![](\"http:\/\/afrikaansenuus.co.za\/wordpress\/wp-content\/uploads\/2007\/01\/roodt_dan4.jpg\")
Oor die afgelope paar dae, na aanleiding van vele poltieke gesprekke en uitgeruilde e-posse met allerlei mense, is \u2018n plan besig om in my kop vorm aan te neem oor hoe ons \u2018n eie staat of republiek binne \u2018n kort tyd kan verwerf. Voor ek daaroor uitbrei, net enkele inleidende opmerkings, as \u2018n soort bestekopname van Afrikanerdenke op die oomblik.<\/p>\n
Sedert ons Afrikanervergadering op 3 September in Centurion, het verdere informele gesprekke tussen die deelnemers plaasgevind. Die algemene gevoel is dat ons tyd besig is om uit te loop, met \u2018n dreigende nuwe golf van Afrikaneremigrasie en buitelandse swartes wat steeds onverpoosd oor ons grense stroom om middestede en -dorpe te beset.<\/p>\n
Demografies verkeer ons steeds in vryval en hoewel dit op geen wetenskaplike ontleding gegrond is nie, voel ek dat die blankes binne die volgende tien jaar vanaf die huidige tien persent van die bevolking tot net vyf persent kan daal. Dit sal al heelwat laer wees as wat die pesentasie blankes in Zimbabwe in 1980 was toe Mugabe die ou Rhodesi\u00eb oorgeneem het. Diegene, soos Helen ZIlle, wat groot drome droom van hoe daar deur politiekery en die stembus weer invloed teruggewen kan word, sal dan die sin van die Fransman Auguste Comte se woorde besef: \u201cDemografie is die noodlot.\u201d As \u2018n persentasie van die totale bevolking gaan Afrikaners tot twee of drie persent daal, \u2018n weglaatbare groepie bleekgesigte wat op alle gebiede demografies oorweldig gaan word. Afrikaanse skole of kerke sal nie meer gered kan word nie en daardie kosbare gebiede waar ons steeds in die meerderheid verkeer, sal aanstons verlore wees.<\/p>\n
Steeds in \u2018n pessimistiese trant, het ek enkele dae gelede \u2018n uur of wat saam met prof. Danie Goosen van die FAK in \u2018n Pretoriase kafee deurgebring. Hy bekla die feit dat Afrikaners blykbaar \u201conmobiliseerbaar\u201d is. Soos slaapwandelaars stap hulle pylreguit op \u2018n afgrond af waar ons een vir een gaan afstort. Die enigste kwessie wat nog vir die meerderheid Afrikaners saak maak, is rugby. Maar n\u00e1 Mandela se manipulasie van rugby in 1995, het die ANC, die SAUK en die groot maatskappye Springbokrugby reeds tot \u2018n lewende advertensie vir multikulturalisme en die ANC-nasie onder swart oorheersing omvorm. In allerlei beelde verskyn dansende swartes met donkerbrille in Springbokrugbytruie of hardloop swart kinders met rugbyballe rond om hul toekomstige besit van rugby te simboliseer.<\/p>\n
Ook tydens my gesprek met Goosen, het ons oor Afriforum se hofsaak teen Malema gesels. Tim du Plessis skryf insgelyks vandag in Rapport daaroor en verwoord die dilemma van diegene wat nog \u201cbinne die stelsel\u201d teen ANC-mag wil agiteer: Met verwysing na Malema se anit-Afrikaanse en anti-blanke diskoers, meen Du Plessis:<\/p>\n
\u201cDis die taal wat volksmoord laat ontkiem. Jy kan nie n\u00edks doen nie. Want as jy dit sonder reaksie laat verbygaan, beteken dit ge\u00efmpliseerde aanvaarding van die grotesk verwronge, lewensgevaarlike nuwe werklikheid wat Malema probeer skep. Jy kan luidkeels protesteer en \u2018amptelik\u2019 beswaar maak. Maar wat as di\u00e9 protes niks oplewer nie?\u201d<\/p>\n
