Stormers het bal-onder-die-arm verwoestend gestorm, vernaamlik Andries Bekker, Tiaan Liebenberg en die jong slot Eben Etsebeth. In die agterlyn het die knalbuksies, Joe Pietersen en Gio Aplon, so vinnig en dodelik as altyd op die aanval gekom. \u2019n Swak wedstryd word gereeld beskryf as een \u201cwat gou vergeet sal word.\u201d Die Stormers en die voetbalkykers sal hierdie een net kan vergeet na volgehoue terapie oor \u2019n lang tydperk.<\/p>\n
O ja, die Stormers h\u00e9t gewen, met \u2019n skaflike telling van 39-26. Hulle h\u00e9t drie drie\u00eb gedruk: Gio Aplon het op volle vaart langs die lyn af gesweepklap, binnekant toe gehuppel, \u2019n beknopte gaping tussen twee verdedigers gekloof en gaan druk. Die ander twee drie\u00eb was voorspelerpunte; eers is \u2019n standaard, tuintipe rolmaal van \u2019n lynstaan teenaan die doellyn af deur instaanflank Kolisi voltooi, en daar was \u2019n strafdrie na nog \u2019n rolmaal. So, van \u2019n goedbeplande, netjies saamgestelde drie \u2013 WP-drie! \u2013 was daar geen teken nie.<\/p>\n
Hulle oorwinning kan aan een rede toegeskryf word: Die span teen wie hulle gespeel het, die Hurricanes, was nie bloot disfunksioneel nie, dit was gisteraand \u2019n span van rampokkers, o\u00ebnskynlik daarop uit om elke oortreding in die re\u00eblboek te oortree, sommige daarvan oor en oor. Dis asof hulle vyftien Sean Fitzpatricks was, elkeen met \u2019n diploma van die Bryce Lawrence Slypskool vir Gevordere Voetbalbegrip. As enige vertoning \u2019n mens sal laat dink dat wedstrydknoeiery in rugby opgedaag het, dan was hierdie die een.<\/p>\n
Hierdie was die soort wedstryd wat skeidsregters in boepensstuipe laat uitslaan, en Marius Jonker moet homself maar styftrek vir \u2019n donker wolk van kritiek uit Nieu-Seeland. Nie dat hy regtig enige iets veel anders kon doen nie. Die Hurricanes het nie in die eerste plek soveel strafskoppe op die lyf geloop omdat Marius Jonker hulle gestraf het nie; hulle is so baie gestraf omdat hulle so baie oortree het. Hulle het skrums afgetrek, ingeskrum, teenstanders laat geloop, in die lynstane afgetrek, gepootjie en hulle het oor die bal geval, en geval en geval, soos Griekse pilare in \u2019n aardbewing. Hulle het selfs obskure oortredings probeer, soos Vito op agsteman wat die skrum met \u2019n konsertinabeweging probeer span het.<\/p>\n
So het dit dan gekom dat albei die Hurricane-stutte op dieselfde tyd van die veld gegeelkaart is, en hier was die geleentheid vir die Stormers om \u2019n oninhaalbare hoeveelheid punte te boek. As daar enige videogetuienis teen die breinvriestrust van die Kapenaars was, was dit die spel wat gevolg het. Die ooglopende \u2013 en onkeerbare \u2013 keuse sou wees om n\u00f3g \u2019n lynstaan naby die doellyn te neem. Die stut Ben May is so pas afgestuur omdat hy \u2019n lynstaan afgetrek het, en hoewel die Hurricanes \u2019n smaak vir boewery vertoon het, het hulle duidelik geen erg daaraan gehad om die Stormers se naderjaende voorspelers in die o\u00eb te kyk nie. So, neem die lynstaan, vang die bal, druk drie. Maklik.<\/p>\n
Wat die Stormers wel gedoen het, was om \u2019n niemededingende skrum te kies, die bal na die halsoorkopagterlyn te stuur en die Hurricanes die kans te gun om die aanval in die middeveld te snuit. Die ergste is dat die Stormers in die beweging nog \u2019n strafskop gekry het en die genie op losskakel, Gary van Aswegen, dit goed gedink het om die bal oor die pale te skepskop om so sewe punte na drie te snoei.<\/p>\n
Dertien man of te nie, dit was die Hurricanes wat in di\u00e9 strook van die spel gedy het. Die Stormers het nog gewonder wat hierdie ovaalvoorwerp is wat heen en weer oor die veld trek, toe gryp die Hurricanes die Gilbert-bal en gaan druk \u2019n drie.<\/p>\n
Rassie Erasmus wurg seker iewers in sy agterdogwekkende ballingskap. Ten spyte van die Hurricanes se rampokkery wat genadeloos deur Jonker gestraf is, was die telling teen die middel van die tweede helfte 23 punte elk. Daarna het die Stormers wel daardie strafdrie en twee strafskoppe se punte behaal om 39-23 te wen.<\/p>\n
Erasmus was nie lank op Nuweland nie toe sy afrigterspligte o\u00ebnskynlik op Alistair Coetzee afgeskuif is. Die persona van Coetzee as goedhartige afrigtingster is geskep. Hy is voorgehou as argumentontlonter teen gewaande rassiste wat altoos skepties sal wees oor \u2019n kleurling se vermo\u00eb om \u2019n span te brei. Dit was \u2019n belangrike reklameset in \u2019n tydperk wat Peter de Villiers besig was om Suid-Afrikaanse voetbal se naam met \u2019n wingerdstok te slaan. Die agteraf vraag was hoeveel van die WP\/Stormer-sukses Coetzee toegekom het en hoeveel daarvan in die skadu\u2019s ontwerp, aangebied en afgedwing is deur Rassie Erasmus.<\/p>\n