Tussen 350 en 400 mense is in hegtenis geneem in verband met ‘n onwettige staking deur mynwerkers wat die afgelope week gewelddadig geraak het, het die polisie Sondag ges\u00ea.<\/p>\n
Volgens brig. Thulani Ngubane word hulle aangekla van opsetlike saakbeskadiging, diefstal, onwettige byeenkomste, openbare geweld en die besit van gesteelde goedere.<\/p>\n
Plaaslike ondernemings wat aan buitelanders behoort is Donderdag en Vrydag in Freedom Park geplunder. Ongeveer 38 winkels is deur di\u00e9 geweld geraak, het Ngubane ges\u00ea.<\/p>\n
Hy het ontken dat die aanvalle xenofobies van aard was en het ges\u00ea ondernemings, eerder as die buitelanders, is in die geweld geteiken.<\/p>\n
Ongeveer 100 mense, waarvan die meeste Somali\u00ebrs en Ethiopi\u00ebrs is, is weens die geweld verplaas en woon by vriende in ‘n nabygele\u00eb township, het hy ges\u00ea.<\/p>\n
Die township was oor die naweek stil toe mynwerkers huis toe gekeer het, maar die geweld kan weer Maandag uitbreek, het Ngubane ges\u00ea.<\/p>\n
“Die mense wat verantwoordelik hiervoor is, moet dit staak. Dit is al waarvoor ons vra,” het hy ges\u00ea.<\/p>\n
Die Nasionale Unie van Mynwerkers (NUM) het die stakers Saterdag gevra om terug te keer werk toe.<\/p>\n
“Die NUM is verbind tot ‘n vreedsame oplossing by [Impala Platinum] Implats en vra al sy lede en werkers in die algemeen om volgende week terug te keer werk toe, waar die kwessies aangespreek sal word,” het Lesiba Seshoka, woordvoerder, ges\u00ea.<\/p>\n
Die betogings het Donderdag in Phokeng begin, met mynwerkers wat blykbaar mense ge\u00efntimideer en aangerand het wat werk toe wou gaan.<\/p>\n
Hulle het paaie wat na Freedom Park lei afgesper en klippe na motors gegooi. Hulle het ook winkels geplunder. ‘n Satelliet-polisiekantoor in Freedom Park is ook aan die brand gesteek.<\/p>\n
Volgens Seshoka het die unie Vrydagaand met die bestuur by Implats vergader in ‘n poging om die probleem op te los.<\/p>\n
Implats het reeds ingestem om 17 200 werkers, wat vroe\u00ebr afgedank is nadat hulle onwettig gestaak het, weer in diens te neem.<\/p>\n
Die NUM en Implats moet nog die verskille in bonusse wat aan mynwerkers gegee is, bespreek.<\/p>\n