Gustav Venter: Trump en die dood van ʼn dinosourus

Gustav Venter

Donald Trump gaan ʼn muur bou, en dit is ʼn goeie ding, maar sy werklike nalatenskap gaan nie wees wat hy gebou het nie, maar wat hy gebreek het. Hy het die Republikeinse Party geknak, die Demokratiese Party uitgewis, die loopbane van Jeb Bush, Mario Rubio en Ted Cruz óf erg belemmer, óf beëindig, en die Clintons… wel, húlle het hy sommer gekrok. Verreikender nog, meer ingrypend en skokkend, is die dinge wat ander mense gebreek het om hom aan bewind te kry: Die sogenaamde hoofstroommedia.

Vir ʼn anderhalfeeu het die media in die VSA – eers koerante, toe koerante en radio, toe koerante en radio en televisie – as’t ware oor alles geheers wat hulle oë gesien het, veral op politieke gebied. Hulle het presidente geskep en presidente soos Nixon vernietig. Hulle het regeringsbeleid in só ʼn mate bepaal dat die twee hoofpartye in Amerika, die Demokrate en die Republikeine, naderhand eintlik ononderskeibaar was.

Die media het die inligtingstroom na die algemene bevolking ontwerp, geskep en gereguleer. Húlle het besluit wat die gewone Amerikaanse japie mag lees, hoor en sien. Die enigste inligting wat die bevolking bereik het, is verpak en aangebied deur die hoofstroommedia. Hulle het dit bloot onwaar gemaak dat elke storie twee kante het. In Amerika het elke storie naderhand net een kant gehad – en die media het besluit wat dit is.

Met die aanbreek van die verkiesingskringloop verlede jaar was die media heel vervelig en amper verveeld seker van hulle vermoë om die presidentsaanwysing te dirigeer. Hulle het steeds die geld, die prestige, die reputasie, die maatskaplike gewig en die kanale gehad… soos altyd. Hulle sou as’t ware van bowe neerdaal in ink en luggolf en pieksel en vir die begenadigde gepeupel die waarheid aanbied. En wat is die waarheid? Die waarheid is wat die media besluit ons mag weet.

En toe loop die arrogante, selfaangeprese media hulle rieme styf. Ewe skielik, sien, het hulle nie meer al die versendingsroetes beheer nie. Die ontwikkeling van die persoonlike rekenaar het vir ons die internet gegee; meer in besonder wat al die Internet v.2 genoem is – sosiale media. Facebook, Youtube en veral Twitter. ʼn Los, bestuursvrye federasie van privaatnuusversamelaars het ʼn hele skadumediabedryf geskep. Internetbedrewe, skeppend, dinamies, nuuskierig, pittig… En aggressief.

Die hoofstroommedia het hierdie kwetterkoor eers geïgnoreer, toe probeer wegpraat, toe ontken en uiteindelik vergeefs probeer meeding. Ek het ʼn helder gedagtebeeld van ʼn witkruisarend in die lug bo die plaas, waar hy geteister en soort van gebombardeer is deur ʼn halfdosyn rooivlerkspreeus. Hoe die groot, manjifieke roofvoël ook al gekrul en in vlug gewriemel en geswiep het, hy was magteloos teen die dartelende, duikende terggeeste, en uiteindelik het hy maar bedremmeld weggefladder. Dit is ʼn prentjie van die oneweredige stryd tussen die hoofstroommedia en die “nuwe media” soos wat die Twitter-Facebook-Youtube-rampokkerbende gedoop is.

Die hoofstroommedia met, aan die spits, die New York Times en Washington Post en Wall Street Journal en met ABC, NBC en CBS in die voorhoede, selfs met hulle eie Nuwe Media soos Politico en Huffington Post in hulle falankse, was net te lomp, te beperk, te beteuel, te voorspelbaar en het vinnig uitgesak teen Breitbart, ʼn groterige, groeiende, konserwatiewe nuusdaarsteller, maar ook teen Paul Joseph Watson, Mike Cernovich, Paul Kersey, Stefan Molyneux en Ricky Vaughn, almal privaatenkelinge wat weet hoe werk ʼn skootrekenaar, ʼn videokamera en ʼn selfoon.

Hierdie mense het vanuit hulle studeerkamers die meganuuskorporasies voor hulle tuisskare geklop deur nuus vinniger en meer akkuraat te rapporteer. Kort Youtube-beriggies is blitsvinnig na enige gebeurtenis verfilm, geredigeer en versprei. Elke Trump-gebaar is toegejubel en elke Hillary-uitspraak uitgekryt. Video’s, potgooie, twiets en Facebook-plasings is as’t ware hand-tot-hand aangegee van selfoon na tablet na rekenaar na selfoon… Duisende, honderdeduisende, miljoene hertwiets, Facebook-aangeë en Youtube-delings het mense in die kleinste skeurtjie of gleufie van die Amerikaanse samelewing bereik en ʼn deurslaggewende aantal van hulle oorgeswaai na die kamp van die man met die oranje kuif.

