{"id":11944,"date":"2012-02-19T07:32:26","date_gmt":"2012-02-19T07:32:26","guid":{"rendered":"http:\/\/afrikaansenuus.co.za\/?p=11944"},"modified":"2012-02-19T07:32:26","modified_gmt":"2012-02-19T07:32:26","slug":"kom-ons-trek-laer-rondom-pieter-mulder","status":"publish","type":"post","link":"https:\/\/praag.co.za\/?p=11944","title":{"rendered":"Kom ons trek laer rondom Pieter Mulder"},"content":{"rendered":"

Soos ek in my vorige rubriek<\/a> te kenne gegee het, het daar begin Februarie iets ongeloofliks gebeur, toe genl. Johan van der Merwe die Belhar-belydenis se voorstanders met die waarheid oor die terreuraanslag teen Suid-Afrika in die tagtigerjare gekonfronteer het. Kort op die hakke daarvan, kom vandeesweek se verklaring deur dr. Pieter Mulder van die Vryheidsfront Plus dat swartes in die verlede nooit die hele Suid-Afrika bewoon het nie.<\/p>\n

Praag.co.za het reeds Donderdag Mulder se hele toespraak<\/a> gepubliseer, maar die gewraakte sinne waaroor Zuma, asook Zille se DA en vandag Mondli Makhanya van die Sunday Times histeries raak, is die volgende:<\/p>\n

“‘Africans in particular’ het nooit in die verlede in die hele Suid-Afrika gewoon nie. Die Bantoesprekendes het van die ewenaar af afbeweeg terwyl die wittes van die Kaap af op beweeg het om mekaar by die Keirivier te ontmoet. Daar is genoeg bewyse dat daar geen Bantoesprekendes in die Wes-Kaap en Noordwes Kaap gewees het nie. Hierdie gedeeltes beslaan 40% van Suid-Afrika se oppervlakte.”<\/p>\n

Volgens Makhanya het Mulder hiermee “‘n kru vorm van apartheidsontkenning gepleeg… Hy het ‘n skerp mes in die maag van swart Suid-Afrikaners gesteek en een van hul mees pynlike oomblikke weggesmyt.” Die Sunday Times het ook in gemengde Engels en Afrikaans vir Pieter Mulder tot “mamparra van die week” verklaar.<\/p>\n

Oor die afgelope tyd het die Vryheidsfront en veral dr. Pieter Mulder heelwat kritiek verduur weens sy adjunkministerspos in die ANC-kabinet, asook die swak vertoning van die party tydens die munisipale verkiesing verlede jaar. Feit is egter dat daar nou belangriker kwessies op die spel is en dat dit tyd is vir die Afrikaner om vir sy regte, sy geskiedenis, sy taal en sy voortbestaan op te staan.<\/p>\n

Dit het tyd geword om die ou Latynse spreuk te volg: unus pro omnibus, omnes pro uno<\/em>, “een vir almal en almal vir een”, wat deur Alexandre Dumas in sy boek, Die drie musketiers<\/em>, beroemd gemaak is.<\/p>\n

Pieter Mulder het, nes Johan van der Merwe, gepoog om die waarheid oor ons geskiedenis te praat en daarvoor word hy nou baie sterk aangeval. Want ons weet dat die ANC hierdie land met propaganda en leuens verower het en daarom is die party en sy lakeie besonder sensitief vir enige idees wat dalk ‘n alternatiewe siening van ons geskiedenis en politiek mag skep.<\/p>\n

Die goddelike reg van die swartman op grond, wat “van hom deur die blanke gesteel is”, is deur sowel die ANC as Naspers en die DA oor die afgelope dekade uitgebasuin. Die besonderhede en feite van ons geskiedenis is eenvoudig verontagsaam en vertrap ter wille van hierdie Marxistiese weergawe van die Suid-Afrikaanse verlede.<\/p>\n

Ons weet dat die ANC en die SAKP – ook daardie kommunistiese mummie, Jeremy Cronin, het vandeesweek oor blanke wreedhede gefulmineer – “die geskiedenis as ‘n terrein van stryd” beskou. Soos George Orwell ges\u00ea het, “Hy wat die hede beheer, beheer die verlede. Hy wat die verlede beheer, beheer die toekoms.”<\/p>\n

