{"id":11031,"date":"2011-09-11T10:02:18","date_gmt":"2011-09-11T10:02:18","guid":{"rendered":"http:\/\/afrikaansenuus.co.za\/?p=11031"},"modified":"2011-09-11T10:02:18","modified_gmt":"2011-09-11T10:02:18","slug":"die-ontstaan-van-die-wabenzi-diktatuur-waarom-die-demokrasie-in-sa-misluk-het-deel-2","status":"publish","type":"post","link":"https:\/\/praag.co.za\/?p=11031","title":{"rendered":"Die ontstaan van die WaBenzi-diktatuur – waarom die demokrasie in SA misluk het, deel 2"},"content":{"rendered":"

In \u2018n vorige rubriek<\/a> hier op praag.co.za<\/a> het ek verduidelik waarom die Afrosentriese heersersklas in Suid-Afrika, die WaBenzi, misluk het om \u2018n demokrasie te vestig. Dit gaan om die kulturele en klassebewussyn van die regerende elite in Suid-Afrika. Daarop kan \u2018n mens egter uitbrei, onder meer oor die vele bykomende en historiese redes waarom demokrasie in ons land so klaaglik misluk het.<\/p>\n

Trouens, Suid-Afrika het m\u00e9\u00e9r kenmerke van liberale demokrasie v\u00f3\u00f3r 1994 vertoon as tans, want die mag was destyds oor veel meer groepe en instellings versprei terwyl ons deesdae vir alle praktiese doeleindes in \u2018n eenpartystaat leef met die WaBenzi wat na willekeur binne die staatsdiens en selfs die privaatsektor vanuit Luthulihuis \u201contplooi\u201d word. Kortom, die WaBenzi-diktatuur waarvan ek in my vorige rubriek gepraat het, word volgens Lenin se beginsel van \u201cdemokratiese sentralisme\u201d bedryf. Daar heers \u2018n mate van demokrasie en debat, maar slegs binne die geledere van die heersende party, in ons geval die ANC.<\/p>\n

Die grootste enkele fout wat n\u00e1 die tweede w\u00eareldoorlog begaan is, is toe etnisiteit in Suid-Afrika ontken is. Jare lank het die liberale en linkse joernaliste en akademici die land se etniese diversiteit ontken in die naam van die \u201ceen-nasie-beginsel\u201d. Aan die een kant het dit gesteun op \u2018n simplistiese, koloniale interpretasie van liberalisme wat die land se bevolking as \u2018n blote versameling \u201cindividue\u201d beskou wat na willekeur binne \u2018n groter eenheid saamgevoeg kon word. Andersyds het die Suid-Afrikaanse Marxisme etnisiteit as \u2018n blote \u201ckonstruk\u201d van apartheid gesien wat insgelyks na willekeur gedekonstrueer of afgebou kon word. Marxiste en kommuniste sien in elk geval die samelewing as iets wat deur kapitalistiese sosiogeni\u00ebring ontstaan het en wat deur beter of meer intense sosiogeni\u00ebring verander kan word.<\/p>\n

PRAAG – die Afrikaner se laaste intellektuele vesting. Ondersteun ons n\u00f3\u00fa deur hier te klik.<\/a><\/em><\/p>\n

Die sogenaamde \u201cre\u00ebnboognasie\u201d verteenwoordig \u2018n totalit\u00eare projek van kolossale omvang. Dit is soortgelyk aan al die totalit\u00eare pogings van die twintigste eeu om deur sosiogeni\u00ebring \u2018n \u201cblink nuwe w\u00eareld\u201d te skep, soos Aldous Huxley daarna verwys het. Ten einde \u201ceen nasie\u201d van die elf of meer etniese groepe in die land te maak, is verdrukking en sentralisme nodig. Soos Pallo Jordan van die ANC in \u2018n dokument oor sy party se \u201cstrategie en taktiek\u201d in die laat negentigerjare verduidelik het, verteenwoordig federalisme die grootste bedreiging vir ANC-mag van almal. In sy toespraak The National Question in Post 1994 South Africa<\/a> wat op marxists.org<\/a> te vinde is, laat Jordan hom soos volg uit:<\/p>\n

