Omdat daar \u2018n oplewing in belangstelling was, het ek \u2018n nuwerige Statistiek Suid-Afrika-sensusdatastel bekom en \u2018n bietjie begin rondspeel met moontlike gebiede vir \u2018n volkstaat. My eerste oefening was om plekke te identifiseer waar blankes \u2018n meerderheid is. Let op dis blankes, nie Afrikaners nie, en hou in gedagte Afrikaners is iets soos 60% van die blankes. Helaas is die prentjie maar duister in terme van huidige demografie en meerderhede in gebiede. Mens kan kwalik die plekke waar blankes \u2018n meerderheid vorm, op die onderstaande kaart eien. Dis meestal kolletjies in die Weskaap, blertse teen die Kaapse suidkus, en dan \u2018n groterige kolletjie in Gauteng. Dit is egter bykans onmoontlik om \u2018n sinvolle, aaneenlopende blanke meerderheidsgebied hieruit te kan bou. Ek het die kaart doelbewus nie met provinsiale grense laat teken nie, ten einde die volle impak van presies hoe ylverspreid blankes is, oor te kan dra.<\/p>\n
![\"Verspreiding](\"http:\/\/afrikaansenuus.co.za\/wordpress\/wp-content\/uploads\/2011\/07\/sa_blankeverspreiding.jpg\" "\\"Verspreiding")
<\/p>\n
\u00a0<\/p>\n
My tweede poging, en ek sal erken ek het nou nie vreeslik moeite gedoen deur die grense erg noukeurig te trek nie, was om \u2018n korridor wat min of meer gestrek het van Potchefstroom in die weste, deur Gauteng, Mpumalanga en die Natalse noordkus te skets as \u2018n denkbeeldige volkstaat, en die vraag te vra hoe lyk die demografie in daardie gebied. Dit is die pienkerige gebied in die beeld hieronder. Sover ek weet, is dit rofweg (en weer eens: my kaart is nie so goed gedefinieer as wat ander pogings moontlik is nie) wat sekeres voorstaan as \u2018n volkstaat. Die prentjie in terme van demografie is egter letterlik en figuurlik donker in hierdie gebied. Daar is iets soos 4 maal meer swartes in hierdie gebied as wat daar blankes in totaal is, laat staan nog Afrikaners. Die getalle is ongeveer 8 miljoen ander teenoor 1.8 miljoen blankes. Hoe jy ses miljoen mense gaan verskuif uit daardie gebied, weet g\u2019n mens nie. Wat sekerlik moontlik is, sal ek erken, is om die lokasiegebiede uit my kaart te sny, maar dan het jy weer die situasie dat die gebied nie aaneenlopend is nie, en waarskynlik soos ogiesdraad sal moet lyk.<\/p>\n
\u00a0<\/p>\n
{jathumbnail off} ![\"Moontlike](\"http:\/\/afrikaansenuus.co.za\/wordpress\/wp-content\/uploads\/2011\/07\/image006.jpg\" "\\"Moontlike")
<\/p>\n
\u00a0<\/p>\n
Bostaande is egter heel moontlik net ek wat die verkeerde gebied gekies het. Ek wil dus diegene wat belangstel en reken hulle volkstaatgebiede is lewensvatbaar, uitnooi om hulle kaarte vir my stuur, al is dit net met \u2018n potlood op \u2018n papierkaart geteken en geskandeer. Ek is heeltemal bereid om my GIS-sagteware en die sensusdata te gebruik om vir hulle \u2018n antwoord te verskaf in terme van die huidige demografie van hulle gebiede. My epos is anton_barnard@yahoo.co.uk<\/a> Ek het net een versoek: Moenie die boodskapper skiet nie!<\/p>\n