Karel Combrinck: Ommer as ‘n brommer – die storie van Leon Wessels

Leon Wessels

“Elke keer wanneer ek De Klerk se 1990 toespraak lees, klop my hart van opwinding. ” So skryf Leon Wessels in sy boek Vereeniging; die onvoltooide vrede. En dan beskryf hy diegene wat die toespraak anders ervaar, as “brommers”.

Nou het die woord “brommer” natuurlik meer as een betekenis. Die een betekenis is klakous of morpot en die ander een is dié wat op Leon Wessels betrekking het.

Pas skakel ek vir die eerste keer na ‘n lang tyd my motorradio aan en daar is ‘n bruikbare-idioot-Afrikaanse-omroeper juis besig om met Leon Wessels ‘n “onderhoud” te voer. In die onderhoud spoel Wessels sy kieste uit oor wat alles in die aanloop tot die 1994-oorgawe “agter die skerms” gebeur het. (Die Kreole in Mauritius het juis ‘n uitdrukking: praat net sodat sy mond nie moet stink nie). Ons weet tog almal van beter as om te dink dat daar op die ANC-spreekbuis iets ewewigtigs oor ‘n onderwerp soos hierdie te wagte kan wees.

Die joernalis het dus sy vrae mooi gekies om mnr Wessels in staat te stel om FW de Klerk se oorgawepolitiek ten gunste van die ANC in die mees gunstige lig te plaas en mnr Wessels se betoog het ongeveer soos volg verloop:

Pas voor die referendum het de Klerk tot die, vir hom, bloedstollende ontdekking gekom dat die Nasionale Party waarskynlik ‘n tussenverkiesing wat in daardie stadium op hande was, sou verloor en dat dit die doodsklok vir sy oorgawepolitiek sou beteken. In sy paniek oor hierdie, vir hom, katastrofiese vooruitsig, het FW de Klerk, na “samesprekings met sy kabinet” besluit dat as hulle ‘n kans wou staan om hulle “hervormingsbeleid” deur te voer, hulle so spoedig moontlik ‘n referendum sou moes hou in die hoop dat hulle sodoende genoeg steun sou kon verkry om hulle planne tot uitvoering te bring. En daar werk dit toe.

Die mees verstommende van hierdie relaas is miskien dat Wessels sy eie binnegoed so blootlê. Is dit uit linkse vermetelheid? Of dink hy dalk ons almal wat na hom luister is naïef genoeg om te dink hy is maar net “eerlik”? Is dit miskien omdat hy weet dat die meeste Afrikaners teen hierdie tyd reeds so ontmoedig en suf en verslae is dat hulle maar gedweë na enigiets sal luister al is dit dan ook komende van een van FW de Klerk se mees weersinwekkende agterrryers? En dan is dit natuurlik ook so dat daar op die SABC-radio nie veel anders is om na te luister nie.

Die Afrikaanse SABC-joernalis sou natuurlik aan mnr Wessels kon vra, “maar mnr Wessels, as julle dan so bang was dat julle ‘n tussenverkiesing sou verloor, wat het julle dan laat dink dat julle ‘n referendum sou kon wen? Is dit omdat julle geweet het dat die verwysingsraamwerk vir ‘n referendum anders is as vir ‘n normale verkiesing en dat julle die verwysingsraamwerk vir die referendum sou kon plooi en bekonkel om die stemmers om die bos te lei en so u doel te kan bereik ?” In ‘n verkiesing stem die kiesers vir ‘n kandidaat, in ‘n referendum spreek hulle ‘n mening uit oor ‘n beginsel, of so moet dit wees.

Wessels gee hoog op oor die reuseprestasie van die Nasionale Party dat hulle ‘n eenheidstaat met een sentrale regering tot stand kon bring. Maar hy verduidelik nie, en die bruikbare-idiootjoernalis vra hom ook nie, wat nou eintlik die voordeel van ‘n eenheidstaat sou wees behalwe dat dit voldoen het aan die begeertes van die ANC en dus ook van die NP. Duidelik sou ‘n beter en meer logiese oplossing vir alle Suid-Afrikaners, wit en swart, gewees het om die land te verdeel in onafhanklike, selfbeskikkende volkstate. Die onverdeelde Suid-Afrika onder ‘n ANC-bewind wat mnr Wessels as ‘n seëning beskou, is ‘n gedrog wat duidelik besig is om op ‘n ramp af te stuur. Dis net ANC-idealiste en sterrekykers soos mnr Wessels wat dit nie kan insien nie.

