Tradisionele Engelse wêreld is besig om uitmekaar te val

Natuurlik bestaan daar steeds diepgaande historiese en kulturele bande tussen Brittanje en Amerika, maar die huidige wêreldklimaat en opkoms van China veroorsaak dat die twee eertydse bondgenote se beskouings ingrypend verander het.

Dikwels kla Suid-Afrikaners oor Suid-Afrika se vriendelike beleid teenoor China, maar sien nie raak dat dit direk verband hou met Brittanje se toenemende vriendskap met China nie.

Dié Sino-Britse toenadering, soos die pas afgelope toer van die Britse koningshuiserfgename aantoon, is trouens iets waaroor Amerikaanse amptenare dikwels kla, en tans selfs stappe neem om te probeer kortwiek.

Enigiemand wat twyfel dat ‘n hele aantal vooraanstaande lede van die huidige Amerikaanse buitelandse beleid nie hul insigte aan Oxford te danke het nie, moet blind wees.

Susan Rice, die nasionale veiligheidsadviseur, Obama se Bill Burns, wat Hillary Clinton se adjunk by die departement van buitelandse sake was, asook Jake Sullivan, een van haar naaste adviseurs, is almal Oxford-alumni.

Hierdie soort skakeling gee Brittanje maklike toegang in Washington, maar in die toekoms, gaan hierdie elite se Brits-opvoedkundige doppies geklink wees.

Stephen Schwarzman, ‘n Amerikaanse finansier, het pas ‘n groot beursskema, wat deur die Rhodesbeurse aan Oxford geïnspireer is, vir skrander Amerikaners en ander oopgestel om aan die Chinese universiteit in Beijing te studeer.

Die nie-onredelike aanname van Schwarzman is dat dit in die toekoms belangriker vir Amerikaanse aspirantleiers gaan wees om China te verstaan.

Die opkoms van Asië sal ook die aard van Kanada en Australië, twee ander belangrike lede van die historiese Anglosfeer, onherroeplik verander.

Australië doen, waarde-gewys, 10 keer soveel handelstransaksies met China en Japan as met Brittanje.

Die bevolking van Toronto, Kanada se grootste stad, bestaan nou uit sowat 35 persent etniese Asiate, en die syfer is meer as 40 persent vir Vancouver wat aan die kus van die Stille Oseaan geleë is.

Dit is Britte wat nostalgies voel oor die Engelse wêreld en meen dat hulle nog voordeel kan trek uit die kulturele krag van die VSA en nie die werklikheid wil raaksien nie: Die tradisionele Engelse wêreld is besig om uitmekaar te val.

Die Koningshuis en Obama hoop dat Brussel Engels as die gemeenskaplike taal van alle EU-instellings sal omarm om die gemis aan ‘n Empaaier draagliker te maak.

Obama het juis weer sy besoek aan Duitsland gebruik om uit te vaar teen “nasionaliste”. In wese beteken dit dat hy van Europeërs vra om van hul tale en identiteite ontslae te raak sodat hulle Engelse kan word. Dalk Engelse Chinese?

Die koningin van Engeland het so pas haar negentigste verjaarsdag gevier en die kanse dat sy nog negentig jaar lank Engels oral gaan adverteer, is skraal. Haar seun en opvolger Charles is te ongewild daarvoor.

Hopelik sien Frankryk en Duitsland egter gou genoeg die gaping om van hul Angel-Saksiese besetters ontslae te raak.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Rifrug

    “Die bevolking van Toronto, Kanade se grootste stad …” moet seker wees ‘Kanada’.

    • Riempies

      Hoekom vra jy? Is jy ook nie seker van jou spelling nie?

      • Rifrug

        Sien jy ‘n vraagteken? Dit was NIE ‘n vraag NIE. Dit was ‘n stelling.

        Regtig jammer jou taalbegrip is so beperk!

        Ek sien dit is intussen herstel … Dankie Praag!

        • Riempies

          “Die bevolking van Toronto, Kanade se grootste stad …” moet seker wees ‘Kanada’.”
          Dit maak dit eintlik nog n bietjie erger dat jy nie die leesteken geplaas
          het nie.
          Anders is jou sinkonstruksie verwarrend.

          • Rifrug

            “sinkonstruksie verwarrend” – Praag het verstaan en die fout reggestel – jammer jy verstaan nie!

          • Riempies

            Ek is bly dat jy sê dat Praag verstaan het en dit reggestel
            het – is dit nie maar n klein foutjie wat mense maak as hulle haastig is nie?
            Oor die algemeen verstaan mede kommentators ook wat daar bedoel was en beweeg aan na die volgende kommentaar.

            Die punt is juis dat jy nie verstaan wat ek sê nie – daarom jou
            regverdiging. Die woord “seker” kon bv. net so wel met moontlik vervang gewees het.

          • Rifrug

            “klein foutjie wat mense maak as hulle haastig is nie?”

            Jes 28:16 leer ons: Hy wat glo – sal nie haastig wees nie!

          • TotusTuus

            Haai julle twee, hou nou op om soos kat en hond te baklei1

  • Ou Transvaal

    Kyk mooi hoe Engeland binnekort Amerika in die rug gaan steek tot so n mate dat Amerika ‘n beleid van isolasie gaan volg .