Die ou, afgestompte media het lomp reageer. Eers het hulle oudergewoonte net grepies van die waarheid vrygestel, toe die waarheid probeer ignoreer en uiteindelik het hulle prontuit gelieg. Nog nooit in die vrye Weste het die media so pens en pootjies in die bed gespring met ʼn presidentskandidaat nie. Chris Cuomo van CNN – Clinton News Network soos die alt-regse media hulle gedoop het – het in ʼn onbewaakte oomblik erken dat die media hulle dekselse uiterste bes vir Hillary doen. ʼn Skrywer het sy verbystering in die New York Times uitgespreek dat hulle onbeskroomde kantkiesery nie hond haaraf maak nie.

Want dit het nie. Die alt-regse “nuwe media” het die ou dinosourusmedia gereeld voorgespring met stories en, veel belangriker, hulle was merendeels reg wanneer die ou media eenvoudig verkeerd was. Die nuwe media het nuus blitsvinnig verwerk en in verteerbare klankgrepe en meme omskep. Toe Clinton helfte van Trump se volgelinge as in “ʼn mandjie van afstootlikes” beskryf het, het die nuwe media gesorg dat sy dit onmiddellik, onophoudelik en eindeloos berou. Intussen het hulle vir Trump opgehemel in oordrewe, meestal komiese tuisgemaakte video’s en foto’s waarin hy gevier is as superheld of Koning Leonidas van Sparta.

Die ou media het selfvoldaan en selfskouerkloppend die hand gestrek na hulle gunsteling- diagnostiese implement – meningspeilings – en reg voor die verkiesing nog voorspel dat Clinton “ʼn 98% kans” (in die Huffington Post se woorde) het om die verkiesing te wen.

Ter plaatse het Naspers se koerante en selfs die parmantige Daily Maverick en omtrent al die ander koerante dié versekerde sommetjie herhaal. Clinton sou wen en dit is dit. In Amerika het een tydskrif sover gegaan om 150,000 voorblaaie te druk wat Hillary aandui as “Madam President,” so seker was hulle dat sy sou wen.

Sy het nie en die hoofstroommedia was verslae, verbyster, verpletter en verward. Dit kon nie gebeur het nie! Niemand kon dit sien kom nie! Strooi! Vir dié wat die nuwe media, die alt-regse inligtingstroom, gevolg het, was Trump se oorwinning nie net nie ʼn skok nie, maar heeltemal te verwagte.

Hierdie afgelope week het die een koerant na die ander met die eienaardigste oënskynlike kloekmoedigheid openbare bestekopname gedoen oor hoe hulle die tekens verkeerd gelees het. Natuurlik het Netwerk 24 se redakteurtjies dit nagepraat. Net die liberale media kan ʼn prestasie uit ʼn mislukking skep.

Die nuwe media, die alt-regse vleuel, het hierdie oorlog gewen. Die hoofstroommedia se rug is geknak. Hulle word deur massas mense wantrou. 63% van Amerika se bevolking gebruik Facebook as hulle hoofbron van inligting en Facebook word deur die alt-regses oorheers. Minder as 25% lees nog koerante.

Ons, in ons uithoekie van die alt-regse rewolusie, wonder tans onder mekaar hoe ons hierdie metodes en aanslag hier kan aanwend. Omstandighede is nie dieselfde nie. Die alt-regses het duidelike vyande en teikens gehad: Die Obama-regering en die Clintons. Hier het ons nie die luukse van so ʼn vyand nie. Almal verag die ANC en hulle president; in elk geval almal met wie ons wil praat.

Maar ons het wel een vyand wat ons kan en moet aanval, genadeloos en onophoudelik, en hierdie vyand is… ons eie nasionale hoofstroommedia.

Daar is ʼn tyd vir alles. Dit is nou die tyd van ons verskroeide aarde waarmee ons net die bouvalle van ons uitgediende outydse media agterlaat.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • G

    Hoor hoor!

  • asa

    Ek bly wonder hoekom Netwerk24 die pot so kon mis sit. As hoofstroom media moes hulle mos weet dat die media lankal nie meer ‘n bron van inligting is nie, maar van indoktronasie – hulle het hule eie evangelie wat hulle propageer. Hoe het dit nie tot hulle deurgedring dat die VSA media ook net evangeliseer en dat wat hulle propageer nie werklik geloofwaardig is nie. Waarom die skok en verbasing?