En dan maak mnr Wessels die asembenemende opmerking dat Dawie de Villiers die deurslaggewende stukrag agter die skerms was wat FW de Klerk tot sy ruggraatlose en skandelike oorgawe beweeg het, ” iets waarvoor de Villiers nooit die erkenning, eer en waardering gekry het wat hy verdien het nie”!!! Dit was vir hulle ‘n ‘n eer om ons land aan die ANC present te gee! Dis om van te stik. Hoe siek en verwronge kan mense word?

Leon Wessels is een van daardie politieke vlieë wat sy lewe slyt op soek na ‘n bol om op te sit : Oud Rapportryer, oud Broederbonder, oud NP Volksraadslid, oud Voortrekker, oud Minister en nou Direkteur van die Sentrum vir Menseregte, met wat dit alles impliseer ten opsigte van wat links en beklekkerig en anti-Afrikaans is – so op die patroon van die ou brommer indoena RF Botha wat selfs op sy oudag nog probeer het om ‘n baantjie in die ANC los te slaan as beloning vir sy bydrae tot die oorgawe. Die grootste en mees onwelriekende bol wat hulle kon kry en waaraan hulle klou vir lewe en dood, is die groot bol van Afrikanerverraaiers en daarop sit hulle nog steeds.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Barrie Vermeulen

    Miskien moet ons die naam bietjie verander: Sentrum vir swart menseregte. My lysie van Boervolk verrraaiers groei aan.

    • Ernst le Roux

      Barrie, onthou om backups te maak van daai lys!

  • leonlemmer

    Karel, ek het al begin wonder wat van jou geword het. Soos altyd is jou evaluering in die kol. Ek is ook dankbaar dat Praag sy lesers verwys na my destydse bespreking van Leon Wessels se boek (Praag 20.10.2013).

    • Vicky

      Wessels is ‘n tipiese baby boomer. Die soort wat ‘n godsdiens uit WW 2 gemaak het.

    • Karel Combrinck

      Dankie Leon. Dis gaaf om te verneem dat iemand my gemis het, veral iemand vir wie ek die hoogste agting het. Jou artikel oor Wessels se boek het ek natuurlik destyds al gelees en nou weer voor ek die stukkie hierbo geskryf het. Beste groete.

  • Kruger

    Ons het destyds gesoebat dat SA deur de Klerk sien, Die feit dat hy met n’ ander Vrou weggeloop het is vir my sy Stempel en dit is ook wie vir hom gestem het, Meesal vrouens wat bang was vir oorlog. Hulle het die mense bang gepraat en daar was genoeg konserwatiewe swart leiers sodat ons n konfederale bestel beding wat almal sou beskerm. Nou ly almal onder die NP se swak besluit en hulle gee voor hulle is onskuldig. Mag hulle vir elke boer wat vermoor is in die land n’ lang en pynlike kramp in hulle gatte kry, nie samelopend en elkeen moet vir weke aanhou

    • Vicky

      Moenie van die mans en hul sport-God vergeet nie. Die sport-God en beroemde “spelers” het net so ‘n groot invloed gehad.

      • Is dit nou die Sonaanbidders se ander afgod Raggabus, familie van Baphomet?

    • Kalium_Chloraat

      Ek sien die stemmery doerdie tyd so:
      Bloednatte: 10 Silwerstukke
      Rugby & Krieket (panem et circences):5 Siwerstukke
      Beloftes van beleggings en geld: 10 Silwerstukke
      Sterre in die oë van die libtards: 5 Silwerstukke

  • Duncan Gill
    • Rifrug

      Gaan nie werk nie, Duncan!

      • Duncan Gill

        Se my hoekom asseblief?

