Polisiestasie aangeval

Die polisie in die Vrystaat ondersoek die moord op twee polisielede wat Donderdag in die Koffiefontein-polisiestasie doodgeskiet is.

Konstabels Obert Mekoa en Mzonani Majo is albei in die kop geskiet terwyl hulle aan diens was in die Koffiefontein Gemeenskapsdienssentrum. Hul liggame is ontdek deur kollegas wat van patrollie teruggekom het.

Die polisie sê een van die oorledenes se dienspistool word ook vermis.

Die provinsiale polisiekommissaris, Lebeoana Tsumane, is dadelik na Koffiefontein.

Die polisie in die Vrystaat het ‘n beloning van R300 000 aangebied vir enige inligting wat kan lei tot die arrestasie van die moordenaar of moordenaars wat verantwoordelik is vir die bloedbad waarin die twee polisiebeamptes vermoor is.

Tsumane het gesê vroeë aanduidings is dat die beamptes geskiet is deur mense wat hulle gedink het by die stasie ingeloop het om hulp. Hy het by die parlement se portefeuljekomitee oor polisie gepraat om die aanval op polisiekantore te veroordeel.

Tsumane sê die polisie sal alles in stryd werp op soek na die daders. “Ons bied diegene wat ons kan help R300 000 aan vir inligting hieroor. Ek wil egter ons gemeenskappe in die Vrystaat en die land verseker dat ons nie sal rus totdat ons hierdie misdadigers in hegtenis geneem het nie. Barbaars en baie sleg vir ons land.”

Intussen het Tsumane gesê ‘n hoëprofiel-span, die Vrystaat se beste, is saamgestel om die ondersoek te lei.

Die toon van verontwaardiging van die polisiekommissaris is opmerklik. Dieselfde verontwaardiging ontbreek as dit oor plaasmoorde handel.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • sussie se vissie

    ‘Vrystaat se beste’.
    :-)…:-)…:-)…:-)…:-)
    PS.
    Vertel ons eerder wat die bottel Hennessy VSOP op die aanklagkantoortafel gedoen het !?
    Dan weer – om in jou slaap die huidige met die ewige te verwissel…seker ieder en elk se droom.

  • Ou Transvaal

    Kan nie wag om die alwetende teoriee van die vuurwapen -haters te hoor nie .
    Is dit dan so maklik om ‘n WETSTOEPASSER aan te vat as ‘n burgerlike ??

    • sussie se vissie

      Ek meen so ja.
      Wetstoepassers rol.
      Burgerlikes draf of hardloop.
      Dis nou as eersg nie mekaar tydens n optrede agter die kop skiet nie.
      Lsg het juis tydens so n ‘gerollery’ en ‘dekking slaan-sessie’ gebeur…sal jy onthou.

  • Ek begryp so vaagweg die sienswyse van die akademiese, filosofiese en liberale beredenerendes. Die Skrif se “Tien Woorde” dui egter aan dat moord sonde is, – op SAPD lede, landsburgers, of op plaasboere en blankes behalwe waar die Godvresende en regverdige Staat bloed met bloed moet vergeld! My simpatie met die SAPD lede wie afgemaai is, (veral omrede ek vir 23 jaar dienend univorms gedra het). Daar is egter deesdae dinge wat my kwel oor die SAPD, veral na Marikana/ Lonmin en ‘n GPF ondervinding laasjaar toe die SAPD aangedui het hulle oral ontplooi is en nie meer (tydelik) beskikbaar vir die plaaslike gemeenskap nie. In hoe mate moet die Burgers en Buurtwagte nog staatmaak op die SAPD/ GPF model? Met die vyandige en orlogverklaarende opruientheid teenoor blankes, vanuit soveel amptelike regringsoorde en andersoortige kulturele instansies, – waar gaan die SAPD se lojaliteite rus by ‘n totale konflik situasie, of as hulle getalle deur moordadiges em misdadigers uitgedun word? Onthou SAPD Reserviste is ons tans ook ontneem.

  • Jonas Van Die See

    https://uploads.disquscdn.com/images/3894ffd463bcae72cf6e8b0fd5cdf2d8a965ab9a83066ec675e8ae3d3ec09eff.png

    Hierdie is ‘n advertensie tussen die kommentaar op PRAAG… eissh! Ag siestog, spaar ons dit!!

  • Ernst le Roux

    Ek wonder of hulle in die slaap geskiet was…