Brief: Van Tonder, jy het #Spur opgedonder

Politieke korrektheid het ‘n prys. ‘n Duur, rand-en-sent prys. As jy ‘n maatskappy is met ‘n elitistiese bestuur, wat uit ‘n PK-hoogte op jou eie klandisie neersien, is bankrotskap en miljarde se geldelike verliese jou voorland.

Só het die Amerikaanse winkelgroep, Target, agtergekom, nádat hy ‘n ernstige aanval van PK-itis beleef het. Koorsig van die politieke korrektheid, het Target besluit om sy winkels se toilette voortaan oop te stel vir diegene wat hul verbeel dat hulle eintlik met die verkeerde geslagsorgane gebore is. Sulke hallusinasies, soos die hoor van stemme in jou kop en om jou te verbeel jy is iets wat jy nie is nie, is uiteraard ook ‘n kenmerk van geestesongesteldhede soos skisofrenie.

Enige man wat volhou hy is ‘n sogenaamde “vrou vasgekeer in ‘n manlike liggaam”, kon dus by die damestoilette van ‘n Target-winkel instap en na hartelus na dogtertjies en hul ma’s staar. Target het hom egter lelik misreken met sy klandisie, en ‘n grootskeepse boikot het gevolg. Die gewone man op straat, wat nie deur die PK-virus besmet is nie, het in opstand gekom. Target se aandeelprys het gevolglik met 30% gedaal, en sy verkope met 6%, wat verliese van miljarde dollar verteenwoordig.

Nog ‘n individu wat vrot is van die PK-griep, is Pierre van Tonder, die hoofuitvoerendebeampte van Spur. In ‘n insident vroeër vanjaar het ‘n swart bullebak ‘n blanke dogtertjie in ‘n Spur se speelarea aangerand. Die dogtertjie was helfte van die bullebak se ouderdom en helfte van sy grootte. Daar was merke op die dogtertjie se gesig agv dié barbaarse aanranding. Die pa van die dogtertjie het die ma van die bullebak gaan konfronteer, sy het op hom gevloek en die man het glo ‘n dreigende houding ingeneem, maar, anders as die bullebak, nie fisies aan die vrou geraak nie.

Spur het egter geen tyd verspil om soos ‘n trop buffels by ‘n breekwarewinkel in te storm nie. Met PK-vaandels wapperend in die wind, het die Spur se bestuur die pa summier verban uit alle Spur-restourante. Die vloekende ploert van ‘n ma van die bullebak, daarenteen, is nederig om verskoning gevra. Wie weet — miskien het sy selfs lewenslange gratis etes by die Spur gekry, sodat haar bullebaktelg in die toekoms ook na hartelus ander blanke kinders kan beseer in die speelarea.

Waarom is albei nie verban nie, sou enige rasionele waarnemer vra? Dis eenvoudig: Want die ma is swart, die pa is wit, en die Spur bestaan uit politiek korrekte fanatici. Dit gaan uit en uit oor ras, en die Spur het homself as ‘n anti-blanke, rassistiese maatskappy bewys. In die PK-wêreld is wit per definisie verkeerd, en swart per definisie reg.

Die onafwendbare gebeur toe. Derduisende blankes het die Spur spontaan begin boikot. Omset in sommige restourante het met tot die helfte gedaal. Sommiges moes selfs hul deure sluit. Nietemin het Van Tonder bloot net aangedonder. Toe hy deur die waas van sy PK-koors begin sien dat hy nou ernstige twak aangejaag het, het hy net meer verbete en histeriese politiek korrekte sothede begin kwytraak, soos dat diegene wat die Spur boikot, sogenaamde regses en rassiste was. Hulle is glo diegene wat woon in areas deurtrek met KP-stemmers, een en almal, terwyl die KP al vir dekades lank nie meer bestaan nie.

(Maar natuurlik. Hoe dan anders? Enige blanke wat hom nie gedienstig neerbuig voor die PK-afgod nie, is mos noodwendig ‘n rassis en ‘n regse. Ongelooflik hoe Van Tonder en sy maatskappy hul kernklandisie so kan minag.)

