{"id":11964,"date":"2012-02-21T08:35:14","date_gmt":"2012-02-21T08:35:14","guid":{"rendered":"http:\/\/afrikaansenuus.co.za\/?p=11964"},"modified":"2012-02-21T08:35:14","modified_gmt":"2012-02-21T08:35:14","slug":"praag-en-die-volk-se-opium","status":"publish","type":"post","link":"https:\/\/praag.co.za\/?p=11964","title":{"rendered":"Praag en ‘die volk se opium’"},"content":{"rendered":"

Ek kom uit die 50 cc-geslag. Dit was die jare wat die padre\u00eblmakers dit goed gedink het om die mees onervare motorfietsryers \u2013 die standerd 9-jakketrakke wat nou net hulle eerste ID\u2019s ontvang het \u2013 tot die mees gevaarlike motorfietskategorie \u2013 50 cc en kleiner \u2013 te beperk. Nou, na al hierdie jare, vra maar vir enige een van my geslag wat motorfiets gery het uit oor wat hy as die beste Japannese motorfietsvervaardiger beskou en die kanse is 90% dat die antwoord sal ooreenstem met die \u201cfifty\u201d waarmee hy homself toendertyd desvloers gery het. O, sy argumente het nou meer tegnies en gesofistikeerd geraak, en hy is toegeeflik genoeg om die meriete van ander fabrikate te erken, maar op die ou end stem hy vir Suzuki want hy het \u2019n  Soez in matriek gehad. (Eintlik is Yamaha die voortreflikste van die voortreflikes. Ek weet, want ek het \u2019n  Yamaha YB50 gehad en het die littekens om dit te staaf.)<\/p>\n

Die nuwe sportdebat \u2013 en glo my, daar is tans een \u2013 word met ewe veel onpartydigheid uitgewoed. Vir di\u00e9 wat nooit enige erg aan sport gehad het nie, is dit \u2019n  platvloerse, onpatriotiese en nuttelose verkwisting van geld en tyd. Vir di\u00e9 wat met \u2019n sportlied in die hart groot geword het, is dit \u2019n  goeie, opheffende, positiewe gemeenskapsbouer.<\/p>\n

Verlede week het ek my terugkeer gemaak na die webtuiste van Praag en my eerste bydrae was onder hoofde van die sportportefeulje. A, die vreugdes van die internetskrywer! Praag het \u2019n  beleid wat robuuste bespreking aanmoedig en daar was \u2019n  bespreking n\u00e1 my krieketberig en die bespreking was… robuust.<\/p>\n

Een knorrige kommentator wat sy keurige bydrae aanbied onder die pennaam van, errm, Knorrig, snou aanlyn: \u201cVLOK!… die krieket en rugby!……..die Opium van die Afrikaner!\u201d Mnr. Knorrig (ek neem aan hy is \u2019n  meneer; as Knorrig egter \u2019n  mevrou is \u2013 my opregte verskoning) gaan voort om by wyse van implikasie sportliefhebbers te beskuldig dat hulle ongevoelig is oor die moord van wit kinders deur swart mans in die algemeen en Willemientjie Potgieter se grusame dood in besonder. D\u00edt is wat in bemarkingskringe as \u201cposisionering\u201d bekendstaan, en in hierdie geval is dit \u2019n  diaboliese posisionering.<\/p>\n

Wel! Ek bely ek is lief vir sport. Ek het as\u2019t ware op vadersknieg geleer om dit te geniet. Van die kosbaarste tye wat ek ooit saam met my pa deurgebring het was in die paviljoene van die ou Ellispark en die Wanderers en saterdae voor die TV. Ek het in sport heldhaftigheid, persoonlikheidsbotsings, innerlike stryde, neerlae en se\u00ebvieringe \u2013 die hele menslike drama \u2013 gevind en dit prikkel my. Maar ek, en ek glo elke Afrikaner wat sport geniet, sal in een oomblik onderneem om in lengte van dae die o\u00eb weg te wend van die bal, die veld, die kryt of die baan, om nooit-ooit weer sport van enige aard te betrag nie, as ons net een slagoffer soos Willemientjie sodoende kon red. Maar helaas…<\/p>\n