        • Duncan. “Rifrug” stel nie belang in enige behoorlike voorstelle wat die land se probleme kan oplos nie. Sy eintlike doel hier op PRAAG is om te kerm en te kla en neerhalende aanmerkings te maak oor mense wat wel met behoorlike voorstelle vorendag kom…

          • Johann Schutte

            Hoe weet jy hy stel nie belang in enige behoorlike voorstelle nie?

            Hoe weet jy sy eintlike doel op PRAAG is om neerhalende voorstelle te maak?

            Ontken jy hom sy reg om `n opinie uit te spreek/van iemand te verskil?

            Jou aantygings kan maklik as neerhalend gesien word. Sien jy die ironie?

            ‘Hoe kan jy vir jou broer sê: ‘Wag, laat ek die splinter uit jou oog uithaal,’ en intussen is daar ‘n balk in jou eie oog? Huigelaar! Haal eers die balk uit jou eie oog uit, dan sal jy goed kan sien om die splinter uit jou broer se oog uit te haal’

            Maar ignoreer die bostaande Bybel aanhaling. Wat dikteer jou EIE spirituele oorwegings? Is jy kongruent met jou eie opvatting?

          • Johann. Is jy bewus van enige voorstelle wat hy/sy al hier op PRAAG gemaak het, behalwe as jy Rifrug se (dikwels irriterende) uitwys van andere se spelfoute as “behoorlike voorstelle” beskou?

            Mens leer maar hoofsaaklik uit ondervinding en my ondervinding van “Rifrug” is sy/haar niksseggende neerhalende aanmerkings sonder die propagering van enige politieke standpunt. Hierdie persoon het dit self erken na ek hom/haar gevra het wat die politieke of geloofstandpunt(e) is wat hy/haar hier op PRAAG propageer.

            Ek het nooit beweer dat mense nie van my mag verskil of met my debatteer nie, maar bloot gewys op sekere kommentaarlewers se neiging om die man te speel i.p.v. die bal.

            Om andere attent te maak op die werklikheid van splinters/balke in mense se oë, is onafskeidbaar deel van die ondersoekinstel na mense se werklike motiewe wat betref hul kommentaarlewering.

            En terloops. Jy is welkom om mense attent te maak op enige moontlike “splinter” of “balk” in enige van my skrywes…

          • sussie se vissie

            Jaco.
            Dam okie helemal waar nie.
            Jou ‘voorstelle’ ook maar merendeels n reistog in retrospeksie.
            Id est: Ds/kerk/diaken/Bybel en godsdiens het ons tot hier ( lees ‘k@kstraat’ ).. gebring.
            Ou nuus…en daai hond is lankal doodgeskop.
            Daarenteen is jou voortdurende geteem oor ‘spiritualisme’ et al ook maar tandknersend. Lsg bied miskien hoop aan n klomp Hari Krishnas dik gesmul aan n batch ganja-cupcakes…maar vir die res ( Mighty Men[ace] eweneens uitgesluit ) vir ‘ons’ realistiese plebs…sukkel ek om jou soms te verstaan.
            Waar sommiges ‘n long walk to freedom’ vat…vat jy hom by herhaling so ‘to the past’.

          • sussie. Het jy my kommentaar bo-aan gelees i.v.m. die grootste struikelblok wat in die pad staan van enige oplossing vir ons probleme? Hoeveel mense wat gereeld kommentaar lewer hier op PRAAG verkies om gereeld te kla oor die korrupsie en agteruitgang in plaas daarvan om die oorsake van en oplossings vir ons probleme behoorlik te adresseer? Is dit sinvol om gedurig te sanik oor Swartmense se foute in plaas daarvan om eerder te probeer uitvind waarom die oorgrote meerderheid Witmense so oningelig, apaties en selfsugtig is? Ons kan allerlei wonderlike voorstelle hê oor volkstate en maniere om dit te verwesenlik, maar as weinig mense ooit hierin sal belangstel, sal dit ook ʼn mors van tyd wees om behoorlike gesprekvoering in verband hiermee te probeer stimuleer. Selfs al vergeet ons vir eers van ons geloofsverskille en fokus ons eerder op die volkstaatideaal, moet ons eerstens die “olifant in die sitkamer” adresseer, nl. die feit dat bitter-min blankes hierdie ideaal goedgesind is.

