![](\"http:\/\/afrikaansenuus.co.za\/wordpress\/wp-content\/uploads\/2012\/02\/politokrasie.jpg\")
Oorspronklike en vernuwende denkers in die politieke wetenskap en filosofie is in ons moderne tyd so skaars soos hoendertande. Professor Koos Malan het egter deur daardie muur gebreek, en hierdie uitstekende boek die lig laat sien, waarin hy die ontstaan en ontwikkeling van die moderne staat, of soos hy dit noem: \u201cstaatlikheid\u201d ontleed en beskryf, en aan die einde met vefrissende logika en oorspronklikheid \u2018n antwoord bring, wat hy “politokrasie” noem.<\/p>\n
Hierdie boek is \u2018n \u201cmoet lees\u201d vir almal wat belangstel in die politiek, politieke wetenskap en staatsleer. Dit is in \u2018n boeiende trant geskryf, en n\u00earens raak Malan in \u2018n geykte langdradige akademiese gebrabbel vasgevang nie. Die logika van sy argumente word stapsgewys uiteengesit, en hy bou die ontstaan, ontwikkeling en finale wese van die begrip staatlikheid sistematies uit, tot by die krake in die moderne staat, waarna hy die alternatief aanbied.<\/p>\n
Regter Eberhard Bertelsman van die Hooggeregshof beskryf die boek as \u201c\u2019n meesterlike opsomming van die geskiedenis van die Westerse staatsfilosofie, staatkunde en staatsreg…\u201d<\/p>\n
Frank Judo, advokaat in Brussel, Belgi\u00eb, vra die vraag: \u201cWordt de klassieke trias; monarchie, aristocratie en democratie binnenkort aangevuld met een vierde type, namelijk de politocratie?\u201d<\/p>\n
George Barrie van die Universiteit van Johannesburg, s\u00ea Malan se beskrywing van politokrasie, wat op daadwerklike demokrasie neerkom, verdien daadwerklike en diepsinnige oorweging.<\/p>\n
Malan se ysige nugtere slotsom van die moderne territoriale staat<\/strong> is soos volg:<\/p>\n Die leser word met die werklikheid gekonfronteer dat die mense binne \u2018n staat net gebruik word om die staat as entiteit in stand te hou, en dat die staat nie ter wille van die mense binne sy territorium bestaan nie. Die staat het \u2018n eiegeregtige dier geword.<\/p>\n Malan definieer sy nuwe politieke model, politokrasie, soos volg: \u201cPolitokrasie omskryf \u2018n omvattende politiek-konstitusionele orde \u2013 veelsferige regering deur die burgers (politai) van elke politieke gemeenskap oor die besondere res publica \u2013 die gemenebes \u2013 van die betrokke gemeenskap.\u201d Die begrip politokrasie is ontleen aan die klassieke Griekse begrip polis \u2013 die stadstaat. Die politai \u2013 die burgers \u2013 was die burgers van die polis en was as sodanig daadwerklik vir die regering van die polis verantwoordelik. Verder redeneer Malan dat met politokrasie weggedoen word met burgerskap se uitsluitlike vereenselwiging met die territoriale staat, en verbind dit darenteen prim\u00ear met beperkter en hegter tuistelike gemeenskappe waar \u2018n res publica in re\u00eble terme bestaan en meer regstreeks en intiem deur die burgery beleef word.<\/p>\n Die ontleding van die moderne begrip staatlikheid en die model wat deur Malan omskryf word, bring werklik vernuwende denke oor veral state waar daar meer as een etniese of kulturele gemeenskap binne die moderne territoriale staat byeen is, en elke student van politieke en staakundige wetenskap sal armer wees om nie die boek te lees nie.<\/p>\n Titel: Politokrasie: ‘n Peiling van die dwanglogika van die territoriale staat en gedagtes vir ‘n antwoord daarop \u00a0<\/p>\n\n\n
Outeur: Koos Malan
ISBN: 978-0-9869857-3-7
Bladsye: 358
Omslag: Sagteband
Datum: 2011
Uitgewer: Pretoria University Law Press<\/p>\n