\u201cEthnic mobilization and entrepreneurship, in its various guises \u2014 including that of federalism \u2014 however still poses a serious problem and represents the gravest single threat of destabilization and subversion in our new democracy. The tap root of ethnicity and political adventures based on it, are apartheid and the artificial revival of so-called ‘traditional’ institutions undertaken first in the 1920s then pursued with fanatical zest by Verwoerd and his acolytes after 1948. The so- called \u2018traditional leaders\u2019 all have, to one degree or another, acquired an interest in these institutions. In addition to power and prestige, these institutions have become a lucrative source of income and patronage. Their propensity to reproduce new generations of ethnic entrepreneurs cannot be underestimated.\u201d<\/p>\n

Daar is nog nie \u2018n behoorlike ontleding gedoen oor waarom die Nasionale Party, asook die Afrikaner, teen die links-liberale aanslag van buite die land misluk het nie. In weerwil van \u2018n sterk weermag, staatsbegrotings, buitelandse ambassades en \u2018n geko\u00f6rdineerde veiligheidstrategie onder P.W. Botha, het daar \u2018n magsvakuum in die land ontstaan wat deur die bende terroriste en misdadigers van die ANC en SAKP gevul sou word. Die internasionale gemeenskap en veral die VSA en Groot Brittanje, om nie van die Verenigde Nasies, Swede en enkele ander te vergeet nie, het op grond van die suksesvolle propagandaveldtog buite die land besluit dat die Republiek van Suid-Afrika op \u2018n skinkbord aan \u2018n klein groepie links-radikales oorhandig moes word. Mnr. FW de Klerk het klakkeloos hierby ingeval en geen poging aangewend om enige van die ander swart leiers in die land te betrek nie.<\/p>\n

Dus het Suid-Afrika se kanse op ware demokrasie ook skipbreuk gely omdat die land aan die verkeerde organisasie, die ANC\/SAKP, oorhandig is. Die ANC verfoei liberale demokrasie en veral enige meer konserwatiewe opvattings daarvan. Vir hom verteenwoordig die \u201cnasionale demokratiese revolusie\u201d bloot \u2018n fase in die verwesenliking van diepgaande, revolusion\u00eare verandering wat die land en sy mense moet \u201ctransformeer\u201d en die permanente magsgreep van die eie party moet verseker, \u201ctotdat Jesus kom\u201d, soos Jacob Zuma ges\u00ea het.<\/p>\n

In die vroe\u00eb negentigerjare is die meer gematigde swart politieke groeperings, asook die tuislandadministrasies vernietig, dikwels met geweld en met die samewerking van die Nasionale Party wat tot die buitelandse siening van Suid-Afrika as \u201ceen nasie\u201d oorgehaal is. Die VSA en ander lande het honderde miljoende dollar aan die ANC vir sy daaropvolgende verkiesingsveldtog geskenk sodat die voormalige terreurbeweging hom in \u2018n suksesvolle politieke party kon omvorm.<\/p>\n

Terwyl die ANC, getrou aan sy Marxistiese tradisie, etnisiteit in Suid-Afrika ontken, wend hy wel ras as mobiliseringsfaktor aan. Trouens, die party doen dit tot vandag toe en sy hele beleid is daarop gegrond om so \u2018n bre\u00eb front as moontlik teen die bose blanke minderheid te monster. Die ANC is egter die Frankenstein wat die Nasionale Party en mnr. FW de Klerk, tesame met die Britte en Amerikaners, geskep het en wat die land met staatsmag terroriseer.<\/p>\n

Nie net sit ons tans met die verkeerde tipering van \u2018n monoetniese \u201cre\u00ebnboognasie\u201d en die verkeerde party aan bewind nie, maar ook met die verkeerde siening van ons geskiedenis. Die stryd rondom die geskiedskrywing is reeds tydens die sestiger- en sewentigerjare aan die Engelse universiteite in Suid-Afrika verloor toe die Marxistiese historici soos Charles van Onselen, Belinda Bozzoli, T. Dunbar Moodie, Brian Bunting en ander die septer begin swaai het. N\u00e1 1994 het die akademici en historici aan die Afrikaanse universiteite insgelyks voor die rooi golf gekapituleer en het die Marxistiese of neo-Marxistiese interpretasie van ons geskiedenis so te s\u00ea evangelie geword.<\/div>\n

