Die VF Plus het met skok verneem dat die Departement van Kommunikasiewetenskappe aan UNISA van plan is om \u2018n voorstel by die universiteit se Senaat in te dien om alle kursusse van hierdie departement vanaf 2012 in slegs Engels aan te bied. Na wat verneem word gaan hierdie aangeleentheid tydens \u2018n vergadering van die taalkomitee van die Senaat op 4 April 2011 bespreek word. UNISA se taalbeleid maak tans voorsiening vir Afrikaans en Engels as onderrigmedium.<\/p>\n
\u201cIndien die betrokke departement daarmee slaag om Afrikaans as onderrigmedium uit sy departement te verwyder, baan dit die weg vir totale verwydering van Afrikaans aan UNISA. Dit is onaanvaarbaar dat daar teen Afrikaanse studente gediskrimineer word. Hierdie studente onderneem hul kursusse weens bepaalde redes deur korrespondensie-onderrig aan UNISA en het geen alternatiewe universiteit nie,\u201d het Wouter Wessels, VF Plus-jeugwoordvoerder ges\u00ea.<\/p>\n
Die VF Plus sal dringende gesprekke met UNISA se bestuur rakende hierdie kwessie bel\u00ea en sal nie skroom om die minister vir Ho\u00ebr Onderwys te nader vir ingryping nie.<\/p>\n
Die departement van Ho\u00ebr Onderwys behoort die staatsfinansieringsmodel van universiteite aan te pas sodat \u2018n tekort aan fondse nie tot die afskeep van meertaligheid aan tersi\u00eare instellings lei nie.<\/p>\n
\u201cDie Afrikaanse studente aan die Departement van Kommunikasiewetenskappe is \u2018n minderheidsgroep en het in gevolge artikel 29(2) van die Grondwet die reg om onderrig in Afrikaans te ontvang aangesien dit redelikerwys doenlik is. Afrikaans se ho\u00ebr funksies moet beskerm word. Daar mag nie toegelaat word dat slegs Engels se status aandag geniet en dit ten koste van die ander amptelike tale van Suid-Afrika nie,\u201d het Wessels ges\u00ea.<\/p>\n