Dan Roodt: Gaan die EU apartheid najaag of Afrika oplaas onafhanklik maak?

Die wêreldkaart van menslike ontwikkeling: Westerse lande is meesal groen, terwyl Afrika suid van die Sahara rooi is.

Vir baie Afrikaners het die onlangse Europese-Afrika-spitsberaad in Abidjan ‘n gevoel van déja vu ontlok. In die laat veertigerjare is sulke konferensies ook in Suid-Afrika gehou waar vrese uitgespreek is dat die Europese bevolking in dié land uiteindelik deur swart bevolkingsgroei en migrasie vanaf die tuislande verswelg mag word. Suid-Afrika in 1950 was ‘n mikrokosmos van Europa vandag.

Apartheid, wat binnelands amptelik bekend gestaan het as “afsonderlike ontwikkeling” was ‘n skema waardeur die etniese tuisland van swartmense ontwikkel sou word ten einde die snel groeiende bevolkings in daardie gebiede te oorreed om “tuis te bly”. Soos ons almal weet, en ondanks die miljarde dollar wat op Suid-Afrika se binnelandse weergawe van “Afrika-ontwikkelingshulp” bestee is, is daardie beleid uiteindelik as ongeslaag laat vaar en vervang deur ‘n soort laissez-faire-beleid wat migrasie betref. Binne ‘n dekade of twee het Johannesburg, Pretoria, Durban en Kaapstad oorbevolkte, misdaadgeteisterde hole geraak wat deur krotbuurte omring word. Dít wat Europeërs tans as hul toekomstige nagmerrie sien, as hul stede deur die instromende Afrikane met hul eie reëls en kultuur oorgeneem sou word, het reeds in Suid-Afrika gebeur.

Die jongste uitgawe van die Britse Economist vertoon SA korrupsie op die voorblad.

As ‘n voorheen eerstewêreldse nywerheidsland, is dit verby met Suid-Afrika. Dit is “verafrikaniseer” in die negatiewe sin en die daaglikse histerie in die media oor korrupsie, ‘n gebrek aan water, moord en gewapende roof, verteenwoordig bloot getuienis van ons nuwe status as “net nog ‘n Afrikaland”.

Te oordeel aan die naïef optimistiese uitsprake oor die “skep van ‘n Afrika-ekonomie van die toekoms”, wil die Europese leiers graag Suid-Afrika se apartheidseksperiment herhaal, net op ‘n veel groter skaal. Ten minste kon Afrikaners swart tale praat en het die toestande op dié vasteland begryp, iets waarmee hulle hul ontwikkelingsplanne kon aanpas wat deur vele onafhanklike waarnemers van buite as realisties en prakties gesien is. Selfs die vorige Sweedse sekretaris-generaal van die Verenigde Nasies, Dag Hammarskjöld het dr. Verwoerd die voordeel van die twyfel gegee sover dit sy afsonderlike-ontwikkelingsbeleid betref. In weerwil van die verguising waaronder Suid-Afrika in die verlede gebuk gegaan het, en ongeag die land se huidige verval in derdewêreldstatus, verteenwoordig dit steeds die enigste voorbeeld van suksesvolle ontwikkeling op die Afrikavasteland. Dít op sigself behoort die EU te oorreed om ten minste na Suid-Afrika se veelbewoë geskiedenis te kyk en daaruit te leer.

Aan die ander kant kan geen Europese of Westerse ingryping in ‘n Afrikaland oor die afgelope vyftig jaar as ‘n sukses bestempel word nie. Met ‘n demografiese krisis wat momentum opbou soos gereeld in die internasionale media berig word, het mev. Angela Merkel, die heersende grande dame van Europa, bloot meer hulp in Abidjan belowe:

“Dis baie belangrik dat ons gewoon Afrikane ondersteun om ‘n einde te maak aan onwettige migrasie, sodat mense nie in die verskriklike kampe in Libië hoef te ly of selfs gekoop en verkoop hoef te word nie.”

