Die huidige vullisstaking in Johannesburg is besig om die aantal rotte vinnig te laat vermeerder. In die middestad waar hope vullis op die sypaadjies rondl\u00ea, meen straatsmouse dat die aantal rotte sedert die aanvang van die staking verdriedubbel het.<\/p>\n
Volgens ‘n smous in Pleinstraat, is die rotte tans \u201cbaie gelukkig\u201d.<\/p>\n
\u201cAl di\u00e9 vullis is soos Kersfees vir die rotte. Hulle kan enigiets eet waarvan hulle hou, net wanneer hulle wil,\u201d meen hy.<\/p>\n
Volgens Gertrude Makondo, ‘n smous wat in Noordstraat handel dryf, \u201cis daar meer rotte as gewoonlik. En hulle word groter. Hulle is nie vir mense bang nie, hulle kyk jou reguit in die o\u00eb en party het selfs baarde.\u201d<\/p>\n
Sibisiso Nvani erken dat hy minder sake doen as gevolg van die stinkende vullis en die rotte.<\/p>\n
\u201cMense wil nie meer by ons koop nie. Hulle stap verby terwyl hulle hul neuse toehou want hulle wil aan die reuk ontkom. En as hulle die rotte sien, hardloop hulle weg.\u201d<\/p>\n
Die groot aantal rotte in die stad is insgelyks besig om in ‘n gesondheidsrisiko te ontaard. ‘n Afgetrede omgewingsgesondheidsbestuurder, Lucas Kunene, meen: \u201cJohannesburg beskik nie oor ‘n strategiese plan om die rotplaag te beheer nie en dit is onaanvaarbaar. Rotte kan meer as 35 soorte siektes oordra. As ‘n besmette rot met ‘n mens in aanraking kom… deur urine of ontlasting, kan dit siektes soos Salmonellose of selfs Lassa-koors oordra.\u201d<\/p>\n
Die stad kon nie vir kommentaar oor die rotplaag bereik word nie.<\/p>\n