Weermageenhede gaan nog vanjaar ontplooi word op die Krugernasionalepark-grens met Mosambiek, asook die land se grense met Swaziland en Lesotho, het die SA Nasionale Weermag (SANW) gister ges\u00ea.<\/p>\n
Altesaam 22 eenhede van 165 soldate elk gaan in vyf fases oor die volgende vyf jaar op die grense ontplooi word, het die waarnemende hoof van die SANW, luitenant-generaal Themba Matanzima, ges\u00ea.<\/p>\n
Die eerste groep is verlede APril op Suid-Afrika se grens met Zimbabwe ontplooi, het hy laat blyk.<\/p>\n
Die SANW het tot 1994 aan die land se grense diens gedoen, totdat die ANC-regering opdrag gegee het dat alle troepe onttrek moet word.<\/p>\n
Die grensbeheerfunksie is daarna geleidelik deur die SA Polisiediens oorgeneem.<\/p>\n
Maar in Februarie 2010, het die ministerie van verdediging die SANW se terugkeer gemagtig.<\/p>\n
Die beskerming van die land se grense het ‘n nasionale prioriteit geword, het Matanzima ges\u00ea en renosterstropers gewaarsku om nie die weermag aan te durf nie.<\/p>\n
“Om die geweer teen ‘n soldaat op te neem, is die laaste ding wat hulle behoort te doen, ” het hy ges\u00ea.<\/p>\n
Matanzima het ges\u00ea dat die soldate op land, in die lug en ter see ontplooi sou word.<\/p>\n