Daarom is die stryd oor ons geskiedenis wat die afgelope weke deur Johan van der Merwe en nou deur Pieter Mulder ontketen is, van die uiterste belang. Vir Mulder het dit moed geverg om man-alleen in die parlement op te staan en die Bantoesprekers daaraan te herinner dat hulle nooit in die verlede die hele land beset het nie. Trouens, selfs ‘n stad soos Johannesburg het tot voor die tweede w\u00eareldoorlog ‘n blanke meerderheid gehad en is slegs deur immigrasie tot vandag se Afrika-toestand verander.<\/p>\n

Die Engelse intellektuele met hul voorliefde vir die Marxisme het jare lank die argument gevoer dat ons Afrikaners die swartes uitgebuit, mishandel en as’t ware van hul grond verdryf het. Vandaar die mite dat Suid-Afrika eers ‘n “swart land” was wat deur ons, die blanke setlaars, “gesteel is”. Ook Jeremy Cronin se uitspraak vandeesweek in reaksie op Mulder getuig van die gebruik van emosionele propaganda. Cronin, wat adjunkminister van vervoer is, het ges\u00ea:<\/p>\n

“Hy ondergrawe sy argument geheel en al wanneer hy hierdie verskriklike koloniale mite inbring dat die land leeg was toe die koloniste aangekom het. Hy s\u00ea aan ons dat ons die Voortrekkerdagboeke moet lees. Maar ek het die Voortrekkerdagboeke gelees. In daardie dagboeke spog hulle oor hoe hulle inheemse mense gejag het asof hulle blote ongediertes was.”<\/p>\n

Cronin verwys na “koloniale mites”. Maar wat van kommunistiese mites? Sedert die sestigerjare, maar selfs daarvoor, het Marxistiese akademici en historici in di\u00e9 land ‘n uiters eensydige, leuenagtige weergawe van ons geskiedenis gefabriseer. Cronin en sy geesgenote van die SAKP  het aangesluit by Philip en Van der Kemp om Twee eeue van onreg deur Engelse<\/a> vir ons te skep. Die joernaliste en rubriekskrywers van Naspers het dit alles vir soetkoek opge\u00ebet en vir die afgelope dekade of twee in ons kele afgedruk.<\/p>\n

Die kritici van Israel praat van die “apartheidsmuur” wat in daardie land teen Palestynse terreuraanvalle gebou is. Maar ‘n nuwe “apartheidsmuur”, baie soortgelyk aan die Berlynse muur, het sedert 1994 in ons land verrys. Dis ‘n muur wat steen vir steen met kommunistiese mites aanmekaar gevysel is. Soos ek al soveel kere vantevore ges\u00ea het, is die Berlynse muur nog nooit in ons land afgebreek nie, want kommunisme word steeds as ‘n hoogs morele stelsel en w\u00earelbeskouing geag.<\/p>\n

Die tyd het aangebreek om daardie “apartheidsmuur” waarmee ons as setlaars in ons eie land uitgebeeld word, finaal te bestorm. Nie met klippe en brandende motorbande soos die gepeupel in hierdie land maak nie, maar met woorde, feite en skerpsinnige formulerings soos Pieter Mulder enkele dae gelede in die parlement gedoen het.<\/p>\n

Soos die vyand met sy oordrewe reaksie getoon het, gaan die stryd egter taai wees. Ons sal spanne mense moet vorm om bepaalde aspekte van ons geskiedenis na te vors, veral wat grondbesit betref. Gelukkig is die biblioteke vol Afrikaanse boeke en proefskrifte wat ons voorouers geskryf het omdat hulle versiende genoeg was om te weet dat die Afrikaner se plek in Suid-Afrika geensins ‘n gegewe is nie, maar iets wat net deur stryd en harde werk verwerf kan word.<\/p>\n

PRAAG is uniek geplaas om die voortou in hierdie anti-kommunistiese veldtog te neem. Ons beskik oor van die beste polemiese rubriekskrywers in die land. Ons moet onmiddellik met ‘n veldtog begin om die bres wat dr. Pieter Mulder geslaan het verder te vergroot, sommer ‘n gat in die muur van apartheidspropaganda uit te kap. Ons moet dit op die Praagwebblad iin Afrikaans doen,  en van daar af via Twitter en Facebook versprei ten einde ons eie mense in te lig.<\/p>\n