N\u00e1 die Malema-haatspraaksaak het ons waarskynlik die perke van politieke agitasie deur die howe bereik. Solidariteit\/Afriforum veg al jare ewe hard teen die Vryheidsfront as teen Malema en noudat die Vryheidsfront tot minder as \u2018n halwe persent van die kiesers gereduseer is, kan die manne in leerbaadjies vanuit Lyttelton ons ook nie enige politieke oplossings bied behalwe skermutselings in die howe nie. Ek tel onder diegene wat dink dat Malema m\u00e9\u00e9r daarby baat as die Afrikaner. Benewens die ongekende publisiteit wat dit Malema besorg en hom binnekort ewe w\u00eareldberoemd as Mandela gaan maak, verkry hy ook \u2018n martelaarstatus by sy volgelinge en ondersteuners binne die ANC.<\/p>\n
Soos Tim du Plessis dit vandag in Rapport stel: \u201cHet enigiemand \u2019n gesiene swart stem gehoor wat die uitspraak gesteun het? Ek het nie.\u201d Swartes staan bankvas agter Malema. Trouens, ek kry die gevoel Afriforum is besig om ons in \u2018n konfrontasie met Malema en die 8 000 troepe van die ANC-jeugliga in te lei wat tans in weermagkampe opleiding ontvang. As ek hul veiligheidshoof, Nantes Kelder, sien, weet ek nie hoeveel troepe hy tans oplei nie en sien ek hom ook nie in die rol van \u2018n Afrikaner-Napoleon wat ons met milit\u00eare genie teen gewelddadige aanvalle of die komende plaasbesettings van Malema se milisie gaan beskerm nie.<\/p>\n
Net soos wat Afriforum\/Solidariteit sy vertroue in die plaaslike howe stel om die Afrikaner se politieke probleem op te los, is daar ander Afrikanergroepe wat meen dat die buitelandse of internasionale howe ons te hulp gaan snel. Soortgelyk aan die Kosovo-geval, kan \u2018n Afrikanervolkstaat deur middel van \u2018n geding in die internasionale geregshof bekom word, \u201cbuite die politiek om\u201d. S\u00f3 word daar geredeneer. Die Afrikaner se goedgelowigheid en na\u00efwiteit was dwarsdeurs sy geskiedenis nog altyd \u2018n groot remskoen en tans is dit nie anders nie. Net soos wat Piet Retief wou gaan piekniek hou met Dingaan, dink sommige dat die buiteland en die internasionale geregshof ons te hulp gaan snel. Die internasionale geregshof staan self midde-in die politieke storms wat internasionaal woed, ook as dit by die aanstelling van sy regters kom.<\/p>\n
In die Kosovo-geval, het die VSA en NAVO lank reeds die Serwi\u00ebrs uit die lug gebombardeer en troepe gestuur alvorens die onafhanklikheid van Kosovo deur die internasionale hof in 2010 bekragtig is. Die VSA was vooraf beslis dat hy Kosovo se onafhanklikheid sou erken, selfs al was die uitspraak van die hof negatief. Wat is die kanse dat die VSA onder Obama en NAVO die ANC sal kom bombardeer om die weg te berei op \u2018n uitspraak ten gunste van Afrikaneronafhanklikheid deur die internasionale geregshof? Ek sou s\u00ea nul, of minder as nul.<\/p>\n
Die Afrikaner is op sy eie. Dit het ons lankal al besef. Natuurlik is daar hier en daar in die VSA of Nederland onder die meer regse groeperinge simpatie vir ons saak. Maar enige poging van Afrikaners om weer hul vryheid te verwerf, gaan op eie krag en inisiatief moet geskied. Hoogstens kan ons vriende in die buiteland ons help om ten minste te sorg dat die VSA en NAVO, n\u00e1 hul avontuurtjie in Libi\u00eb, nie die Afrikaners in Suid-Afrika kom borbardeer om ons terug in die re\u00ebnboognasie en die eenheidstaat te dwing nie!<\/p>\n
Dus is daar geen ander uitweg nie: die apatiese, materialistiese, rugbykykende, bierdrinkende, deur Naspes gebreinspoelde Afrikaner sal vir sy eie vryheid gemobiliseer m\u00f3\u00e9t word. Dit is die kruks van die saak. Ons weet reeds w\u00e1t gedoen moet word, dat ons grondgebied en \u2018n eie staat moet bekom. Dis dis die h\u00f3\u00e9 waaroor daar meningsverskil bestaan.<\/p>\n