Van Tonder het ook toe die simpatiekaart probeer speel. Dis arme Afrikaner-konsessiehouers wat ly onder die boikot van die regses, het Van Tonder toe beweer. Dit mag in enkele gevalle weliswaar so wees, maar moet Afrikaners dan maar net aanhou om hul geld te bestee by ‘n maatskappy wat ons so aktief minag? Moet die massa die enkele konsessiehouers se belange bó hul eie stel?

Ek stel terloops voor dat sodanige konsessiehouers begin met ‘n regsgeding teen Spur se hoofkantoor, of dat hulle hul konsessies prysgee en ‘n restourant onder ‘n ander handelsnaam heropen. Spur het myns insiens kontrakbreuk gepleeg deur moedswillig die konsessie se handelsnaam in oneer te bring, en deur sy konsessiehouers se teikenmark moedswillig te vervreem.

Toe dinge vir Van Tonder nog warmer raak, het hy selfs begin beweer dat dit ‘n politieke party — Front Nasionaal — was wat die veldtog met politieke oogmerke geloods het. Helaas vir Van Tonder was FN se veldtog slegs een van vele, en is die boikot veel meer wydverspreid onder doodgewone blankes, ook Engelssprekende blankes, soos my buurman.
Hier is my voorspelling: Daar is drie groepe wat hulself gelukkig sal ag as hulle Kersfees 2017 lewend sien. Een is kalkoene. Die tweede is heelwat Spur-restourante. Die derde is Van Tonder en sy trawante in Spur se topbestuur.

Van Tonder, jy het opgedonder.

— Jared van Niekerk, per e-pos

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • pf1830

    Vir my is baie erger wat in die kombuise met jou kos gebeur. Vieslike stories al gehoor.
    Ek sal nie raak aan iets wat daar agter in kombuis ‘voorberei’ is nie.

    • Gustav

      Jy is reg. Besmoontlik is die verhouding tussen Spur en Afrikaner-klante onherstelbaar beskadig. Daar sal onafwendbaar nou ‘n weersin onder Spur-werknemers jeens blanke klante wees. Daardie stories wat so in die agterkop gemaal het, staan nou voorop. Gaan van hulle in my kos spu, pis, ontlas of selfs maandstondebloed daarin smeer? Waarskynlik nie, maar “waarskynlik” is nie “ongetwyfeld” nie. Ek sal nooit die kans waag nie. En ek is beslis nie die enigste oud-Spur-klant wat so voel nie.

      • Gustav , wat jy hier opnoem is nou n duidelike aanduiding van op watter vlak hierdie mense bestaan, en nou wil hulle ons aftrek na hulle vlak. Dit kan en sal nooit regkom as dit die siening is van JZ EN SY KADER as dit is wat hulle dink DEMOKRASIE IS. Ek lag vir hulle.

    • Jonas Van Die See

      Ons het vir lank slaai gelewer aan verskeie franchises in Witbak en Middelburg.
      Die sifste kombuis van hulle almal is die Spur by die Witbank Mall…
      Jy het sommer so oor die vloer gegly soos dit van die vet en olie besmeer is…

  • Suidpunt

    As ‘n Sundae die prys van ‘n tweeliterroomys is, is wegblyaksies nie eens nodig nie.

  • Neels

    See who paid R100.7m for Spur founder’s shares

    http://www.fin24.com/Companies/Retail/see-who-paid-r1007m-for-spur-founders-shares-20170521?

    shared via @Fin24

    • Joe Hall

      Hopelik brei Spur se ellendes ook na hul ander besittinge uit:

      ” Spur Steak Ranches, Panarottis Pizza Pasta, John Dory’s Fish Grill Sushi, The Hussar Grill Steakhouse and Roco Mama’s. Spur is also the franchisor of Captain DoRego’s.”