Die swartmans wat daardie noodlottige dag met kwade rade aangestryk het na die Potgieter-opstal het uiteraard nie hulle boosheid afhanklik gemaak van die algemene Afrikaner se sportkykgewoontes nie. Al sou, deur een of ander wonderwerk, elke Afrikaner in die aanloop tot daardie dag sport afgesweer het, sou die allerverskriklike daad presies in pas gewees het met hoe dit werklik gebeur het.<\/p>\n

Ek hoor gereeld van mense dat sport die Afrikaner se \u201cgodsdiens\u201d geword het. Geen ander tydverdrywe \u2013 hetsy se\u00eblversameling, renduiwe vlieg, bonsaiboomkwekery, tuinmaak, dobbel, owerspel of selfs sosiale dronkenskap \u2013 word met soveel hitsigheid veroordeel nie. \u2019n  Baie goeie vriend van my vergas my die ander dag op \u2019n  lang, bitter relaas teen sport wat hy nie \u2019n  godsdiens nie, maar \u201cmeer as \u2019n  godsdiens\u201d etiketteer \u2013 waarna hy homself verskoon om terug te keer na sy aanlynrekenaarspeletjie wat sestien ure van sy elke dag in beslag neem.<\/p>\n

As ek Willemientjie se nagedagtenis onteer deur rugby te kyk, mag ek darem nog lees? Die pen het oneindig meer gedoen om die Afrikaner uit sy erfenis te paai as enige sport. Die intellektuele grondslag wat die Afrikaner tot die Oorgawe aangehits het, is deur \u2019n  piepklein groepie skrywers \u2013 wie se werke nie eers so danig baie gelees is nie \u2013 gel\u00ea. Beteken dit dat ons ook nou die pen en die papier moet afsweer?<\/p>\n

Maar om een of ander rede word sport vir hierdie verguising uitgesonder. En wat is hierdie gruwel wat mense so woedendtierend maak? Dit is georganiseerde spelle wat volgens re\u00ebls teenoor ander mededingers geniet word. Dit leer elke deelnemer in \u2019n  minder of meerdere mate die deugde van dissipline, deursetting, die verwerking van teleurstelling, spangees, opoffering, doelgerigtheid en samewerking. Afrikaners, deur eeue se veldliefde en harde lewe, het dikwels \u2019n  natuurlike aangetrokkenheid en besondere aanleg vir sport. Die Springbok is net soveel deel van ons kultuurerfenis as Die Versamelde Werke van Langenhoven of \u201cO Boereplaas.\u201d<\/p>\n

Sport bevat ook besondere dividende vir die Afrikaner in sy vryheidstryd. Eendag, wanneer die geskiedenis van hierdie gleuf van ons volk se geskiedenis \u2013 die tydperk van die juk \u2013 ontleed word, sal een jaar uitstaan, juis omdat dit \u2019n  wending aangedui het: 2007. Dit was die jaar van \u201cDe la Rey,\u201d die gewilde lied wat onverwags \u2019n  oproep geword het, nie soseer vir \u2019n leier uit die gietstuk van die ou Boeregeneraal nie, maar vir \u2019n  volk om sy herkoms nie net te erken nie, maar te vier. En hoe het die volk d\u00edt nie aangegryp nie!<\/p>\n

\u201cDe la Rey\u201d en die sosiale dieptebetekenis daarvan is wyd en intens ontleed, maar 2007 was ook die jaar van n\u00f3g \u2019n  verskynsel, wat op \u2019n  manier net so aangrypend as Bok van Blerk se lied was: Die verskyning van die Blou Bul Rugbyunie op die w\u00eareldvoetbalverhoog. Dit is die jaar wat die span \u2013 in hulle Bulle-gewaad \u2013 die Super 14 gewen het. \u2019n  Kenmerk van Blou Bul-rugby is die geesdrif van hulle ondersteuners. N\u00earens in Suid-Afrika, en waarskynlik n\u00earens ter w\u00eareld, is daar \u2019n  rugbyvoetbalspan wat soveel drif en vurige lojaliteit kon verwek nie. Hierdie is meer as net die gesamentlike aanhang van \u2019n  sportspan. As sportentoesiasme ooit die klank en kleur van \u2019n  godsdiens kan aanneem, is die Blou Bul-ondersteuners almal proseliete van \u2019n heilige orde.<\/p>\n

