![\"Dan](\"http:\/\/afrikaansenuus.co.za\/wordpress\/wp-content\/uploads\/2011\/11\/roodt_fiets.jpg\" "\\"Voor")
<\/p>\n{jathumbnail off}<\/p>\n
<\/p>\n
\u00a0<\/p>\n
Die fiets het \u2019n paradoks geword. Dis tegelyk \u2019n vervoermiddel vir die armes en \u2019n speelding vir viertrekvoertuigeienaars.<\/p>\n
En dis laasgenoemde en hul rygoed wat verlede Sondag \u2019n parkeerterrein in Midrand vervuil vir die wegspring van Johannesburg se grootste fietsren.<\/p>\n
Die Russiese (en Italiaanse) konstruktiviste se aanbidding van die masjien is wat elke fietser inspireer. Die wedren word immers geadverteer met die slagspreuk: \u201cBlood, sweat and gears\u201d.<\/p>\n
Met die aantree hoor jy rondom jou omtrent net Afrikaans. Soos rugby, is fietsry kennelik \u2019n Afrikanersport.<\/p>\n
Dog \u2019n sport vir amateurs, want almal kan daaraan deelneem, van professionele fietsers tot die vrou wat later in die middestad van Johannesburg al swetende teenoor my bely: \u201cDis my derde probeerslag. Die vorige twee kere kon ek nie klaarmaak nie.\u201d<\/p>\n
Daar heers \u2019n karnavalat\u00ad\u00admos\u00adfeer. Al staan almal met hul blink fietsrame en futuristiese klere en helms soos beeste in \u2019n drukgang.<\/p>\n
Langs my gesels \u2019n man van Northcliff wat al die Argus in Kaapstad gery het. \u201cIs dit jou eerste wedren?\u201d vra hy belangstellend. \u201cPasop net vir die ouens wat aan jou regterkant verbykom. Wees op die uitkyk dat hulle nie in jou vasry nie.\u201d<\/p>\n
Uit die groot luidsprekers hits \u2019n opgeruide aankondiger die fietsers aan, tussen doef-doefmusiek deur. Telkens as nog \u2019n groep, J, of K of L \u2013 elke fietser, soos elke ketter, het sy letter \u2013 oor die aanvangstreep beweeg, bereik sy stem \u2019n histrioniese hoogtepunt.<\/p>\n
Uiteindelik breek die groot oomblik aan en word die K-groep tot die stryd opgeroep. Honderde klikgeluide weerklink soos die knippe van fietsskoene aan die pedale vasheg \u2013 en hulle is weg. Iewers registreer elkeen se RaceTec-skyfie neffens die voorwiel die wegspringoomblik.<\/p>\n
Enkele ure lank is die M1- en N14-snelweg, die middestad, Jan Smuts, Homestead, Douglas, Witkoppen en ander boulevards aan fietse, pleks van motors, oorgelewer.<\/p>\n
En watter voorreg is dit nie om die hele M1 op \u2019n fiets te mag verken nie: die tekstuur van die teer, die monumentale beton van die oorbr\u00fbe, die lowerhange van Parktown of Westcliff.<\/p>\n
\u2019n Mens kan filosofies raak oor jou tweewielervarings. Soos die Vlaamse wysgeer Marc van den Bossche in sy boek Wielrennen skryf: \u201cFietsry maak my denke vry.\u201d \u2019n Mens is vasgevang in die oomblik en monitor gedurig die pad, die omgewing, jou medefietsers en die oorblywende krag in jou bene. Maar die vrye denke bo-op \u2019n fiets behels ook die somtotaal van jou herinneringe en assosiasies met Johannesburg en sy strate.<\/p>\n
Trouens, elke straatnaam verteenwoordig \u2019n stuk persoonlike en politieke geskiedenis.<\/p>\n
Iewers onder die teer van \u201cMalibongwe\u201d leef Hans Strijdom steeds voort.<\/p>\n
