Bele\u00ebrde ANC-jeugliga president Julius Malema en sy belangrike bondgenoot, Cassel Mathale, het die eerste ronde gewen in wat waarskynlik ‘n bitter stryd gaan wees in Mangaung.<\/p>\n
Mathale is Sondag herverkies is tot provinsiale voorsitter van Limpopo.<\/p>\n
Die ANC in Limpopo se verkiesingskonferensie gaan Maandag voort, met die verkiesing van 20 provinsiale uitvoerende komitee-lede.<\/p>\n
Die konferensie vind op die Universiteit van Limpopo se Turfloop-kampus plaas.<\/p>\n
Na verwagting sal Julius Malema benoem word as addisionele lid tot die uitvoerende komitee. Malema is ‘n vertroueling van premier Cassel Mathale.<\/p>\n
Mathale het adjunk-minister van kuns en kultuur Joe Phaahla, met 82 stemme geklop om sy posisie te behou. Hy het 601 stemme; Phaahla 519.<\/p>\n
Mathale se oorwinning sal Malema se posisie versterk. Die jeugligaleier se bekende kaalgeskeerde kop het Sondag plek gemaak vir hare.<\/p>\n
Malema het in die openbaar ‘n veldtog teen Zuma voortgesit om deur sy adjunk, Kgalema Motlanthe, opgevolg te word by die party se leierskapskonferensie volgende jaar.<\/p>\n
Ondersteuners van Mathale het Zuma by wyse van sang Saterdag gespot, en het verwys na hom as die “stortmens wat in Mangaung vervang moet word.”<\/p>\n
Malema het die sang gelei met lirieke wat lui: “die stortmens gee ons ‘n harde tyd” terwyl hy stortkop gebare bo sy kop gemaak het.<\/p>\n
Die ANC se Vroueliga het ges\u00ea hulle is tevrede met die verkiesingsuitslae.<\/p>\n
Die polisie het bevestig dat ‘n vryskutjoernalis, Chester Makana, tydens die konferensie teen die kop met ‘n baksteen getref is. Makana het glo ondersoek ingestel na verkiesingsongerymdhede.<\/p>\n
\u00a0<\/p>\n