Die hoofstroommedia in ons land herhaal hierdie Marxistiese sienings van ons verlede klakkeloos. Die gedagte dat die Afrikaner v\u00f3\u00f3r 1994 met een of ander volksmoord teen swartes besig was – die sogenaamde \u201capartheidmisdaad-teen-die-mensdom\u201d – is nou al so goed ingeburger dat dit as \u2018n teken van geestelike versteurdheid gereken word om dit hoegenaamd te bevraagteken. Ook in Afrikaans sorg die na-apers van Naspes dat die Marxistiese dogmas oor ons \u201cbesmette verlede\u201d met fanfare aan die propagandavoos Afrikanerbevolking oorgedra word. Feit is egter dat met so \u2018n eenogige siening van die verlede, waar die swart bevolking as slagoffers en die blankes as daders voorgehou word, demokrasie nie kan slaag nie. Demokrasie impliseer tog op sy minste gelyke deelname aan die openbare lewe, terwyl die blanke en Afrikaner as \u2018n morele melaatse van meet af aan van die politieke proses uitgesluit word. Dit verklaar ook waarom die meerderheid Afrikaners vandag vir \u2018n linkse en voormalige lid van die Black Sash, mev. Helen Zille, stem en hulself daardeur vir alle praktiese doeleindes ontkieser.<\/p>\n

Nog \u2018n rede waarom die demokrasie misluk het, is weens \u2018n ander vorm van ontkiesering: di\u00e9 van die belastingbetaler, veral die plaaslike belastingbetaler. Omdat die ANC geen aandeel aan die oprigting van die Suid-Afrikaanse staat gehad het nie, beskou hy dit as \u2018n grot van Ali Baba, \u2018n wegsteekplek wat na willekeur geplunder mag word. Ons het gesien hoe veral die kleiner munisipaliteite een na die ander deur gierige ANC-kaders finansieel leeggesuig is. Omdat die meerderheid plaaslike belastingbetalers \u2018n rasseminderheid in die meeste dorpe verteenwoordig, is daar geen moontlikheid dat hulle ooit die magshonger plunderaars wat stadsrade beset, sal kan uitstem nie. Sodoende word die WaBenzi-diktatuur gehandhaaf en bestaan demokrasie bloot as taalflater of malapropisme.<\/p>\n

Soos in vele multietniese of veelvolkige samelewings sonder \u2018n behoorlike struktuur of stelsel om daarvoor voorsiening te maak, gaan dit in Suid-Afrika daaroor \u201com die staat te verower\u201d. Noudat die Afro-Saksers die staat verower het, gebruik hulle die mag om hul vyande in die vorm van etniese minderhede te vernietig. Die Afro-Saksers wat Suid-Afrika regeer, sien hulself as deel van \u2018n groter en w\u00eareldwye Engelssprekende swart groep wat opgang maak en wat die rasseskuldgevoelens van Westerlinge misbruik om mag, geld en invloed te verkry. Deur sentralisme en die skepping van groot, onhandige, Stalinistiese \u201cmetrorade\u201d, word etniese minderhede in Suid-Afrika ontkieser en moet magteloos gadeslaan hoe hul bates en belastings geplunder word. Demokrasie is net \u2018n handige slagwoord om eie oogmerke te bevorder en het niks te make met die klassieke Westerse begrip van volksregering nie.<\/p>\n

Benewens \u2018n terroristebende wat letterlik die boerpot in Suid-Afrika getref het, verteenwoordig die ANC ook \u2018n georganiseerdemisdaadsindikaat. Die voormalige polisiehoof, mnr. Jackie Selebi se skuldigbevinding aan korrupsie verteenwoordig in di\u00e9 opsig bloot die oortjies van die seekoei. Korrupsie het in Suid-Afrika so \u2018n omvang bereik, met Malema as die land se mees sigbare \u201ctenderpreneur\u201d, dat \u2018n mens geredelik van \u2018n \u201cmisdadige staat\u201d sou kon praat. Die inhegtenisname van mev. Sheryl Cwele, vrou van die minister van staatsveiligheid, op klagte van dwelmsmokkelary, spreek ook boekdele oor die grys gebied wat daar reeds bestaan sover dit ANC-hooggeplaastes en misdaadbedrywighede betref. In enige gewone demokrasie, sou Cwele se man lankal reeds moes bedank het, maar in Suid-Afrika het so \u2018n skandaal geen invloed op minister Siyabonga Cwele se politieke loopbaan nie. Die voortslepende duisterheid rondom die wapenskandaal, die vele munisipaliteite, provinsies en staatsdepartemente wat dikwels deur die ouditeur-generaal oor die vingers getik word, suggereer dat die staat reeds onherroepelik tot \u2018n kriminele entiteit in die hande van \u2018n georganiseerdemisdaadsindikaat, die ANC, verval het.<\/p>\n

