![](\"http:\/\/afrikaansenuus.co.za\/wordpress\/wp-content\/uploads\/2007\/01\/roodt_dan4.jpg\")
\u201cDie verlede is nooit dood nie,\u201d het die Amerikaanse skrywer Wil\u00adliam Faulkner ges\u00ea. \u201cDis nie eens verby nie.\u201d<\/p>\n\u201cDie verlede is nooit dood nie,\u201d het die Amerikaanse skrywer Wil\u00adliam Faulkner ges\u00ea. \u201cDis nie eens verby nie.\u201d<\/p>\n
Vandaar die angsvallige wyse waarop die DA-munisipaliteit van Midvaal op die vooraand van die verkiesing van sy Verwoerd-standbeeld ontslae geraak het.<\/p>\n
Tydens sy veldtog het die ANC hom selfs op die voorvaders beroep, asof die dooies soos zombies uit Harry Potter steeds die uitslag by die stembus kan bepaal.<\/p>\n
Verlede Sondag gesels ek en Koos Malan oor sy nuwe boek, Politokrasie, en vra hy skielik vir my: \u201cWat sou jy s\u00ea is die hoofstroom onder die Afrikaners? Die Sap-tradisie of die Nat-tradisie?\u201d<\/p>\n
Sonder om te aarsel, het ons albei saamgestem die Sap-tradisie is die hoofstroom.<\/p>\n
In di\u00e9 opsig het die mantel van \u2019n groot Sap-leier reeds op mev. Helen Zille se skouers neergedaal. Sy herinner sterk aan Smuts se regterhand, Jan Hofmeyr, wat \u201cgeloof bo vrees\u201d sy politieke beginsel gemaak en reeds in die veertigerjare die uitbreiding van stemreg aan swart mense bepleit het.<\/p>\n
Indien dr. Pieter Mulder van die Vryheidsfront Plus die erfgenaam van die Nat-tradisie is, het ons die afgelope week gesien hoe daardie tradisie \u2019n tweede dood gesterf het.<\/p>\n
Die eerste was natuurlik nadat mnr. Marthinus van Schalkwyk die oorspronklike Nasionale Party in die dementor-agtige omhelsing van die ANC ingelei het, waarna die siel van die party uitgesuig is, soos dementors maak.<\/p>\n
In Gauteng, die hartland van die VF+ waar ongeveer anderhalf miljoen Afrikaners woon, het die aantal munisipale raadslede van 17 tot 10 gedaal. Volgens Mulder het sy party \u201cgeen antwoord op die DA gehad nie\u201d.<\/p>\n
Die VF+ se steun het sedert 1994 met \u2019n faktor van tien afgeneem, van 6% tot ongeveer 0,6%, \u2019n droewige prestasie as daar al ooit een was. Terselfdertyd het die liberale DA se stempersentasie van 1% tot 24% gestyg.<\/p>\n
Politieke partye is identiteit-skeppend. Juis omdat hulle aan die staat en sy vertakkinge soos munisipaliteite deelneem, beskik hulle oor die mag om ons kultuur en identiteit te verander.<\/p>\n
Daarom sou die VF+ en elke ander stoere Afrikaner of Boer in die land \u2019n fout maak om die opmars van mev. Zille as \u2019n bloot pragmatiese verskynsel te sien. Die DA is besig om van meer as \u201cdie Verwoerd-probleem ontslae te raak\u201d, soos mev. Zille dit minagtend n\u00e1 afloop van die verkiesing gestel het. Dalk is die party insgelyks besig om van Suid-Afrika se Afrikanerprobleem ontslae te raak! En sodoende die ou, ou Sap-droom van een, onverdeelde Engelse nasie siendero\u00eb te verwesenlik.<\/p>\n
Die VF+, die IVP, ACDP en elke ander party wat hom op \u2019n spesifieke etniese of Christelike identiteit beroep, het die afgelope week by die verkeerde partytjie opgedaag. Of hulle was in die McDonald\u2019s en het gedink hulle gaan bobotie-en-geelrys daar kan bestel.<\/p>\n
Desnieteenstaande gaan die politieke zombies nooit heeltemal slaap nie. Kruger, Hertzog, Malan en Verwoerd spook steeds by ons. Indien Afrikaner-kwessies heeltemal uit die formele politiek sou verdwyn, gaan die droom van Afrikanervryheid heel waarskynlik buiteparlement\u00ear bedryf word.<\/p>\n
Terwyl Afrikaners in hul re\u00ebnbooggewaad DA stem, is hulle op Facebook openlik chauvinisties, selfs rassisties, en hits Afrikaanse organisasies aan om nog meer hofsake teen Malema te maak. Steve Hofmeyr is al byna tot \u2019n onaantasbare, nasionalistiese ikoon verhef wat Eug\u00e8ne Terre\u2019Blanche se stem as byklank op sy YouTube-video\u2019s gebruik.<\/p>\n
Omdat die politiek so \u2019n Machiavelliaanse spel is, is die onheiligste alliansies altyd moontlik, soos mev. Zille al telkens gedemonstreer het. Die mislukking van Afrikanerpolitici oor die laaste dekades is waarskynlik juis daaraan te wyte dat hulle \u2019n suiwer ideaal nagestreef het en nie bereid was om soms \u2019n bietjie te toi-toi nie.<\/p>\n
Hierdie rubriek verskyn vandag ook as ‘n meningsartikel in <\/em>Rapport<\/a>.<\/p>\n