Die Kapoenskoenprys: PRAAG kondig nuwe maandelikse prys aan

Jare gelede was daar in Suid-Afrika ‘n mode vir grys skoene. Dit het by joernaliste vasgehaak en vandag nog beskuldig hulle hul teenstanders links en regs van onaanskoulike skoeisel. Maar intussen het die koms van die sogenaamde reënboognasie daarvoor gesorg dat Suid-Afrika nou met afskuwelike skoene in al die kleure van die spreekwoordelike reënboog kan spog. Trouens, daar is min lande op aarde waar ‘n mens daagliks soveel afskuwelike skoene kan gadeslaan. Onder heerskappy van die Suid-Afrikaanse Kommunisteparty en sy handperd, die ANC, oortref Suid-Afrika die legendariese gebrek aan skoenesmaak van hul heimat, die voormalige Sowjetunie!

Vandaar die nuwe maandelikse prys wat deur PRAAG uitgeloof word: die Kapoenskoenprys. Indien u nie weet watter kleur “kapoen” is nie, vra ‘n bietjie rond. Enigeen in u omgewing met ‘n kuns- of ontwerpopleiding – gebiede waar kwotas blykbaar nog nie geld nie – sal u kan sê. Die kleur is ‘n versnit, so in die spektrum van bruin en oranje, die ou Broederbond se gunstelingskakerings.

Daar is net een beoordelaar vir die prys: ons satiriese rubriekskrywer Skoppensboer. Hy ontvang graag inskrywings by die volgende e-pos: skoppensboer[by]praag.org. Alle foto’s van openbare persoonlikhede of selfs lede van die publiek wat die Kapoenskoenprys verdien, is welkom.

Om mee af te skop, loof ons vandeesmaand se Kapoenskoenprys aan die anglofiele sanger, Arno Carstens, van ‘n sanggroep genaamd Springbok Nude Girls, uit. Arme Springbok. Arme kaal meisies. Maar die man beskik oor ‘n paar kapoenskoene wat sy hele musikale œuvre oortref (foto hier bo).

Skoppensboer se commendatio

Ja, die genre van die skoen is duister. Is dit ‘n tekkie? Is dit ‘n hardloop- of bergklimskoen? Kleurgewys sluit dit volmaak by die kapoentema aan. Enigeen kan seker so ‘n lelike paar skoene gaan koop, maar dit verg ‘n ware kapoenkunstenaar om so ‘n paar trappers by ‘n modieuse broek en baadjie aan te trek. Hy wil vir ons sê: Hierdie skoene is my semiformele drag en as dít julle nie genoeg laat skrik nie, wag totdat ek regtig loslit raak, dan skiet julle almal katte by julle motorvensters uit! Interessant is ook dat sy hele uitrusting so in die rigting van ‘n kapoenkleur neig, so half seun-van-die-Broederbond-ontmoet-Joe-Slovo, wat dalk insgelyks iets oor sy politieke korrektheid en anglofilie wil sê.

Daarom ken ek sonder huiwering vandeesmaand, Oktober 2015, die historiese eerste Kapoenskoenprys aan die heer Carstens toe. Indien mnr. Carstens sy adres aan my wil stuur, sal hy ‘n gratis blikkie Nugget wat van suiwer petroliumprodukte gemaak is, in die kleur van sy keuse ontvang wat hy elke dag vir inspirasie kan snuif.

Veels geluk aan Arno Carstens, ons kapoenhaan van die maand!

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • G

    Laat hy maar in Londense Underground gaan bedel vir geld as hy Afrikaans so haat. ‘n Kaapse snob is ‘n lagwekkende ding. ‘n Ploert met sy bruin neus in die lug, die Aanhou Kruipstens.

    • Guest

      What did Arno say about Afrikaans?

      • G

        Hierdie verwaande p0epol dink Afrikaners moet sy Afrikanerhaat befonds. Natuurlik dink Netwerk24 ook dis ‘n goeie plan:

        “Springbok Nude Girls en era ná apartheid bekyk

        Geld nodig om dokkie te voltooi

        Deur Mariana Malan Maandag 19 Oktober 2015 03:20

        Michelle Pretorius en Arno Carstens werk saam aan ’n dokumentêr oor die Springbok Nude Girls. Foto: Denvor de Wee

        Jy kan deel wees van ’n stukkie geskiedenis. Dalk sien jy jouself nog op die skerm of raak dalk ’n spesiale vriend van die Springbok ­Nude Girls.