    ‘n Verdere gedagte wat by my opkom – veral na die staatskapings verslag – is dat die westerse politiek nie so baie verskil van Afrika politiek nie – hulle is ook al lankal deur hulle eie Zupta’s gekaap – die multinasionale maatskappye en media huise wat deur ‘n handvol ryk elites beheer word.

  • Suidpunt

    “Daar is ʼn tyd vir alles. Dit is nou die tyd van ons verskroeide aarde
    waarmee ons net die bouvalle van ons uitgediende outydse media
    agterlaat.”

    Eh-ehhmmm… Ek wonder of ons enigsins ‘n vinger hoef te lig. Dis soos ‘n skaakspel waar die media teen homself speel. ‘n Bottelbrief vol gif wat in die branders gegooi word – tref dit iemand, dan tref dit iemand. Maar wat as jy besluit jy wil dit nie oopmaak nie? Ek eggo net gou myself weer:

    1. Naspers blok homself in elk geval van Jan Alleman, so op die Afrikaanse publiek is sy impak maar beperk tot enkele plasinkies op Facebook en KykNET se laataandverslag. En diegene wat 30 dae gratis vra, of aanhou betaal, betaal, betaal. Ek het jou raad gevolg en die TV afgeskakel, maar my ouers bly kyk. Ook na CNN. Daarom stop ek oorfone tot in my harsings en blaas my kop weg van YouTube-beeldmateriaal. Hul impak op my: 0. My direkte impak op hulle: 0 (maar dis steeds beter as om hartpille te by die apteek te kry elke keer wanneer Aanbieder X, Y en Z begin praat); of indirekte impak +1 (as mens jou doof hou vir sulke mannewales is dit net een dissipel minder). Sover ek weet hou geld die meeste firmas aan die rol – maar helaas gaan hierdie lot nie ophou blêblêblê nie, al is daar net een siel in die heelal oor wat daarna kyk en luister. En verder is die grootste propagandiste vir Netwerk24 juis die professore op sekere taalkommissies wat artikels “deel” en ewe sadisties en uit die hoogte voorskryf Afrikaans kan slegs groei as mens geld pomp (wanneer mense begin kla hulle kan nie die artikels lees nie). Uhm… nee. Die internet is soos ‘n sandput waar almal jou sandkasteel kan kom bewonder en op verbeter. Totsiens Taalkommissie, totsiens Afrikaans.com… totsiens Afrikaanse taalrade… Ich brauche dich nicht mehr…

    2. Kerneels Breytenbach het verlede jaar al die dood van TV in Suid-Afrika voorspel. Want my liewe mens: waarom wil jy gevoer word met inligting, waarom moet daar vir jou besluit word wat jy wil hê? Dankie Internet, ek bepaal self of ek musiek in Persies wil luister en eksotiese skoonhede kan waardeer. REPLAY. REPLAY. REPLAY. REPLAY.

    3. Wie de hel koop nog koerante en tydskrifte? Daarvoor is jou dorpsbiblioteek mos daar (as jy dan nou regtig moet!). Spaar geld mense… spaar geld. Koop slegs boeke wat jy werklik wil hou.

    4. Verder hoef jy jou by elke liewe ding op aarde af te vra: Wat hier vertel en gepraat word – is dit aannames, ad hominem-aanvalle, veralgemenings, oordrywings, drogredenasies (fallacies), ‘n beroep op emosie (kry ons jammer)? Indien ja, op enigeen hiervan – lag jou gat af en stap aan. Laat hulle die boodskap kry: ons redeneer slegs met rasionele wesens. Tyd is kosbaar, moenie dit mors nie.

    5. Ondersteun die mense wie die media in hul visier het (doelbewus dubbelsinnig geskryf).

    6. Haal asem en gaan Google ‘n vrolike prentjie wat jy op jou werkblad (desktop) kan plaas. Of gaan plant nog een piesangboom.

    • Vicky

      Suidpunt, jou kommentare hier op praag is lank. Wil jy nie n daaglikse artikel vir praag stuur ipv n kommentaar nie?