Maar ons moet ook briewe, artikels en mediaverklarings aan al die media in die land en selfs in die buiteland rig. Dit sal georganiseerd gedoen moet word en die Vryheidsfront Plus, Afrikanerbond, Afrikanerfront, asook elke moontlike Afrikaanse organisasie wat enigiets beteken of oor talentvolle mense beskik, sal moet meedoen hieraan. Oor die radiostasies en op TV moet ons dit met oortuiging en drif herhaal: Hierdie land is ons s’n en ons verwerp die Marxistiese mite dat ons “setlaars” sou wees. Elke erf en elke plaas, behalwe in die tradisionele of tuislandgebiede, beskik oor sy kaart en transport. Die bewyslas behoort te rus op die ANC en SAKP, asook die joernaliste van Naspers, Avusa en die ander mediagroepe wat so graag eiendomsreg in di\u00e9 land verdag maak, om aan te toon waar en wanneer elke plaas of erf aan ‘n “inheemse” swartman behoort het, waar hy vandaan gekom het, watse paspoort of ID-dokument hy gehad het, en so meer.<\/p>\n

Net so moet daar aan ons bewys word waarom kommunistiese Engelse soos Cronin hulself “inheems” ag en namens die “inheemses” mag praat, en waarom Engels en Zoeloe of Xhosa “inheems tale” is, maar Afrikaans nie.<\/p>\n

Die ANC is ‘n party en ‘n organisasie wat homself gewoonlik in die  taal van stryd en oorlog uitdruk. In die verlede het hy gereeld oorlogsverklarings aan Suid-Afrika en aan die Afrikaner se adres gerig. N\u00earens waar ek van weet, het hy al ooit sulke oorlogsverklarings teruggetrek nie. Net soos wat geen ANC-minister hom nog ooit teen plaasmoorde uitgespreek het nie. Daar is mos so iets soos “stilswyende goedkeuring”. Die huidige propagandastryd rondom grondbesit en eiendomsreg in ons land verteenwoordig bloot ‘n voortsetting van daardie oorlog. Pleks van ‘n oorlog met wapens of terreuraanslae soos die Kerkstraatbom, gaan dit nou om ‘n inligtingsoorlog of, om die ANC se term te gebruik, die “ideologiese stryd”.<\/p>\n

Die eerste skote in daardie stryd het lankal geklap. Tans is ons oorlewing op meer as een manier op die spel. Laat president Jacob Zuma naderhand huil vir sy masjiengeweer. Want anders as wat Breyten Breytenbach destyds in sy gedig geskryf het, is dit:<\/p>\n

Nie met die masjiengeweer nie, maar met die pen.<\/p>\n

Unus pro omnibus, omnes pro uno!<\/em><\/p>\n

\u0414\u0430\u043d\u0438\u043b\u044c\u0447\u0435\u043d\u043a\u043e \u042e\u0440\u0438\u0439 \u0425\u0430\u0440\u044c\u043a\u043e\u0432<\/a><\/p>\n","protected":false},"excerpt":{"rendered":"

Soos ek in my vorige rubriek te kenne gegee het, het daar begin Februarie iets ongeloofliks gebeur, toe genl. Johan van der Merwe die Belhar-belydenis se voorstanders met die waarheid oor die terreuraanslag teen Suid-Afrika in die tagtigerjare gekonfronteer het. Kort op die hakke daarvan, kom vandeesweek se verklaring deur dr. Pieter Mulder van die […]<\/p>\n","protected":false},"author":1,"featured_media":11943,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[41],"tags":[],"class_list":["post-11944","post","type-post","status-publish","format-standard","has-post-thumbnail","hentry","category-c22-dan-roodt"],"_links":{"self":[{"href":"https:\/\/praag.co.za\/index.php?rest_route=\/wp\/v2\/posts\/11944","targetHints":{"allow":["GET"]}}],"collection":[{"href":"https:\/\/praag.co.za\/index.php?rest_route=\/wp\/v2\/posts"}],"about":[{"href":"https:\/\/praag.co.za\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/praag.co.za\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcomments&post=11944"}],"version-history":[{"count":0,"href":"https:\/\/praag.co.za\/index.php?rest_route=\/wp\/v2\/posts\/11944\/revisions"}],"wp:featuredmedia":[{"embeddable":true,"href":"https:\/\/praag.co.za\/index.php?rest_route=\/wp\/v2\/media\/11943"}],"wp:attachment":[{"href":"https:\/\/praag.co.za\/index.php?rest_route=%2Fwp%2Fv2%2Fmedia&parent=11944"}],"wp:term":[{"taxonomy":"category","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcategories&post=11944"},{"taxonomy":"post_tag","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Ftags&post=11944"}],"curies":[{"name":"wp","href":"https:\/\/api.w.org\/{rel}","templated":true}]}}