Onwettige derdewêreldmigrante noop Franse universiteit om te sluit

'Mini-Calais'; Guillaume Gellé (Twitter)

Die Universiteit van Reims in Frankryk, URCA, het aangekondig dat dit nie langer die veiligheid van studente kon waarborg nie en tydelik gesluit moes word nadat die kampus onwettig deur derdewêreldinkommers beset is.

Die rektor van die Universiteit, Guillaume Gellé, het aan die personeel en studente gesê dat daar Dinsdag geen lesings sou wees nie aangesien hy nie hul veiligheid kon verseker nie.

In ‘n gesprek met plaaslike media, het Gellé, gesê: “Betreffende die onwettige besetting van die universiteit, kan ek nie langer almal se veiligheid verseker nie, en ek dring op veiligheid vir almal aan. Dit is waarom ‘n tydelike sluiting van die universiteit Sondagaand afgekondig is.”

Dit is die eerste keer dat ‘n Franse universiteit sy deure moes sluit weens die migrantekrisis in die land.

Die rektor het gemeen dit is nie vir sy instelling om oplossings vir die plakkerskamp in die stad te vind nie, maar vir die staat. Hy het die regering versoek om in te tree aangesien vele studente poog om hul studies onder moeilike omstandighede te voltooi.

Daar word beraam dat daar ongeveer 41 migrante in die plakkerskamp woon, met ‘n verdere 18 tente wat langs die regsfakulteit aan die ander kant van die kampus opgeslaan is.

Enkele dae gelede het inwoners van die St John Perse-parkomgewing in die plaaslike pers die toestande veroordeel en dit ‘n “mini-Calais” genoem wat slegs enkele meters van hul huise af bestaan.

Volgens France Bleu het die migrante in die nabye St John Perse-park gekampeer, maar sou daar deur die polisie uitgesit word, daarom het hulle besluit om hul intrek op die kampus self te neem, waardeur die owerheid gedwing word om opnuut ‘n uitsettingsprosedure teen hulle te begin.

Die Franse studentevereniging, UNEF, het die “lewensomstandighede van dié gesinne” veroordeel en gevra “vir solidariteit van die plaaslike owerheid en die stadsraad van Reims, asook die Prefektuur, om die gesinne te huisves”.

Daar is slegs drie maande oor van president Emmanuel Macron se verkiesingsbelofte dat daar teen die einde van die jaar geen meer migrante op straat sal slaap nie.

Volgens ‘n twiet deur Valérie Coulet (hier bo) “haal die migrante op die kampus van Reims vir Macron aan”.

In ‘n persverkaring Maandag het die rektor van die URCA gesê dat hy hom “ná raad deur die bekwame owerhede”, tot die administratiewe hof wend. Die verhoor sou vandag, Woensdag 20 September te Châlons-en-Champange gehou word.

Intussen sal die Rooi Kruis-kampus geslote bly en word ongeveer 8 000 studente van opvoeding weerhou.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Karel Combrinck

    Daar sal niks kom van Macron se belofte nie, eerstens omdat dit hierdie mense die manier het om op straat te slaap en voorts omdat die Franse staat nie die vermoë het om hulle te huisves nie.

  • Pale male

    Die ironie hiervan skree ten hemele… ‘n Universiteit – hoe klein ookal- verteenwoordig die fundamentele beginsels van Westerse kultuur en dié moet sluit voor die gevaar wat ‘n 40-, 50-tal ‘vlugtelinge’ inhou.

  • Anton Schutte

    shortly, the french academia will experience the wonders of dodging human excrement on the lawns, a bit of a “tarush rape game” for its female student population, and a general destruction of the campus. Viva macron and his commie party, viva

  • Kalium_Chloraat

    Dit bly so dat dit die gewond bevolking is wat ly. Die “heersers” voel niks aan hul bas nie. Miskien moet hierdie ding erger word sodat Frankryk volgende keer ‘n wyse president kan kry.