          • sussie se vissie

            As jou laaste sin beproef en feitluk bewese bevind is…’what’s the buzz’?
            Gaan my oorgee aan hedonisme.

          • JDTAKL

            Enkele jare gelede het Netwerk24 ‘n meningspeiling hieroor gehad. Oor die 70% was tengunste van ‘n volkstaat, Nou ja, dit is geen wetenskaplike studie nie maar dit sou interessant wees om die werklike stand van sake te weet.

            Die probleem is dat sonder ‘n werklike vooruitsig of metode om daarby uit tekom mense blootweg net nie sal belangstel nie.

        • Johann Schutte

          Enigiets wat alarm maak. Elke druppel help.

        • sussie se vissie

          Die eerste ding wat die Europese poepolle gaan vra…is waar sodanig jy kwansuis jou tentpenne wil inkap?
          Ook die veronderstelling dat jy met 10,000 stemme n mandaat het om namens ( 3 – 7m? ) volksgenote jou hersenskim te wil laat realiseer. Dit terwyl jy jou reeds in n ‘demokratiese verkose’ bestel bevind.
          Deur die EU te nader, is so goed jy wil n siviele geding deur die strafhowe stamp. ( of andersom )
          Die legitieme aanspraak op grond ( vir doeleindes van selfbeskikking ) – moet eers bewys en vasgemaak word.
          Hoe gemaak in dié opsig….weet nugter.
          Eers met dit onder die blad.. glo ek sal daar met erns na n pleidooi van die aard, kennis van geneem word.
          Ek meen…..
          Dink aan pa met klein Jannie aan die hand in Bawa se ‘sweets’ winkel.
          Vir Jannie om te bly kerm en teem hy wil ‘sweets’ hê sonder om spesifiek hiertydens te wees…gaan pappie & Bawa net oneindig frustreer.
          Die uiteinde gaan wees Bawa verbied jou sy winkel…en pa raps jou gat tot by die huis.

          • Duncan Gill

            “Sussie” dit is altyd verstomming dat mense soos u so negatief reakteer op so n oplossing.vir ons mense.Wat ek probeer met my petitsie doen is om mense te inspireer dat daar wel aan sulke oplossing vir ons saak moet gewerk word.Niemand se dit is maklik maar elke mens wat my petitisie teken is n klien stappie in die regte rigting!Wel dit is wat ek dink maar verskoon my vir my optimisties hoopvolle neigings.Ek glo met al my hart dat niks ontmoontlik is nie en ons moet strewe na n doel en selfbeskkinging is vir my die enigste uitweg vir ons.Kyk na die mense se gesigte in Orania is hulle nie gelukkig nie? Dan vra jouself is dit nie waar dat waar daar n wil is sal die uitweg gevind word..of nie?

          • sussie se vissie

            Hiermee gee jy die Mighty Men(ers) stukrag.
            Soek hul nie maar ook na n ‘oplossing’ ( hoe idealisties en gewaan ook al ) – nes jy in die verband nie?
            “Gee my enige dag n dromer…maar n REALISTIESE een”.
            Lsg ongelukkig komend van Rupert…maar dis nou maar soos dit is.

          • Johann Schutte

            Laat waai Duncan. Daar is geen manier waarop `n komprehensiewe en werkbare plan van aksie gerig op self-beskikking geloods kan word as `n a-priori aanbieding by die VN (of enige ander forum) nie.

            Jou klein aksie is `n sein wat die bewussyn van die reg op self-beskikking aan die lewe hou, beter as wat die VF dit doen. Hoe meer mense sy virtuele buurman betrek, hoe beter.

          • JDTAKL

            Ek stem met jou saam dat dit nie op hierdie manier bereik sal word nie. Die postiewe hiervan is dat dit tenminste mense bewus maak dat hulle so ‘n alternatief behoort te he.