Wat verklaar hierdie heftige verknogtheid aan \u2019n span? Dit is my eerbiedige submissie dat dit stroom uit die aar van Afrikanernasionalisme. \u2019n  Volk, pimpel en pers gerangeer deur politieke korrektheid soos aangevuur deur die populistiese media, het \u2019n  plek gevind waar hulle onbeskaam kan versamel. Loftus het meer as \u2019n  voetbalstadion geword. Dit is \u2019n  katedraal van Afrikaneridentiteit en -aspirasies. Die lyksbesorgers wat so smalend \u2013 en voortydig! \u2013 die doodsgebooie van die Afrikaner laat loop het, moes hulle o\u00eb twee maal uitvee en dubbeld kyk. As enige iemand nog getwyfel het aan die lewenskragtige teenwoordigheid van die Afrikaner in hierdie veelbewo\u00eb land, is \u2019n  stampvol gepakte Loftus op \u2019n Saterdag \u2019n  openbaring . Walle en walle van driftige blanke Afrikaanssprekende mense. Die Blou Bul-vlag het die Nuwe Suid-Afrikaanse onderbroekvlag verswelg. Hofmeyr se Bloubul-lied het die ANC se sinkretistiese nasielied uitgedoof. Wil jy weet hoe klink die magtige dreuning van \u2019n  ontwakende jong volk? Skakel volgende keer in wanneer die Bulle op Loftus speel. (Hierdie selfde verskynsel in effens kleiner formaat maar ewe heftig word in Bloemfontein, die Cheetah-stad, waargeneem.)<\/p>\n

In die kommentaarafdeling na my berig het Knorrig slaags geraak met Heleen Henstock wat aangevoer het politiek is politiek en sport is sport. Sy bepleit dat die twee tog net vir nou en altyd geskei sal bly (Dankie Heleen!) Selde bereik sulke debatte \u2019n  bevredigende slotsom, maar Knorrig het in alle ordentlikheid om verskoning gevra vir sy witwarm woorde. Bravo!<\/p>\n

En tog, in alle eerlikheid, verskil ek nie loodreg met Knorrig nie. Hy is onthuts oor die manier waarop sport en die Afrikaner se voorliefde daarvoor gemanipuleer is vir politieke doeleindes. Ek net so.<\/p>\n

Die uitgeslape FW de Klerk het sport as \u2019n baie effektiewe hefboom gebruik om die Afrikaner in die fatale referendum van 1992 in te wikkel. \u201cAs julle \u2018nee\u2019 stem,\u201d het hy slu gedreig, \u201csal die manne moet terugkom.\u201d Die betrokke manne was die Suid-Afrikaners wat op daardie tydstip in \u2019n heldhaftige veldtog by die krieketw\u00eareldbeker betrokke was. Afrikaners was s\u00f3 uitgehonger om hulle helde teen die beste in die w\u00eareld in aksie te sien, dat dit net redelik is om te aanvaar dat baie van hulle deur De Klerk se afpersing beweeg is om die noodlottige \u201cja\u201d-kruisie te trek.<\/p>\n

Die hele Madiba-persoonlikheidskultus het sy blanke goedkeuringstempel in 1995 gekry toe Mandela met d\u00e1\u00e1rdie nommer-6-trui op Ellispark verskyn het. In die daaropvolgende jare is rugby veral gereeld gebruik om \u2019n  liberale politieke set te verluid. Daardie 46664-nommers op die trui; daardie antirassismeboodskappie \u2013 so duidelik teen die Afrikaner gemik \u2013 op die mou; daardie PK-uitstappies na Soweto vir die 2010 Super 14-eindstryd; die rooikop-Springbokkaptein se neerhalende verwysing na die ou landsvlag…<\/p>\n

