Afrikaanse gebiede vaar sleg op lys van SA miljoenêrs

Hoewel Afrikaners vir die grootste deel van die twintigste eeu die land regeer het, besit hulle weinig van die land se rykdom. Dié afleiding kan gemaak word uit die jongste rykdomverslag oor Suid-Afrikaanse stede wat deur die maatskappy New World Wealth vrygestel is.

By verre die rykste stad in die land – waar weinig Afrikaners woon – is Johannesburg. Dié stad beskik oor $243 miljard se rykdom. Daar woon 17 600 dollarmiljoenêrs en twee dollarmiljardêrs in die Goudstad.

Kaapstad met sy geurtjie van Britse kolonialisme, is die Suid-Afrikaanse stad met die tweede meeste rykdom ter waarde van $130 miljard. Daar woon 7 400 dollarmiljoenêrs en 2 dollarmiljardêrs in die skadu van Tafelberg.

Nog ‘n Engelse koloniale stad, Durban, beskik oor die derde meeste rykdom, ter waarde van $45 miljard. In dié subtropiese kusstad woon daar 2 700 dollarmiljoenêrs en een dollarmiljardêr.

Pretoria, die stad in die land waar die meeste Afrikaners – en blankes – woon, is vierde op die lys met ‘n totale rykdom van $42 miljard. Daar woon 2 600 dollarmiljoenêrs in die Jakarandastad, dog geen miljardêr nie.

Twee gebiede wat egter deur New World Wealth as “ontluikende setels van rykdom” uitgelig word, en waar Afrikaners nietemin sterk verteenwoordig is, is: Paarl-Stellenbosch-Franschhoek en die Tuinroete. In Paarl-Stellenbosch-Fransschoek is $40 miljard se rykdom gekonsentreer en woon daar 2 500 dollarmiljoenêrs, byna soveel soos in Pretoria.

Op die Tuinroete wat omskryf word as “van Mosselbaai tot die Stormsrivier” met dorpe soos George, Knysna, Plettenbergbaai
en Wildernis is daar $38 miljard se rykdom, met vele afgetrede miljoenêrs wat oor die see uitkyk.

Daar woon net soveel dollarmiljoenêrs op die Tuinroete as in Paarl-Stellenbosch-Franschhoek, te wete 2 500.

‘n Gebied wat nie op die verslag verskyn nie, is die Oos-Rand wat ook oor ‘n aansienlike ekonomiese uitset beskik, maar wat moontlik by Johannesburg ingereken is.

Die stad met die meeste rykdom ter wêreld is Londen, wat ‘n kortkop voor New York verkeer. Die Britse hoofstad huisves $2,7 triljoen se rykdom, met 357 000 dollarmiljoenêrs en 62 dollarmiljardêrs wat daar woonagtig is. Maar die groot stede van China en Indië is besig om opgang te maak en gaan waarskynlik binnekort die Britse en Amerikaanse finansiële hoofstede onttroon.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Dankie vir ‘n waardevolle en insiggewende artikel. Ek is dit persoonlik eens dat die Afrikaner eintlik tekortskiet aan besigheidsvernuf en materieele rykdom. Daar is skynbaar dikwels ander norme soos boerdery, “soldaatjies wees” en kerk-toe gaan in die Afrikaner se sin vir waardes. Maar, nou dat die politieke mat brutaal onder ons uitgeruk is as deel van die volksmoord motief, moet ons inderdaad en nou inderhaas sosio-ekonomies self begin pa-staan, meen ek. Die blanke Afrikaner sal moet leer om rykdom te skep, te behartig en te behou, – hetsy d.m.v. spesialis nywerhede, dienste of unieke vaardighede. Met die strewe vir selfbestuur en selfbeskikking nou redelik duidelik sigbaar en bitter nodig, moet daar met oordeelkundigheid en nuwe besigheidsvaardighede hand uit die mou gesteek word. Dit beteken na mening nie dat die blanke Afrikaner hulself in die multi-kulturele massas van die Mammon-begeesterdes en hulle afvallige stede hoef te waag nie.

