Dit is nie om dowe neute nie dat bitter min gehoor word van die betrokkenheid van Koerde by die Siriese opstande. Dit beteken egter nie dat dit nie ‘n baie belangrike faktor is nie, en heel moontlik bepalend kan wees nie.<\/p>\n
Sowat 20 miljoene Koerde woon in Koerdestan, ‘n vaag-omlynde gebied wat oor die grense van Turkye, Siri\u00eb, Irak en Iran strek. Tog is dit volgens VN die grootste volk wat homself nie iewers staatkundig kan uitdruk nie.<\/p>\n
Die Koerde, anders as hul Arabiese bure, is Indo-Germane en verskil daarom ook etnies en taalkundig van die Turke. In al vier lande waarin die Koerde hulle hul bevind, is hulle al wreed onderdruk, en het onder Saddam \u2013 en dalk ook in Iran \u2013 onder biologiese en chemiese uitwissingsaanvalle deurgeloop.<\/p>\n
Die Koerde maak sowat 10 % van die Siriese bevolking uit, en volgens sommige skattings kan tot 3,5 miljoen mense in Siri\u00eb van Koerdiese afkoms wees. Honderde duisende het egter beperkte burgerskap (die ajanib) of geen burgerregte nie (die maktoum).<\/p>\n
Die laaste groot Koerdiese opstand in Siri\u00eb was in 2004 in die stad Qamishli, en minstens 30 mense het omgekom en honderde is beseer. Die Arabiere het hande gevou gekyk hoe die Koerde onderdruk word, en dit speel ‘n bepaalde rol in hoe die Koerde veral aanvanklik op die opstande gereageer het.<\/p>\n
\u00a0<\/p>\n
\u00a0<\/p>\n
\u00a0<\/p>\n
\u00a0<\/p>\n
Verder speel Al-Assad se bewind in Siri\u00eb ‘n belangrike geostrategiese rol vir Iran, aangesien die Assad-regime Alawiete is, ‘n sekte verwant aan die oorheersende Sji\u00efete in Iran. Die Siriese Arabiere is egter meestal Soenies.<\/p>\n
Om die situasie in Siri\u00eb aan te spreek is dus nie net een van internasionale moraliteit nie, maar die verrekening van soveel magselemente, dat ‘n simplistiese oplossing hom nie sommer voordoen nie.<\/p>\n
As is verbrande hout, maar dit kan met groot stelligheid aanvaar word dat die situasie minstens niks ergers sou gewees het as die moondhede nie met die geografiese verdeling van die Midde-Ooste in ‘n laat-stadium volstruispolitiek begin speel het nie, en toegesien is dat die beloofde Koerdistan as volwaardige staat tot stand sou kom. Agterna staatkundige lapwerk bevredig selde, en soos met die Balkan, kan bitter baie bloed vloei.<\/p>\n