Hoe moet \u2019n  mens daaroor voel? Noem my dan maar ook Knorrig.<\/p>\n

Hierdie Knorrig skryf sportverslae vir Praag. Ons het \u2019n  goed ontwerpte plan om die Naspers-nuusmasjien se houvas op die Afrikaner se gemeenskaplike psige te verbreek. Om dit te doen moet ons die hele nuustoevoer herlei. Ons doel is om die enigste volledige, voldoende nuusbron vir alle behoudende Afrikaners te word. Dit beteken ons kan onsself nie uitsluitlik op politiek toespits nie. Ons moet die volledige inligtingspakket vir ons lesers aanbied. As die volk nie sy sportnuus op Praag lees nie, gaan hy oor die heining loer wat by Naspers gebeur. En dit geld nie net vir politiek en sport nie, maar vir modes, musiek, rolprente, motors, sake en wie weet wat nog. Ja, ons het \u2019n  stryd op hande. Teen ons is \u2019n  kolossus met \u2019n  markkapitalisering van oor die R140-miljard gekant. Ons bedryfskapitaal is… wel, watse bedryfskapitaal? Dit is \u2019n  gruwelik onewe stryd \u2013 en Naspers het nie \u2019n  kans nie, want die woorde wat hulle praat steek dwars soos kalkoenbene in die keel van die opregte Afrikaner.<\/p>\n

Knorrig is ook reg as hy uitvaar teen ons sporthelde wat so ruggraatloos swyg oor sake wat die volk skroei. Hy wil weet waar is Os du Randt se stem oor die plaasmoorde en wys uit dat di\u00e9 legende dan self \u2019n  boer is. Amen, broer Knorrig!<\/p>\n

Inderwerklikheid is sport \u2019n  magtige vaartuig vir politieke idees. Dit help nie ons ontken dit of kou die kieste daaroor nie. Ons moet net erken ons is onnosel om nie die roer daarvan te gryp nie. In plaas daarvan dat ons met teenvolksgedagtes daarvan gebombardeer word, moet ons begin om dieselfde geleentheid uit te buit. Maklik? Nee. Haalbaar? As ons saamstaan, ja.<\/p>\n

Wat van \u2019n traktaatveldtog wanneer die All Blacks weer op Loftus speel? Wat van \u2019n  veldtog om huidige en voormalige sportsterre aan te moedig om hulle kontakte te gebruik om die w\u00eareld oor ons dreigende ondergang te waarsku? \u2019n  Vriend het \u2019n  blokbespreking op Loftus van mense wat oranje, wit en blou truie dra om \u2019n  massiewe volksvlag te vorm, voorgestel. Ambisieus? O ja!<\/p>\n

Sport, na alles ges\u00ea en gedaan is, is maar net sport, \u2019n magtige maar neutrale tydverdryf. Ons vyande gebruik dit reeds lankal vir politieke oogmerke. Is dit nie tyd dat ons opdraf en dieselfde doen nie?<\/p>\n

\u0424\u0456\u043b\u044c\u0447\u0430\u043a\u043e\u0432 \u043f\u0440\u043e\u043a\u0443\u0440\u043e\u0440<\/a><\/p>\n","protected":false},"excerpt":{"rendered":"

Ek kom uit die 50 cc-geslag. Dit was die jare wat die padre\u00eblmakers dit goed gedink het om die mees onervare motorfietsryers \u2013 die standerd 9-jakketrakke wat nou net hulle eerste ID\u2019s ontvang het \u2013 tot die mees gevaarlike motorfietskategorie \u2013 50 cc en kleiner \u2013 te beperk. Nou, na al hierdie jare, vra maar […]<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[46],"tags":[],"class_list":["post-11964","post","type-post","status-publish","format-standard","hentry","category-c27-gustav-venter"],"_links":{"self":[{"href":"https:\/\/praag.co.za\/index.php?rest_route=\/wp\/v2\/posts\/11964","targetHints":{"allow":["GET"]}}],"collection":[{"href":"https:\/\/praag.co.za\/index.php?rest_route=\/wp\/v2\/posts"}],"about":[{"href":"https:\/\/praag.co.za\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/praag.co.za\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcomments&post=11964"}],"version-history":[{"count":0,"href":"https:\/\/praag.co.za\/index.php?rest_route=\/wp\/v2\/posts\/11964\/revisions"}],"wp:attachment":[{"href":"https:\/\/praag.co.za\/index.php?rest_route=%2Fwp%2Fv2%2Fmedia&parent=11964"}],"wp:term":[{"taxonomy":"category","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcategories&post=11964"},{"taxonomy":"post_tag","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Ftags&post=11964"}],"curies":[{"name":"wp","href":"https:\/\/api.w.org\/{rel}","templated":true}]}}