  • Seraphima Venter

    That woman of the menstrual blood quite clearly​ stated that she doesn’t like white people, which is why she did what she did. That is the message she sent out on Spur’s behalf, as, lowly employees​, ie switchboard operators​, WAITRESSES​ and presumably cleaning​ personell are invariably informed by management that we are the MOUTHPIECES of the company. So we as whites get the MESSAGE loud and clear!!!?!!!?!. Unclean, unclean, unclean!!!! We will stay away from where we are not wanted.

  • Karel Combrinck

    Dit is iets waarvoor ek al lankal pleit: dat blankes hulle koopkrag moet gebruik om hulle stempel af te druk, daar waar dit die seerste maak nl. die bankrekening.

    Verder het ek ‘n probleem met die term “politiek korrek”. Inderdaad gaan dit juis nie om korrektheid nie, maar op die eensydige afdwing van een soort sienswyse op ander mense. ‘n Beskrywing soos “linksradikale vooroordeel” sou nader aan die kol wees, maar miskien kan lesers dink aan ‘n nog beter beskrywing.

  • Rifrug

    Dankie Jared … uitstekend geskryf!

    Net twee Afrikaanse uitdrukkings:

    Mosterd na die maal…
    Agteros kom ook in die kraal …

    • Kalium_Chloraat

      Die Spur insident was die dood in die pot

      Die vlieg in die sop.
      ‘n Appeltjie te skil met Spur
      Van Tonder se verskoning is mosterd na die maal
      Spur hunker na die vleispotte van die “regses”
      Van Tonder bak kluitjies
      Van tonder skiet met spek
      Afrikaners eet nie van Tonder se soetkoek nie
      van Tonder se koue pampoen maak niemand skrik nie
      En laaste, maar nie minste – Boontjie kry sy loontjie

      • Rifrug
      • G

        Tonner was toe die slang in die gras, die padda wat manel dra. Op dieselfde PK-aambeeld gehamer, maar hy weet minder van Afrikaners as ’n kat van saffraan. Hard met die aarde kennis gemaak. Op sy baadjie gekry toe hy so laag voor Baäl die knie buig en van ‘n berg ‘n molshoop probeer maak het. Sy PK muis het ’n berg gebaar. En dis laaste sien van die blikkantien in die land van die blindes waar ou eenoog Tonner regeer. Want bloed kruip waar dit nie kan loop nie. Die saak van daardie wit dogtertjie blou-blou laat? Die bordjies is nou verhang. Die druiwe is nie meer suur nie, dis muf. Want moenie sê: “Fonteintjie, ek sal nooit weer van jou drink nie”. Ons sal ons penne in gal doop en sy soort sal vir die gelag betaal. Alte goed was buurmansgek, meneer, ons is genees en julle staan op die haai vlakte. Moenie jou kom haantjie hou nie, en vir ons Spur sousies om die mond smeer nie. As jy ’n hond wil slaan, kry jy maklik ‘n stok, en jy kan jou hoed agterna gooi dat daardie Spur sousies nie stukkend gegooi word op die supermark vloere nie. Dan is daar behoorlik pêrre. Baie honde is ’n haas se dood. Honger is die beste kok en ander eetplekke is nie ’n naald in ’n hooimied soek nie. Julle gaan dit hotagter kry want ons is uit goeie hout gesny. Laat julle swart klante die plek op horings neem want ‘n jakkals verander van hare maar nie van snare nie. Hulle gaan nie julle kastaiings uit die vuur krap nie. Dis klaar met Kees. Die koeël is deur die kerk. Julle klante het van Spurland se vleis geëet. Die Rooikool is die sous nie werd nie. Jou het jou kop in ‘n bynes gesteek en met die kous oor die kop terug gekom. Jy was vol kwinte as dit by wittes kom maar die lekker was toe net ’n vinger lank. Jy kan dit maar op jou maag skrywe en met jou hemp doodvee, want ons het lont geruik. Met die maat waarmee julle meet, sal weer vir julle gemeet word. As die muis dik is, is die koring bitter. Jy het olie op die vuur gaan gooi en jou ore uitgeleen, maar dit is nou neusie verby. Rifrug ek “dare” jou!