Duidelik het mev. Merkel nog geen boeke oor die ondwerp van hulp aan Afrika gelees nie. Anderins sou sy daarvan bewus gewees het dat swartmense op die vasteland hulp mag verlang of nie mag verlang nie. Maar ongeag die hoeveelheid hulp wat hulle ontvang, wil hulle nie voorgesê word oor hoe om dit te bestee nie. ‘n Sprekende voorbeeld hiervan is teëgekom tydens die naloop van die EU-AU-beraad, toe Ghana se president Nana Akufo-Addo vir sy Franse eweknie Emmanuel Macron by die presidensiële paleis te Accra in geen onduidelike terme laat verstaan het dat “ons nie langer kan aanhou om beleid te maak vir onsself, in ons land, in ons streek, op ons vasteland, op grond van watter ondersteuning die Westerse wêreld of Frankryk, of die Europese Unie ook al aan ons kan bied nie. Dit het nie gewerk nie en dit sal nie werk nie.”

Akufo-Addo het verder gesê: “Ons moet wegkom van die afhanklikheidsmentaliteit. Dié mentaliteit behels ‘wat kan Frankryk vir ons doen?’. Frankryk sal doen wat hy ook al in sy eie belang wil doen, en wanneer dit met ons s’n ooreenstem, ‘tant mieu’ (soveel te beter) soos die Franse sê… Ons vraagstuk behoor te wees wat ons in die een-en-twintigste eeu behoort te doen om Afrika daarvan weg te kry om hoed-in-die-hand te moet staan en vir hulp, vir liefdadigheid, vir gunste en gawes, te bedel. Die Afrikavasteland, as jy na sy hulpbronne kyk, behoort geld aan ander plekke te skenk… Ons moet die mentaliteit wat sê dat ons nie daartoe in staat is nie verander… en as ons eers daardie benadering het sal ons sien daar is ‘n bevrydende faktor vir onsself.”

Dog terselfdertyd, en teenstrydig met sy verklaarde standpunt dat hy van die “afhanklikheidsmentaliteit” wil wegkom, het Akufo-Addo gesê dat hy nie aanbiedinge van hulp van die hand sal wys, of ‘n “gegewe perd in die bek sal kyk nie”, soos hy dit gestel het.

Maar die keuse vir Europa is onverbiddelik: Óf die vasteland gaan ‘n apartheids- of afsonderlike-ontwikkelingsoefening deurmaak, waardeur meer hulp aan korrupte Afrikaregerings uitgedeel gaan word, wat bloot hul eie sakke gaan vul, óf Europa sal moet beantwoord aan die swart kontinent se oproep dat hy geheel en al onafhanklik en selfgenoegsaam wil wees.

Geld wat opsy gesit word om migrasie te keer behoort eerder bestee te word om Europa se grense dig te maak, pleks daarvan dat nog ‘n rondte hulpgeld uitgedeel word aan lande wat al vele Marshallplanne oor en oor opgeslurp het, sonder enige sigbare verbetering.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Karel Combrinck

    Afrika is nou maar eenmaal onredbaar. Hoe verder hulle in ellende versink, hoe meer gaan hulle Europa binnestroom.. Europa is in die aangesig van hierdie situasie ideologies weerloos.. Het mev Merkel nie juis onlangs nog verklaar dat die toestroming van derdewêreld immigrante ‘n “chance für Deutschland” is nie? Al wat die derdewêreldlinge aan Duitsland te bied het , is hulle ellende. En dit beskou mev Merkel ‘n “chance”.