      • Suidpunt

        Wat ‘n uitmuntende voorstel (een weeklikse rubriek)! As ek werklik op stoom raak, gaan ek ‘n gratis boekie in .pdf saamstel! Kyk, Praag staan mos vir Pro-Afrikaanse Aksie Groep. Dit strek wyd: onderrigtaal, vernuwing in die letterkunde, vernuwing in die skryf van woordeboeke, vernuwing in… Ek is net bang PRAAG word weer aangekla van “reaksionêre gedrag”. Daar word mos gesê die meerderheid hier is net ou omies. Raai wat – dit is ‘n intellektuele blad hierdie. En ek is in my 20’s: vir wie is hulle die bangste? Ek wil nie hê PRAAG moet soos DEKAT word wat huil en nostalgies raak oor vergane sake, verroeste treinspore en kitsch smaak en verrotte kuns (en stééds die spot dryf met Eugene Terreblanche) nie. Of net politiek praat nie. Asseblief nie, dan bly ons net by retoriek. Ons kort weer ‘n Sestigerbeweging: soos Jan Rabie wat uitgaan en die wêreld verken, nie soos die Tagtigers en Negentigers wat hul verafrikaniseer het en hul van die buitewêreld onttrek het nie. Dit laat my so dink aan sekere buitelandse kettingwinkels wat so hard “probeer inpas” by Suid-Afrika. Die altregses het hul Beeldstorm-gedrag, en dit is reg so. Dit is aktief. Pro-aktief. Maar daar moet iets wees wat die ou kuns vervang, anders vergader die lot net weer rondom die ruïnes. Nee, ons het mos woema. Skep vir elkeen en iemand iets wat hy sommer agter die rekenaar kan doen. Al probleem is: ek verander van siening soos ek nuwe inligting bekom: wat ek sê kan moontlik oor vyf jaar verouderd wees.

        • Hans Onrust

          zou dat in uw laatste zin, Suidpunt, de reden zijn dat veel oude wijze mensen nogal stil kunnen zijn ?
          Met het risico dat zij dan direct massaal het etiket ‘alzheimer’ krijgen opgeplakt en worden afgevoerd, in tijden dat ‘vergrijzing’ in menig WE land als grootste probleem MOET gelden ?

        • Vicky

          Aanpasbaarheid is belangrik, meerderheid blankes het vir dekades Sionisme ondersteun. Daai dae is verby.

          • Hans Onrust

            die quasi christelijk tv dominee Joel Osteen gaat nog vrolijk door

          • Vicky

            The Gods of the Ancient World will stop him. Praise Kek.

          • Hans Onrust

            denkt u aan Donner en Wodan en Freya etc ?

      • More Vicky,
        ek “hoor” wat jy sê vir Suidpunt, maar dan moet almal wat sulke lang kommentare lewer die versoek nakom.
        Moet my nie verkeerd verstaan nie, ek vat jou nie aan oor jou mening nie, inteendeel ek steun dit. dit is egter baie lekker om mede Pragers se kommentare so te lees, ek sukkel net bietjie soms met Hans Onrust s’n. (:-))

  • Hans Onrust

    Breitbart wil zich ook in Frankrijk en Duitsland gaan vestigen :
    http://money.cnn.com/2016/11/09/media/breitbart-expansion/

    • Vicky

      Those Breitbarts will have to be watered down to comply with EU regulations. We need an SA Breitbart, based in USA.

      • Götterdammerung

        Hou die spasie dop

        • Vicky

          My brief aan Steve is amper klaar. Lig hom in op Tw om dit te publiseer.

      • Hans Onrust

        PRAAG is on the right track

  • skobbejak

    Jong ek hou van die trump kerel – lyk my hy gaan dinge doen daar in die VSA.

  • Vicky

    Ek is bly jy het Ricky Vaughn se naam daar ingeglip. Ons moet een naampie he wat anti-Sionisties is.

    • Götterdammerung

      Hy is so waar as dinges weer gisteraand geshoah. Het binne minute ‘n nuwe rekening geopen en het klaar weer 3 500+ volgelinge

      • Vicky

        Weet jy hoekom soek Malema die land? Sodat hy dit aan Kirsch en Renwick kan oorhandig. Swartes sal nooit ooit daai land sien nie. Greater Israel projek. Ek dink AfriForum speel saam. Megaboere is die plan. Centralised food production.

        • Hans Onrust

          eerst een Holodomor en dan kolchozen/sovchozen ?

          • Vicky

            English please

          • Vicky

            Yes.

  • Ou Transvaal

    Die kenners wat gereeld opgekommandeer word om ons te breinspoel word met reelmaat verkeerd bewys ; dit is die mense wat ons kinders op universeteit oplei ….gevolgtrekking ons kinders word in teoriee van leuenaars opgelei , is dit dan werklik onderrig wat relifant is ???
    Die ondersteuners van lieg media is ons ou mense wat slaafs na die Pravdanuus kanale luister en dan die leuens napraat en dan kla dat hulle kinders nie na hulle luister nie , media wen dan steeds al is dit net om te verdeel.

    • Hans Onrust

      In die kol.

      In Nederland zijn nou wat media bestuurders/uitvoerders uit de publieke omroep/bestel op het linkse volksvijandige toneel gesprongen, Ou. Om voor de show hun goede wil te tonen.
      Volstrekt ongeloofwaardig. Men begrijpt kennelijk zelf niet hoe verrot de hele branche is.
      Die zelfkritiek is nl .ook weer deel van arrogantie en verachting en ‘de slager die z’n eigen vlees keurt’.