        • Rifrug

          Dankie G.

          Sal eerder nie dié uitdaging aanvaar nie, jy wen loshande!

          Het jou skrywe terdeë geniet!

  • sussie se vissie

    n Ander wyse van doen ( waaronder ek as een tel ) – is om op al wat uiteet-blog is, jou walging in diens/kos en bekostigbaarheid luidkeels te verkondig.
    Tripadvisor as een voorbeeld.
    In soverre dit Spur aanbetref… hoef mens jou nie eers te verwerdig om die pap aan te dik nie.
    Kubertaktiek is maklik en die indruk gelaat blywend. Veral as daar verwys word na n vuil duimnael wat lustig tussen my tjips baljaar met aanbieding van kos.

    • Riaan Niksch

      Pap sal daar beslis wees, saam met chuck.😈

    • Kalium_Chloraat

      Goeie idee!

  • beeshaas

    Koop jou vleis by n slaghuis en braai eerder by die huis. Lekker.

    • Chroom

      Baie lekkerder en baie goedkoper en jy weet die kwaliteit is reg die voorbereiding is reg en die belangrikste, dit is skoon.

  • PK-koors is ‘n ernstige en skynbaar aansteeklike siekte. Elkeen wat “mag” het, selfs onder Whats App groepie administrateurs, selgroepe, kerkbazaars en straatbraaiers, wil PK histeries raak en kap na enige-een wat na eie kultuur of beskerming van eie kultuurbelange verwys. Siestog! Maar tog wen PK ook veld, veral as jy verward, besluitloos en identiteitloos gebore, geboelie of gebreinspoel is, – dan is PK ‘n manier om “in” te wees hoewel dit eintlik onvolhoubaar, skadelik en uit is. Jammer dat die boikot van Engen, Naspers en Woolworths destyds nie so geslaagd was nie. Ek stem! PK is uit, – soos die Spur. Slegte diens is ook uit! Stupid leiers ook!

    • Danny

      Ek gaan akkoord johnnycongo, PK UIT, AFRIKANER In!!!!!

  • GrimKay

    Ou van Tonder jou d####r, hoe meer jy jou groot mond oopmaak, hoe meer bed####r jy dinge vir Spur. Dis jou skuld, en jou skuld alleen, dat dinge so ver gegaan het, en so lank aanhou. En voordat jy nie jou 💩 houding staak en dinge nie 180° omswaai maak nie, sal ons nie alleenlik aanhou om jul te boikot nie maar dit sal ook toeneem. Jy het nog niks gesien nie…

    • Danny

      MSAGA.

  • Ernst le Roux

    Wat ‘n rektum!!! Dalk nageslag van Piet de Wet…? (nie JY nie Piet, genl. Christiaan de Wet se half broer man!). Hierdie van Tonnerdonner is van daai soort ouens wat destyds allerhande siek verskonings uitgedink het om nie grensdiens te doen nie – nie oor politieke redes nie, maar oor plein slapgat en lafhartigheid. Fkkers!

  • Bazler Douglas

    Sit nie in van Tonder se broek EN vermoee om die brief te antwoord sonder sy graad 1 juffrou nie.

  • Jonas Van Die See

    Daar is natuurlik ook ‘n ander term vir “P.K….”

    • Danny

      Hehe!! Goeie een 🙂

  • Rifrug

    “Three armed men stormed the Spur at Riverside Sports this afternoon and robbed “staff and patrons.

    According to Kyle van Reenen of Marshall Security, the three men
    fired shots into the air and demanded cellphones and cash from staff and
    customers.

    They fled, abandoning their Toyota Corolla and went on to hijack a
    civilian vehicle. One of the men was apprehended by a member of the
    public, while the other two managed to escape in their hijacked vehicle.”

    http://bereamail.co.za/111084/armed-men-storm-spur-restaurant/

    Meneer van Tonder … behandel die ‘kliënte’ wat jy gedink het jou nuwe teikenmark is Spur nou so? Welkom in die nuwe ruwe Suid-Afrika!

  • Danny

    Dankie!!!