Met die stywe opdraand deur The Wilds beland jy skielik in Berea en die middestad van Johannesburg, waarna \u2019n paar skouspelagtige draaie op en af van die M2 volg.<\/p>\n
Die medalje wat jy vier uur later by die wenpaal ontvang, bevat die ietwat ironiese inskripsie: \u201cA world-class African city\u201d.<\/p>\n
Die stroom hoofsaaklik wit en Afrikanerfietsers uit Pretoria en Centurion wat die middestad van Johannesburg tref, laat jou dink aan die woorde van die Sting-liedjie: \u201cI\u2019m an alien, an Englishman in New York.\u201d<\/p>\n
Want die bleek fietsers in hul helder sintetiese hempies, stywe broeke en helms op Japanse en Italiaanse selfgedrewe tegnologie ontmoet hier \u2019n heel ander bevolking. \u2019n Laegraadse etniese konfrontasie, hoewel vriendelik, knetter in die lug.<\/p>\n
Naby die ronde Ponte-wolkekrabber drentel swart seuntjies, moontlik uit die Kongo, verwonderd op die sypaadjies rond en waai af en toe vir die verbysnellende ryers teen die afdraand. Naby Mainstraat en die ou Nedbank-hoofkantoor staan \u2019n swart vrou en skree iets in haar taal, gevolg deur \u2019n Engelse woord wat sy oor en oor herhaal.<\/p>\n
Johannesburg is lankal nie meer w\u00eareldklas nie, maar wel \u2019n Afrikastad vol stalletjies, \u2019n Derdew\u00eareld-straatmark tussen Bauhaus-monumente uit \u2019n vervlo\u00eb tydvak. Die stad huiwer tussen twee beskawings soos \u2019n reus wat wik en weeg of hy oor die Amasone moet spring. Die rit op \u2019n fiets deur die middestad raak surrealisties: vreemd en onsamehangend soos die Dada-kunstenaar Marcel Duchamp se beroemde fietswiel wat bo-op \u2019n kroegstoeltjie gemonteer is.<\/p>\n
Teen die afdraand in Jan Smuts verby die dieretuin \u201cklok\u201d ek 67km\/h op my fietsrekenaartjie. Spoed. Die wind in jou hare. Wie het \u2019n afslaankapmotor nodig? Net daarna in die koeltes van Saxonwold hou \u2019n man met uitgestrekte arm \u2019n kleinerige Bar-One na my uit wat ek onwillekeurig vasgryp. Ek kou die taai stuk toffie en melksjokolade heel, kilometers ver.<\/p>\n
Daar is iets Sisufosiaans aan fietsry. Pleks van \u2019n klip soos wat Sisufos teen die berg op en af moes stoot, trap \u2019n mens jou liggaamsgewig teen die bulte op, met die hoop op \u2019n kortstondige vryrit teen die daaropvolgende afdraand af. Net om die proses te herhaal, ad absurdum.<\/p>\n
\u2019n Fietsren van bykans 100 km lank toets ook die ryer se wil. Sonder deursettingsvermo\u00eb kom niemand die lang, steil bulte van die N14 of die gepas genoemde Heartbreak Hill in Midrand op nie. Die laaste 20 km voel verder as die voorafgaande 70.<\/p>\n
As jy (volgens RaceTec) 4 uur en 14 minute later in Midrand verby die eindpunt van jou fiets afklim, medalje in die hand, sukkel jy om staanplek vir jou ryding tussen die menigte te vind.<\/p>\n
Die gevoel is iets tussen verligting en \u2019n beskeie soort triomf. Maar ook \u2019n vae bewo\u00ebnheid omdat die lewe so kort is. Holbein moes fietse geskilder het.<\/p>\n
Ons vlees hang aan ons skelet soos \u2019n fietser bokant sy geraamte van aluminiumallooi of koolstofvesel huiwer.<\/p>\n