  • Afrika is voorwaar uniek. Maar daarom is die blanke Afrikaner in die verspreiding op merkwaardige wyse hierheen gelei om die ontwikkeling en behoud van die beskawing saam met die VK, VSA en Europa met diskressie te help bevorder. Maar, tensy die beginselvaste (Voortrekker Volksgewete) Boere-Afrikaner (gestel teenoor die denkelose, beginsellose, nuttelose liberalistiese ex-Europese hoof-uitverkoopvernietigingsstroom probleemkinders) tot ‘n selbesturende en selfregerende model kom, insluitende ‘n eie internasionaal-gekoppelde sosio-ekonomiese model ook vir ons verarmde en veramende Boere-Afrikaners en hulle sit-sit-so hoera/ amen verspreide en verdeelde, onopgewasse leiertjies, – kan die huidige, groter, Europese-nasate gewaarwording nie konstruktief-volhoubaar ter behoud en uitbou gerealiseer word nie. ‘n Afrikaner strategie vir selfbeskikking, in oorleg met alle Afrikaners en ons konserwatiewe internasionale stamvaders, is krities belangrik, veral in die lig van toenemende beperkings wat slu deur die Liberliste en hulle geldmagverwante lakeie rondom ons gemanipuleer word. Selfs in kerk en sending is daar groot internasionale uitdaagings, soos wat (humoristies) in die onderste kaart uitbeeld word. Hierdie voortslepende kortsigtighede en talmende versuim kom ons nou baie duur te staan.

    https://uploads.disquscdn.com/images/acbad4514303b6235077fcaca44bcad10d28d120b7be75d76afb0eae78f187d6.jpg

  • sussie se vissie

    n BEE benadeelde ( sien BLANK ) vergesel nou voedsel distribusie-trokke van die Verenigde Nasies in ondermeer Sudan. Die $4,500 pm ( gegewe die wisselkoers ) n gesonde meevaller.
    Met die klem op ‘vergesel’ – want dit kos witvel-se-kind om te verseker dat tonne en tonne en nogmaals tonne proviand-skenkings hul eindbestemmings bereik.
    Met die bakhand-sindroom goed gevestig en blywend gevul ( hello SASSA…hello pa se m8ght met 8 kjênners uitgeskyt ) – waarom sal nerf se kind tot selfverheffing geroepe voel?
    Dat pandoer in hierdie psige van gee nog! gee nog! verval het, is te verstane.
    Maar daai blank geïnspireerde handjies wat so mildelik uitdeel…verstaan ek nørrefok.

    • Karel Combrinck

      Netso vissie. Verstaan ook nie. Iets met skuldgevoel en sy tweelingboetie, probeer-goedvoel te doen. En ook met misplaaste Christen moraliteit wat eintlik met Christelikheid min te make het.

  • Rooikop

    “Maar die keuse vir Europa is onverbiddelik: Óf die vasteland gaan ‘n apartheids- of afsonderlike-ontwikkelingsoefening deurmaak, waardeur meer hulp aan korrupte Afrikaregerings uitgedeel gaan word, wat bloot hul eie sakke gaan vul, óf Europa sal moet beantwoord aan die swart kontinent se oproep dat hy geheel en al onafhanklik en selfgenoegsaam wil wees.”
    Is dit nie maar wat “apartheid” voorgestaan het nie? Die einddoel was juis sodat die volk onafhanklik en selfgenoegsaam moet wees. Het dit gebeur? HEL NEE. Afrika wou dit nie hê nie (hoekom wil jy vir jouself sorg as iemand anders dit vir jou doen???) en toe is ons deur die res van die wêreld geroskam omdat ons nie net wou instop nie.
    Wat was die uiteinde? In die tuislande was daar vermors op dieselfde skaal as in die regering vandag – dalk selfs meer. Die paar rakkertjies aan die bokant tree op soos hoofmanne – hulle besit als, die onderdane besit niks en die blanke word geblameer. Gaan die res van afrika anders wees? Ek glo nie – onthou vir kerkorrel – “ewig is ons afrika”

    • sussie se vissie

      Vergeet nie Kerkorrel se…”en gee!…gee!…geeee geee gee” – nie!