Mnr. Tony Leon het, toe hy nog leier van die DA was, verwys na die skeiding tussen party en staat wat nie meer in Suid-Afrika eerbiedig word nie. Nie net het die grense tussen georganiseerde misdaad en die staatkunde vervaag nie, maar die ANC bedryf die staat as \u2018n blote uitbreiding van homself. Staatsfondse word na willekeur gebruik vir die bevordering van partybelange en party-amptenare of \u201ckaders\u201d word na staatsdepartemente, provinsies en munisipaliteite \u201contplooi\u201d, ongeag hul bevoegdhede of eerlikheid. Sodanige praktyk spreek insgelyks van diktatuur, die WaBenzi-diktatuur, eerder as demokrasie in die aanvaarbare sin van die woord.<\/p>\n

\u2018n Demokrasie kan slegs gedy indien daar kritiese en onafhanklike media bestaan wat korrupsie of staatsvergrype aan die kaak kan stel. Terwyl die Suid-Afrikaanse media hul dikwels roem op hul onafhanklikheid, is dit egter kwalik die geval. In Afrikaans bestaan daar die onhebbelike Naspersmonopolie. Laasgenoemde deel in \u2018n ho\u00eb mate die ontkenning van etnisiteit, die Marxistiese siening van ons geskiedenis en ander netelige punte waarna ek hierbo verwys het.<\/p>\n

Onlangs het dr. Pieter Mulder van die Vryheidsfront Plus blykbaar \u2018n skrywe aan mnre. Ton Vosloo en Koos Bekker van Naspers gerig waarin hy hulle daarvan beskuldig dat hulle slegs een oplossing vir die land se probleme, naamlik \u2018n voortsetting van die status quo, in hul koerante toelaat. Indien hy \u2018n antwoord ontvang en indien dit ooit bekendgemaak word, sal dit interessant wees om die reaksie van die Naspersbestuur te verneem. Ek koester egter weinig hoop dat Naspers of enige van die groot mediagroepe ooit hul inskiklike posisionering teenoor hierdie sentralistiese, pseudo-demokratiese stelsel gaan verander.<\/p>\n

Naspers verstaan ook nie wat spraakvryheid is nie. Hy sien hom prim\u00ear as \u2018n verskaffer van vermaak, veral die ingevoerde Amerikaanse snertkultuur, en as ondersteuner van die ANC-ideologie van \u201cnasiebou\u201d oftewel die vernietiging van etniese minderhede. Die mediagroep se intense vyandigheid teenoor die Afrikaner, asook die Afrikanerdebat, is reeds male sonder tal bewys. By gebrek aan enige verdraagsaamheid of sin vir die oop gesprek, maak Naspers hom dikwels skuldig aan growwe laster, stereotipering en die verguising van individuele Afrikaners wat hy as \u2018n bedreiging vir die kriminele huidige orde beskou.<\/p>\n

Die SAUK, wat vir die meeste gewone mense die aangewese bron van inligting is, verteenwoordig \u2018n blote propagandakanaal van die ANC. Die oorblywende Engelse mediagroepe soos Avusa, die Independent-groep en Caxton sorg insgelyks dat die bre\u00eb ideologiese raamwerk van die ANC\/SAKP eerbiedig word. Hulle aanvaar ook klakkeloos dat die duur, uitspattige ritueel van \u2018n stemmery al om die vyf jaar demokrasie in die land verseker. Terwyl daar insgelyks in die ou Sowjetunie, in Saddam se Irak en feitlik elke totalit\u00eare staat op aarde gestem is. <\/p>\n

Gereelde verkiesings verseker allermins demokrasie. Veral as daar geen demokratiese etos of politieke verdraagsaamheid bestaan nie.<\/div>\n