    • Vicky Moriarty

      Hi. Goeie punte. Ek sal eerder dat Afrikaner kinders fokus op Tegnologie. As AI vinnig ontwikkel oor die volgende twee dekades, gaan plase waarskynlik nie eers meer nodig wees nie. Agv die ANC onderdrukking is ons kinders baie ver agter met programmering ens. Al die aardskapitalistiese beroepe gaan begin verdwyn soos AI ontwikkel en soos die wereld se finansiele systeme begin ineenstort.

      • Ek deel die mening dat daar volgens die Skrif en profesie ‘n ineenstorting van sisteme (sal) plaasvind, beide in die handel en in die kerke. Maar ek is dikwels bommerd dat die basiese boublokke vir menslike oorlewing en wlesyn, naamlik die grond, die goeie saad vir landbou en verhoudings met ons medemense (eerstens ons eie, dan die Saksers, Germane e.d.m.) en met die Lewende God ge-ignoreer word. Ook nie al ons huidige geslag blanke Afrikaners het meet toegang tot die moderne samelewing en hipper-moderne tegnologie (wat amper tans onlosmaaklik aan die wankelende en onvolhoubare “sisteme” gekoppel is) nie. Daarom, as ‘n oorlewingsmeganisme en deel van die huidige alternatiewe Afrikaner sosio-ekonomiese model, beveel ek landbou en klein-nywerheidskommunes met internasionale vennote aan sodat ons nou vanuit die brede weg na die smal weg kan begin oorbeweeg, met die regte merkteken in ons handel en wandel en die voorsienning volgens ons diepe “Voortrekker” versugting (mits ons ore natuurlik oop is!?). Natuurlik moet selektiewe skakeling met ekonomiese sisteme, waar wenslik en dienlik, gehandhaaf word. Maar, ongelukkig bemerk ek nog nie hierdie Volksrelevante, teenswoordige en krities-toekomsgerigde sosio-ekonomiese en handelsvennote perspektiewe by ons “eie” Kamers van Koophandel nie.

        • Vicky Moriarty

          Beplan jy om daai kleinhoewe met gewere te verdedig? Dis wat ek bedoel met tegnologie. Drones ens.

          • Jammer oor misverstand, Vicky. Hier anderkant in Kameeldrif Wes is die Filidelfia Ark projek. Goed-bestuurde voorbeeld met sowat 400 mense. Het manne wie diens doen vir sekuriteit soos enige gesonde huishouding of plaas in SA. Beter reaksie daar saam met GPF en ander rugsteun as ‘n losstaande huishouding in SA.

          • Vicky Moriarty

            Ek Stem !

  • Joseph

    Die miljardêrs (Oppenheimers en Ruperts) was ook altyd anti-Afrikaans en anti-apartheid gewees.
    Die rede hoekom is natuurlik “follow the money”.
    Afrikaners is nasionalisties en het ‘n stelsel ingevoer wat rykdom gelykmatig versprei het onder al die inwoners, wat natuurlik ten koste gaan van die rykes.
    Met die oer-korrupte ANC en Zuma, die lakei van die Gupta’s is die rykes besig om SA heeltemaal te stroop.
    Pretoria mag dalk nie die miljardêrs soos JHB hê nie, maar ek dink vanwee sy Afrikaanse karakter dat die algemene welvaart vir almal daar hoër is.
    Is daar enige statistieke (Gini koëffisiënt?) hieroor bekend?

  • Vicky Moriarty

    “Rykdom” is ‘n relatiewe konsep. Baie van die Jode se rykdom le in aandele, rente, krediet en so aan. Vir my was rykdom in die vorm van die homogeniese lande van 50+ jaar gelede baie beter af as vandag se aardskapitalistiese slagvelde.

  • Fork

    Die ryk wit Afrikaners het klaar die land verlaat