Verenigde ANC dreig DA met geweld

Die ANC Jeugliga dreig met geweld teen die DA Vrydag, want die DA beplan ‘n optog teen President Jacob Zuma in Johannesburg.

Die Jeugliga het ‘n saamtrek in Germiston gehou om hulle steun vir die president te toon. ‘n Woordvoerder van die Liga, Sifiso Mtsweni sê hulle sal optoggangers inwag met sambokke en ander wapens.

Die DA wil na die Mary Fitzgerald-plein in die Johannesburgse middestad opruk uit protes teen President Zuma se kabinetskommeling, wat ‘n kredietafgradering tot rommelstatus tot gevolg gehad het.

“Suid-Afrika het R2,2 biljoen in openbare skuld. R20 miljard van hierdie skuld word betaal in buitelandse valuta,” het die nuwe minister van finansies Malusi Gigaba gesê. Hy het gesê dat hy geweet het die land gaan afgegradeer word.

Die ANC-uitvoerende komiteelid, Nomvula Mokonyane het by die Jeugliga-saamtrek gesê die party sal sterk staan te midde van die felle media-aanslag teen Zuma.

Die ANC sê intussen notas van die vergadering van die Nasionale Werkkomitee wat uitgelek het, is nie amptelik nie. Die dokumente is gestuur na die media gisteraand via kommunikasieamptenare.

Die notules toon dat die meerderheid van ANC-lede President Jacob Zuma ondersteun het. Die top-amptenare van die ANC het toe ‘n verandering in leierskap bespreek. Zuma se onlangse kabinetskommeling en die gevolge van die afdanking van die minister van finansies, Pravin Gordhan was bo-aan die agenda.

Die ANC-woordvoerder, Zizi Kodwa het bevestig dat die party verenig is. Maar Britse agente Mary Metcalfe, eerwaarde Frank Chikane en Cheryl Carolus, het gewaarsku dat Zuma nie onaantasbaar is nie.

Die skommeling maak die herkapitalisering van staatsinstansies moontlik, asook die Russiese kernkontrak, en goedkeuring van die Vardospan/Habib banklisensie sodat die Guptas kan voortgaan om sake te doen.

Daar is geen werklike vrees by Zuma of sy ondersteuners oor sy 783 aanklagte van korrupsie nie. Hy het te veel beheer en die ANC sal nooit ‘n president, huidig of voormalig, tronk toe stuur nie.

Die Rand Daily Mail berig dat Zuma ‘n sluipmoord deur Russiese “mafiabaas” Vladimir Poetin vrees, weens die Rosatom-kernooreenkoms tussen Zuma, Poetin en die Russiese eerste minister Medwedef, en daarom het hy van Pravin ontslae geraak.

Dit wil egter voorkom asof Zuma se vyande nou besef dat hulle ‘n dekmantel-verhaal nodig sal hê om hom uit die weg te kan ruim.

Die Russiese roebel is die mees goudgesteunde geldeenheid ter wêreld. Vir die aantal roebels wat sirkuleer, is daar ongeveer twee keer die goud in Rusland se Tesourie beskikbaar.

‘n Finansiële alliansie tussen Rusland en China wat oor die afgelope paar jaar tot stand gekom het, het hul eie geldoordragstelsel geskep, die China International Payment System, ‘n betalingstelsel wat die Westerse oordragstelsel SWIFT vir Russies-Chinese interne handel vervang.

SWIFT, staan ​​vir die System for Worldwide Interbank Financial Telecommunication, ‘n netwerk wat in 215 lande en gebiede is en gebruik word deur meer as 10 000 finansiële instellings.

CIPS word reeds gebruik vir handel en monetêre ruiltransaksies binne China en Rusland asook deur die oorblywende BRICS-lande, Brasilië, Indië en Suid-Afrika; en deur die lede van die Sjanghai Samewerking Organisasie (SCO), plus Indië, Pakistan en Iran, asook die Eurasiese Ekonomiese Unie (EEU – Armenië, Wit-Rusland, Kazakhstan, Kyrgyzstan, Rusland en Tadjikistan).

Daar word gesê dat CIPS gereed is om wêreldwyd uitgerol te word. Die aankondiging deur China op 19 April 2016 van sy goudgesteunde yuan wat nie meer omskepbaar is in dollars nie, kan net die sneller ‘n ekonomiese verskuiwing in die Ooste verhaas.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.