Die aftakeling van die onderwysstelsel was een van die eerste prioriteite van die ANC n\u00e1 sy oorname in 1994. Sedertdien het ons gesien hoe \u2018n ganse land verdom is tot op die vlak waar totalit\u00eare regering sonder veel teenstand of kritiek bedryf kan word. Die feit dat die meeste joernaliste en akademici nie kan of wil insien dat Suid-Afrika geen demokrasie is nie, spreek insgelyks van \u2018n verstommende onnoselheid. Of dalk kwade wil. Of gedienstigheid aan die huidige orde. Dis verstommend hoeveel akademici aan Unisa, Tukkies en elders hulle deesdae met ANC-ideologiese beuselagtighede soos die bestaan van “rassisme” of blanke vooroordeel jeens swartes besig hou, terwyl die afgang van demokrasie en allerlei krisisse op hande is.<\/p>\n

In di\u00e9 opsig kan ek onthou dat ek in my eerste jaar op universiteit geleer is dat liberale demokrasie net kan bestaan wanneer \u201cverskillende kragte teen mekaar opweeg\u201d. In my Engelse handboek van destyds, want dit was \u2018n Engelse universiteit, is die nogal toepaslike term countervailing forces<\/em> daarvoor gebruik. Uiteindelik gaan demokrasie daaroor om \u2018n balans tussen sulke kragte wat teen mekaar opweeg te vind: die regering, politieke partye, staatsdepartemente, gemeenskaps- en kultuurorganisasies, vakbonde, die media, die sakesektor, die universiteite, die kerke, ens.<\/p>\n

Selfs \u2018n kind sou kon insien dat daar geen so \u2018n balans of kragte wat teen mekaar opweeg in Suid-Afrika bestaan nie. Mag word toenemend in die hande van \u2018n klein groepie mense aan die spits van die ANC gekonsentreer: die WaBenzi-diktatuur.<\/p>\n

PRAAG – die Afrikaner se laaste intellektuele vesting. Ondersteun ons n\u00f3\u00fa deur hier te klik.<\/a><\/em><\/p>\n

\u0442\u043e\u043f\u043a\u0430\u0440\u0433\u043e \u043e\u0442\u0437\u044b\u0432\u044b<\/a><\/p>\n","protected":false},"excerpt":{"rendered":"

In \u2018n vorige rubriek hier op praag.co.za het ek verduidelik waarom die Afrosentriese heersersklas in Suid-Afrika, die WaBenzi, misluk het om \u2018n demokrasie te vestig. Dit gaan om die kulturele en klassebewussyn van die regerende elite in Suid-Afrika. Daarop kan \u2018n mens egter uitbrei, onder meer oor die vele bykomende en historiese redes waarom demokrasie … Continue reading “Die ontstaan van die WaBenzi-diktatuur – waarom die demokrasie in SA misluk het, deel 2”<\/span><\/a><\/p>\n","protected":false},"author":1,"featured_media":56,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[41],"tags":[],"class_list":["post-11031","post","type-post","status-publish","format-standard","has-post-thumbnail","hentry","category-c22-dan-roodt"],"_links":{"self":[{"href":"https:\/\/praag.co.za\/index.php?rest_route=\/wp\/v2\/posts\/11031","targetHints":{"allow":["GET"]}}],"collection":[{"href":"https:\/\/praag.co.za\/index.php?rest_route=\/wp\/v2\/posts"}],"about":[{"href":"https:\/\/praag.co.za\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/praag.co.za\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcomments&post=11031"}],"version-history":[{"count":0,"href":"https:\/\/praag.co.za\/index.php?rest_route=\/wp\/v2\/posts\/11031\/revisions"}],"wp:featuredmedia":[{"embeddable":true,"href":"https:\/\/praag.co.za\/index.php?rest_route=\/wp\/v2\/media\/56"}],"wp:attachment":[{"href":"https:\/\/praag.co.za\/index.php?rest_route=%2Fwp%2Fv2%2Fmedia&parent=11031"}],"wp:term":[{"taxonomy":"category","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Fcategories&post=11031"},{"taxonomy":"post_tag","embeddable":true,"href":"https:\/\/praag.co.za\/index.php?rest_route=%2Fwp%2Fv2%2Ftags&post=11031"}],"curies":[{"name":"wp","href":"https:\/\/api.w.org\/{rel}","templated":true}]}}