Dit is moeilik vir my as Afrikaner, synde die teiken van en aan die ontvangkant van baie van die ANC se veldtogte van etniese reiniging; oa regstellende aksie, die Ho\u00ebrskool Ermelo en dies meer, om die volgende te skryf: Ek koester simpatie vir president Zuma. D\u00edt skryf ek, ten spyte daarvan dat ek vantevore al dikwels teen hom as individu, asook sy party, te velde getrek het.<\/p>\n
Nie net is mnr Zuma op die oog af \u2018n heel aangename, gemoedelike en vriendelike persoon nie, nie net het hy dr Mulder genooi om deel van sy kabinet te wees nie, en nie net het hy saam met Dan en Steve sosiaal verkeer nie, maar ook is hy getrou aan sy trotse volk, die Zoeloes, se tradisies. Daarom vind ek die bykans-histeriese veroordeling van mnr Zuma vanuit die Engelse pers vreemd. Ek vind dit byvoorbeeld uiters skynheilig om Zuma se veelwywery te veroordeel, veral as diegene wat dit veroordeel, bande het met \u2018n agterlike moddereiland, waarop die huidige kroonprins vir sy buite-egtelike minnares en bywyf oor die foon ges\u00ea het dat hy wens hy was haar tampon<\/a>. Jy kan kwalik \u2018n veelwywer wil verkwalik vir sy gewoontes, as jy self afstam van of lojaal is aan \u2018n koningshuis wat berug is vir sy teregstelling van sy eggenote, en vir wie skelmpies en buite-egtelike liaisons alledaags is.<\/p>\n My simpatie met Zuma word eweneens bykans elke dag versterk wanneer ek in die Engelse en Broederpers die rubrieke, berigte en meningsstukke lees, wat te velde trek teen Zuma se hortende voorlesery<\/a> van sy toespraak op die 100-jarige vierings van die ANC se bestaan in die Rosestad. So ook vind ek die intellektuele snobisme van die Soutsakke teenoor Zuma afstootlik. Ja \u2013 hy het slegs \u2018n St 2-kwalifikasie. Daar is egter verwardes met doktorsgrade op Stalinbos wat duidelik erg sukkel om helder te dink, en sal baat by \u2018n paar goedgeplaaste klappe, of wat seg ek als, Abel Malan? Waarom blote akademiese kwalifikasies so hoog ag, as die besitters daarvan dikwels sulke volslae morone is?<\/p>\n