Die toestand in Jemen lyk kommerwekkend met veiligheidsmagte in die hoofstad van Sanaa wat in ‘n stryd met president Ali Abdullah Saleh se magte gewikkel is. Die president beweer, net soos Libi\u00eb se Gadhafi, dat die “meerderheid van die Jemeense mense” hom ondersteun.<\/p>\n
Terwyl die milit\u00eare ingryping in Libi\u00eb oorheers in die nuus, is die krisis in Jemen en die implikasies daarvan vir die Persiese Golf se stabiliteit ‘n groter strategiese kopseer vir die VSA.<\/p>\n
Saoedi-Arabi\u00eb het reeds met die bedreiging van ‘n Iranse destabilisasie veldtog ingegryp deur magte te ontplooi in Bahrein. Dit is duidelik ‘n poging deur die Weste se olieverskaffer om te verhoed dat Sji\u00eftiese onrus versprei. Maar ‘n tweede front dreig nou om die Saoedi-greep te breek in Jemen.<\/p>\n
Die keerpunt in Jemen het gekom n\u00e1 18 Maart se Vrydaggebede, toe tienduisende betogers in die strate ingevaar het om te eis dat Saleh uitgeskop word. Die opstand is swaar onderdruk met 46 mense dood en honderde gewond.<\/p>\n
Alhoewel Jemen op ‘n laer strategiese vlak as Bahrein, Saoedi-Arabi\u00eb of Koeweit is, is die land ook nie immuun teen Iran se agenda nie.<\/p>\n
Daar is boonop gemengde seine van die Saoedi-koninkryk in die hantering van die huidige krisis. Een van die president se sterk opponente, Brig. Gen. Ali Mohsen al-Ahmar, is anti-Westers en is ‘n gunsteling van die koningshuis.<\/p>\n