      • Rooikop

        Jip dit is deel daarvan. Jy moet gee – jou alles gee en gee en gee en gee…
        Afrika sal altyd sê: “Miesies êk ês hongor”

  • Wim Kotze

    Ai die wonderlike ironie van die verhaal. Merkel huil krokodiltrane oor swart Afrikane wat gekoop en verkoop word. Dit was einste sy en haar trawante wat ‘n afstammeling van die handlangers van Arabiese slawehandelaars in Oos-Afrika oogluikend toegelaat het om die bestaande orde in Libie te vernietig, wat nou weer die koop en verkoop van swart Afrikane aldaar nuwe lewe gegee het.

    • Rooikop

      Ek reken dit was in elk geval aan die gang – Ghadafi (pervêrt wat hy was) het die weste gewaarsku dat hy die muur is wat afrika uit Europa hou. Nou is hy verwyder en die sluise is oop.

  • skobbejak

    Nou wie dink hierdie Afrika se inwoners is hulle om “Francophones” te wil he – en Europa moet maar net weer gee n gee ?-, ek dog Vodakom en Samsing is “die” phone – die blerrie mense darem ne ? Party wil maar net altyd anners wees man – Dashitall !

  • Europe & the U.S love Africa more than the former white colonials who still live there.

    https://uploads.disquscdn.com/images/a3d4939e7fba9f0a944d607ecbb9d73fc5c249eb60c80153454eb6dec2962a73.png

  • Emile Voltaire

    Met die misdaad- en moord realiteite wat Europese lande soos o.a. Swede toenemend ervaar agv hul uiters naiewe immigrasiebeleide, hoe lank voor hulle, om selfbehoud, “afsonderlinge ontwikkeling” gaan toepas, moontlik wettig?

    Gaan lekker vir hulle lag, pit druk en piesangs swaai wanneer hulle vir Oom Verwoerd gaan afstof….

    Skynheilige dwase.

  • Afrikanus
    • Heil Afrikanus! Dit is vir my hartverskeurend dat die (Boere-) Afrikaner so lui-lekker en plaas-sonder-baas versugtend vir selfbeskikking wat uit die hemel in ons skote gaan val, so blindelings naief optree. Ons moes lankal hier in SA (wat inderdaad in donker en haas-onontwikkelbare Afrika is), selfregrende kommunale ontwikkelings (meer Oranias) op dreef gehad het saam met geselekteerde internasionale vennote. Omstandighede van verval en (internasionaal-georkestreerde) regeringsagendas wat eenvoudig NWO gewyse oor-ambisieus is maar onhaalbaar en onvolhoubaar inplof, kan nie net sit-sit-so betrag word nie! Die beroep dat alle Afrikane vanuit die internasionale geografiese milieu na Afrika terug gedeporteer word, en dat die deure tot Afrika dan gesluit word, kan nie gebeur nie want die Weste benodig omkoop-toegang tot al die minerale, plantasies en ander natuurlike hulpbronne. Vir l.g. doelwit bly die blanke Afrikaner (sluimerende en talmende) rentmeesternasie in strategiese SA ‘n groot bedreiging vir beide Afrika en die Weste. Ons het dus inderdaad nie tyd vir ginnegaap, talmende versuim, ou-wyn nukkerige-geite en blindelingse nalopery nie. Ons moet ons dorpies en kommunale ontwikkelings volgens die Afrikaner Strategie vir Alternatiewe Ekononomie beplan, uitvoer en instandhou. Red nou so ‘n Volk!

  • Afrikanus, ook die oud-Europese nasate in SA verkoop hulle siel voor die voet aan die duiwel vir status, poste, rokke en rande (asof die globale magte enige-iemand in strategiese SA gaan bemagtig, behalwe om te misbruik!). Vra maar vir die swetterjoel geldmag-lakeie in ons (politieke) kerke/ losies, tussen die Broeders en in die “Deep State” gekoppelde internasionale (gemanipuleerde) ekonomie. Die probleem berus natuurlik in ons gekompromiteerde godsdiensbeskouings (“The root determines the fruit”) en ons (tot datum nog) onopgewasse pogings tot Afrikaner selfbestuur en selfbeskikking.