Die Afrikanerhaatskandaal wat rondom mnr. Atholl Trollip, parlement\u00eare leier van die DA, uitgebreek het, is besig om wyer uit te kring. ‘n Berig daaroor is selfs vandag in die Kaapse koerant Die Burger, ‘n fanatiese ondersteuner van die Engels-liberale party, gepubliseer. Blykbaar staan die partykoukus van die DA, asook die leier mev. Helen Zille, bankvas agter Trollip en beskou sy anti-Afrikaanse uitlatings as ‘n “persoonlike meningsverskil” met mnr. Jaap Kelder. Intussen het Trollip in ‘n brief gereageer aan mnr. Hannes Slabbert wat beswaar teen Trollip se onbeskofte gevloek teenoor Kelder aangeteken het. Praag plaas Trollip se volledige brief onveranderd (alle taalfoute en gebrek aan leestekens is Trollip s’n) hier onder:<\/p>\n
Geagte Mr Slabbert,<\/p>\n
Met hierdie skrywe wil ek die oorsprong van die hele debakel rondom my en Mnr Jaap Kelder aanspreek. Huidiglik maak elke Jan Rap en sy maat uitsprake hieroor en ek voel dit is tyd dat ons die bespiegelinge rondom my siening van Afrikaans en Afrikaners objektief aanspreek.<\/p>\n
Die Demokratiese Alliansie was, en is steeds meer as gewillig om ons standpunt aangaande grondhervorming met Mnr Kelder en die res van die publiek te deel. Na aanleiding van Mnr Groenewald se selektiewe aanhaling van DA beleid in die Nasionale Vergadering en die onaangename situasie rondom my reaksie op Mnr Kelder se brief, blyk daar \u2019n wanpersepsie te bestaan dat die Demokratiese Alliansie, en meer spesifiek ek persoonlik, anti-Afrikaans en anti-Afrikaner is. Dit gaan my verstand te bowe hoe hierdie aanname gemaak kon word agv my reaksie.<\/p>\n
Ek wil u graag verwys na Mnr Kelder se skrywe aan Me Steyn op die 10de Junie 2011 waarin Mnr Kelder sekere dogmatiese stellings kwytraak: \u201c…Daar is natuurlik ook die verloopte Afrikaners met vanne soos Maree, Niehause, du Toit, Naude, Hanekom, du Preez ens. wat hulle eie mense verlo\u00ebn het. Hulle is gelukkig ver in die minderheid<\/em>\u201c.<\/p>\n Dit is hierdie stelling van Mnr Kelder wat tot my reaksie gelei het \u2013 Mnr Kelder maak \u2019n uitspraak wat direk teenstrydig is met, nie net die waardes en beginsels van die DA nie, maar ook met my eie. My karakter en die van die DA getuig van eerlik en opregte sieninge en is gebasseer op \u2019n beleid wat nie diskrimineer teenoor enige persoon agv hul ras, taal, heenkome of etniese verbintenis NIE. Mnr Kelder se konserwatiewe, ultra-regse en verkrampte sieninge rondom sekere burgers van hierdie land is in lyn met die van groepe soos die FF+, wat streef om NET die belange van sekere minderheidsgroepe te bevorder. Op sulke sieninge, Mr Slabbert, neem ek aanstoot.<\/p>\n Ek is \u2019n 5de geslag boer. My pa was \u2019n boer – Die feit dat my moedertaal Engels is maak my geensins minder bekwaam om as \u2019n boer geklasifiseer te word nie. Ek verstaan dus die belange, begeertes, waardes en beginsels van die boeregemeenskap, ongeag die taal wat ons praat.<\/p>\n Ek skerm geensins agter die werklikheid en intensie van my reaksie op Mnr Kelder se sieninge nie. Ek het my reaksie deeglik met Me Zille, asook ons Nasionale Uitvoerende Kommittee bespreek en die algehele gevoel is dit: Oordrewe, miskien. Eerlik, definitief. My tyd is beperk en alhoewel ek ten alle tye tyd sal maak vir die publiek en alle groepe binne die gemeenskap, is my geduld ietwat min vir individue wie se orientasies nie gelykheid vir almal ag nie. Hierdie was nie \u2019n politieke debat nie Mnr Slabbert, dit was n persoonlike meningsverskil wat ek van Mnr Kelder se opinie gehad het en ek vra dat ons dit asb daar sal laat.<\/p>\n Ten slotte wil ek graag verwys na u stelling dat u vir die DA gestem het in die pas afgelope munisipale verkiesing agv n gebrek aan\u2018n beter kandidaat\/alternatief. Ek wil dit egter aan u duidelik stel dat Mnr Francios Greyling\u201a wat toevallig ook afkomstig is vanuit die Afrikaner gemeenskap, \u2019n uiters bekwame raadslid is wat die gemeenskap met toewyding dien. Met aanloop tot die verkiesing het ek saam met hom die strate van Despatch deurkruis om stemme te werf en kan ek getuig dat Mnr Greyling sal omsien na almal se belange en dat sy diensrekord aan die gemeenskap boekdele spreek van die verskil wat die DA gaan maak noudat ons aan bewind is in Despatch.<\/p>\n
DA Parlementere Leier<\/em><\/strong><\/div>\n