            Ek sien slegs die volgende maniere vir Afrikanerselfbeskikkig.
            1) Die eerste is om dit d.m.v. van oorlog te kry. Verstaan my tog mooi dat ek nie agiteer vir oorlog nie. Ek erken bloot dat die ANC (en howe) dit (land) nooit aan ons sal gee nie en dat dit alleen langs die loop van ‘n geweer bereik sal word solank binne die grense van SA. Die koste is in bloed en ‘n afskuwelike ding. Nietemin, die ANC en EFF bring dalk wel so ‘n stryd na die Afrikaner se voordeur.
            2) Bereik dit deur konsentrasiepunte soos met Orania. Mettertyd word die konsentrasie punt groter en teen die tyd as SA in Chaos verval kan die konsentrasiepunt hopelik selfregerend raak. Intussen geniet dit darem selfstandigheid wat beter as totale ANC dominasie is.
            3) Beset ‘n onbewoonde eiland soos Kergeulen en hoop dat ‘n konserwatiewe Franse regering onder Le Pen jou nie afgooi nie.
            4) Probeer grond koop by ‘n armlastige volk met ‘n 99jaar huur/belasting daarop gevoeg waarna dit afbetaal is. Moontlik is daar enkele korrupte derde wereld leier wat in so iets geinteresserd sou wees?
            5) Seebewoning. Dis regtig uit die boks dink, eksperimenteel en baie duur: https://www.seasteading.org/

            Ek sien elk van hierdie opsies as onwaarskynlik tot hoogsonwaarskynlik suksesvol.
            Miskien met die uitsondering van punt 1) wanneer ons mense vir hul oorlewing sal moet veg. Nietemin is dit ook die mees onaangename roete.

            Ek sien geen sukses via die roete van hofsake en petisies nie. Howel ek sulke inisiatiewe ondersteun terwille die bewusmaking, glo ek dat dit geen kans op sukses het nie.

  • Kalium_Chloraat

    Wessels, Max, Koos Kombuis en ander soos hulle sien die vernietigende resultaat van hul dom idealisme. Hulle kan 3 dinge doen

    Erken dat hulle verkeerd was (P=0.01 gegewe hul selfbeeld)
    Hou hulle blind en
    Maak of dit ander se fout is (hulle kies hierdie opsie).

  • sussie se vissie

    Om te leen van iemand anders :-
    ‘Die brommer se gevreet herinner aan n familie-Bybel. Sien ek hom….wil ek hom net die heeltyd OOPSLAAN’.

  • Die groot vraag wat ek myself deesdae vra is of mense wat doelbewus enige
    onsin glo wat kerkleiers en politici aan hulle opdis, sonder om die geldigheid
    daarvan behoorlik te ondersoek, regtig so onskuldig is soos wat hulle dikwels
    voorgee. Baie van hulle is geneig om altyd ander mense te blameer vir die
    wantoestande, in plaas daarvan om die eintlike skuldige in die spieël raak te
    sien. Daar is selfs van hulle wat reken dat húlle god al die gemors sal regmaak
    wat deur mense veroorsaak is, indien hulle hard genoeg (en as deel van
    reuse-saamtrekke!) vir hierdie god sal bid. Dis mos makliker om al die skuld te
    pak op “die Swartmense”, “die Jode” en/of FW en sy “brommer” trawante, as om te
    vra wie nou eintlik al die jare die misleiers in die politieke en die kerke so
    ywerig (voor 1994 en daarna) ondersteun het. Hou asb. ook in gedagte dat dit juis
    (die oorgrote meerderheid?) blankes is met hierdie spesifieke lewenshouding, wat
    nog steeds die misleiers in die kerke, politieke partye en kultuurorganisasies ywerig
    ondersteun, wat die grootste struikelblok is in die weg na die verwesenliking
    van die volkstaatideaal…

  • Krisjan Lemmer

    Hierdie manne wat agter-,onder-,voor-en bo die skerms gewerk het moet net nie voortydig die hede met die ewige verwissel nie. Dis seker nie mooi om oumense te hang nie maar hulle het darem mooi gevra