{"id":11896,"date":"2012-02-09T09:59:45","date_gmt":"2012-02-09T09:59:45","guid":{"rendered":"http:\/\/afrikaansenuus.co.za\/?p=11896"},"modified":"2012-02-09T09:59:45","modified_gmt":"2012-02-09T09:59:45","slug":"belhar-naspers-verdedig-hul-marxistiese-groot-leuen","status":"publish","type":"post","link":"https:\/\/praag.co.za\/?p=11896","title":{"rendered":"Belhar: Naspers verdedig hul Marxistiese ‘Groot Leuen’"},"content":{"rendered":"

Iets ongeloofliks het oor die afgelope week of wat gebeur. N\u00e1 die publikasie van genl. Johan van der Merwe se memorandum oor die Belhar-belydenis<\/a>, wat blykbaar aanvanklik deur Neels Jackson van Beeld “uitgelek” is, het daar ‘n angsvallige trilling deur Heerengracht 40 in Kaapstad getrek, daar waar Naspers gesetel is.<\/p>\n

Oor jare heen het Beeld, Die Burger, Rapport en ander publikasies in die Naspersgroep saamgewerk om die “Groot Leuen” in Suid-Afrika te vestig. Die Groot Leuen berus op die Marxistiese siening van ons geskiedenis wat, soos Mbeki dit ook per geleentheid gestel het, die Suid-Afrikaanse samelewing as “kolonialisme van ‘n spesiale tipe” beskou. Hiervolgens was enige vorm van geweld of terreur in die verlede teen die vorige bewind geregverdig en indien Nelson Mandela nie Jesus Christus is nie, is hy wel naby daaraan.<\/p>\n

Almal wat hom ken, bevestig dat genl. Johan van der Merwe waarskynlik die briljantste polisieman is wat di\u00e9 land n\u00f3g opgelewer het. Vergelyk hom byvoorbeeld met Jacky Selebi, die ANC se idee van ‘n polisiehoof wat nou tronkstraf vir korrupsie uitdien. Maar Van der Merwe is ook ‘n gelowige en skerpsinnige denker wat in sy onlangse memorandum ‘n baie nugter blik op die Belhar-belydenis werp.<\/p>\n

Die kern van sy beswaar is dat Belhar destyds in die tagtigerjare bedoel was om ‘n teologiese regverdiging vir terreur en politieke geweld te bied. As iemand wat destyds hoof van die polisie se Veiligheidstak was, weet hy baie goed in watter mate die Engelstalige kerke destyds, asook die NG Sendingkerk, deel was van die revolusion\u00eare aanslag teen die ou regering.<\/p>\n

Ten einde Belhar vandag vir gewone NG-lidmate aanvaarbaar te maak, word dit voorgestel as een of ander uitdrukking van “solidariteit met die armes”. Die historiese betekenis van die dokument is daarmee verdoesel, want dit spruit uit die sogenaamde teologie van die revolusie wat Karl Marx en die Bybel met mekaar probeer versoen het.<\/p>\n

Dat Van der Merwe se memorandum ‘n teer punt aangeraak het, is helder. Sedertdien poog ‘n horde van Beeld en Die Burger se linkse (neo-Marxistiese?) rubriekskrywers om vure dood te slaan. Miskien is die gemiddelde NG-lidmaat toe nie so na\u00efef en goedgelowig as wat die revolusion\u00eare gedink het nie en mag sommige selfs begin ag slaan op die intellektuele en teologiese debat wat daar nou ook buite die kerk rondom die Belhar-manifes begin loop.<\/p>\n

Christina Landman en Neels Jackson het albei in Beeld gepoog om die skade wat die Van der Merwe-memorandum reeds aangerig het, ongedaan te probeer maak. Ongelukkig is beide intellektuele liggewigte wat nie in staat is om op Van der Merwe se beginselbeswaar teen Belhar te antwoord nie.<\/p>\n

Ek dink nie daar was al ooit ‘n land waarvan die geskiedenis so grondig verdraai en diensbaar aan die politiek van die dag gemaak is soos di\u00e9 van Suid-Afrika nie. Dis al ‘n clich\u00e9 om dit “Orwelliaans” te noem, n\u00e1 George Orwell, die skrywer van 1984 en Animal Farm<\/em> waarin die kommunisme gesatiriseer word.<\/p>\n

Ek staan agterdogtig teenoor akademici wat in die Nuwe Suid-Afrika nog nie hul werk verloor het nie. Nadat die revolusie soos ‘n orkaan deur die universiteite getrek het, bly weinig akademiese vryheid of integriteit nog oor. Daarom verbaas dit nie dat die mees fanatieke voorstanders van die ANC se Nasionale Demokratiese Revolusie juis aan ons universiteite te vinde is nie. Hulle huiwer ook nie om naakte propaganda uit te basuin as dit daarby kom om die “kontra-revolusion\u00eare” – die gewone middelklasmense van Suid-Afrika – te “bestry” nie.<\/p>\n

Prof. Christina Landman begaan in haar Beeld-rubriek<\/a> die groteske mistasting om die geskiedenis van die ANC s\u00f3 voor te stel:<\/p>\n

Kyk, die ding staan s\u00f3: Die ANC het nie die land met geweld oorgeneem nie. Die ANC het \u2013 met of sonder die kerk se hulp \u2013 nie die politieke stryd met geweld gewen nie. <\/em><\/p>\n

Hy het dit juis gewen wanneer hy op sy weerloosste was. Soos met Sharpe\u00adville. <\/em><\/p>\n

Toe ongewapendes met geweld uitmekaar geskiet is deur die \u201cboys on the border back home\u201d wat ernstig deur die wit kerk ondersteun is. En die hele w\u00eareld kon sien wat gaan aan.<\/em><\/p>\n

Daardie geharde, revolusion\u00eare, Marxistiese organisasie wat tot in die tagtigerjare die ou Sowjetunie as sy vernaamste bondgenoot gehad het, die outeurs van die Kerkstraatbom en vele ander aanvalle op ongewapende burgerlikes, word in Landman se Sondagskoolprosa tot die spreekwoordelike wolf in skaapsklere omgetower. (Terloops, diegene wat by Sharpeville opgetree het, was ook van die PAC en nie van die ANC nie.)<\/p>\n

Geweld, selfs verskrikking, was ‘n wesentlike deel van die ANC en SAKP se strategie om hierdie land te verower. Daarvan getuig die meer as 400 voorvalle van halssnoermoorde wat deur die revolusion\u00eare gepleeg is.<\/p>\n

In antwoord op Christina Landman se stuk onverdunde propaganda, het mnr. Johan Botha, voorsitter van die Stigting vir gelykheid voor die reg, ‘n uiters saaklike en beredeneerde brief<\/a> aan die rooi koerant, Beeld, gerig. Daarin maak hy Landman attent op die wanvoorstelling wat sy van Sharpeville pleeg:<\/p>\n

‘n Kommissie van ondersoek onder regter P. Wessels het die Sharpevillevoorval ondersoek en die volgende feite is geboekstaaf :<\/em><\/p>\n

\n