Diepsloot brand alweer, motoriste onder klippe gesteek

'n Inwoner van Diepsloot kyk na 'n brandende buiteband. Foto: Twitter.

Die Johannesburgse Metropolisiepolisie het motoriste gewaarsku om die omgewing naby die Diepsloot-lokasie te vermy aangesien oproeriges vanoggend brande gestig, asook motoriste onder die klippe gesteek het. Verkeer op die N14-deurpad en die R511, asook Summitweg is daardeur ontwrig.

‘n Verklaring deur Wayne Minnaar, hoof van die Johannesburgse Verkeersafdeling, lui soos volg:

“Die R511 tussen Sandton en Centurion word hierdeur geraak. Die pad moet geheel en al vermy word en die N14 van Krugersdorp af word ook geraak. Meer beamptes is na die toneel gestuur om verkeer te rig. Motoriste kan vanoggend van die N1 as ‘n alternatief gebruik maak.”

Polisie het van traanrook gebruik gemaak om onlusmakers uiteen te dryf. ‘n Twitter-gebruiker, Rachel Mojapelo, het die volgende selfoonvideo aanlyn geplaas.

Blykbaar wil inwoners van Diepsloot gratis water en elektrisiteit ontvang, en word die onluste dus deur die hoofstroommedia (HSM) as ‘n “diensleweringsbetoging” beskryf.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Ou Transvaal

    “Freedom” ruik kenmerkend na gebrande rubber en het die karaktertrekke van anargie , net die ding wat die wat weet vir ons wil oortuig dat dit nou demokrasie is . As dit is hoe demokrasie lyk kan hulle dit maar hou !!

  • Hans Onrust

    Jay-Z heeft een nieuwe hit waarover, vanaf verschillende kanten, nogal wat commotie is ontstaan :

  • Ons is na mening hier in die nuwer Nuwe SA in ‘n hoek vasgeverf. Deels waarskynlik die blanke se eie apatiese en “uitkontrakteer” skuld. Wou te slim wees om NWO marionettemeesters ywerig te gehoorsaam in ruil vir lee beloftes, – tot voortslepende skade. Soos wat Ou Transvaal dit noem, – die Demokrasie in die Nuwe SA ruik na gebrande rubber. Vir ander ruik dit na riool, – hang net af waar jou kop ogedruk is. Vir baie verarmde Afrikaners ruik die Demokrasie na ‘n ashoop. Wat het geword van nog onlangse slagspreuke van vasstaan, opstaan, saamstaan, selfbestuur en selfbeskikking … ?

    • John

      Die “Afrikaners” het nie die vermoë tot self beskikking in enige vorm nie. Beter af onder hul hoofman, wie waarskynlik meer stemme trek as enige van die self-aangestelde doktors.