        ’n Dokumentêr word tans van die groep gemaak en met ’n geldelike bydrae kan die gehoor deel word van die ­proses.

        Michelle Pretorius van Thinking Owl Films, wat ook ’n dokkie gemaak het oor The Parlotones, maak die dokumentêr.

        “Dit speel af teen die agtergrond van ’n spesifieke tyd in Suid-Afrika en hul rol in die sosiale opset in die jare 1994 en 1995 toe Suid-Afrika ’n ­demokratiese land geword het. Dit was toe hulle begin het – in ’n land in die era ná apartheid,” vertel sy.

        “Skielik was daar vir jong mense die kans om kennis te maak met die breër inter­nasionale gemeenskap.”

        Die groep het in Stellenbosch begin waar dinge toe nog redelik konserwatief was. Daar was nog sekere reëls wat nie oortree is nie en ­individualisme nie eintlik aangemoedig is nie.

        “Met die dokkie wil ons probeer wys hoe ons daardie tyd gevoel het,” sê Arno ­Carstens. “Ons wou vry wees van ’n taal wat net ’n sekere groep mense kon verstaan en mee identifiseer. Ons het doelbewus nie in Afrikaans gesing nie.”

        Volgens Pretorius, wat in dié tyd pas in Stellenbosch aangekom het ná ’n jaar in die buiteland, was die Springbok Nude Girls ’n bewys dat Afrikaners ook koel kon wees.

        “Ek het na al hul konserte toe gegaan. Genade! Hulle het my vir die eerste keer trots laat voel dat ek Afrikaans is. Hulle het gewys ons is nie ­almal eng, konserwatiewe mense wat gebreinspoel is nie.

        “Hulle was interessant, kreatief, sexy. Hulle het ­grense oorgesteek. Hulle het ’n mengsel van klassiek, jazz en selfs thrash metal gespeel. Hulle kon internasionaal meeding.”

        Daarom is sy so bly om die dokkie te kan maak.

        “Dis ons storie binne ’n ­sekere tydperk,” sê Carstens. “Ná ons het baie gebeur. So al om die tien jaar is daar ’n wending in die musiek­wêreld.”

        Baie ander musikante wat deel was van hierdie veranderende opset vertel dat die Springbok Nude Girls hulle in ’n baie groot mate beïnvloed en inspireer het.

        Hulle is onder meer Fokofpolisiekar, The Parlotones, aKing en Jon Savage.

        Die projek vra baie navorsing, onderhoude en die nagaan van inligting in argiewe, vertel Pretorius. Hulle het vier jaar gelede al met die projek begin.

        Daar is nou 12 minute saamgestel uit ure en ure se werk. Hulle beoog om dit 90 minute lank te maak.

        “Daar is so baie dinge wat ’n mens al vergeet het,” sê Carstens. “Partykeer kan ek nie help om ‘wow’ te skree as Michelle iets opwindend ­opspoor nie.”

        Hulle vertel dat daar onder meer twee musiekvideo’s in die dokkie is wat nog nooit gesien is nie.

        Dis van die liedjies “Stronger” en “Shot” wat destyds as ’n effens te gewaagd beskou is om te wys. Die hele industrie het verander,” sê Carstens. “Ons gaan saam met die tendens dat iemand geldelik kan help, in hierdie geval om die dokkie klaar gemaak te kry.”

        Hulle kort nog sowat R30 000 om alles klaar te maak en af te rond om die ­dokumentêr in April volgende jaar klaar te hê.

        Diegene wat wil help, kan na ​www.thundafund.com/springboknudegirls gaan.”

        http://www.netwerk24.com/vermaak/musiek/2015-10-19-springbok-nude-girls-en-era-n-apartheid-bekyk

        • Rooikop

          Net nog ‘n klomp geraasmakers – ek noem dit nie musiek nie.

          • G

            Stem. Hy weet soveel van sing as wat die swart betogers by Wits van leer weet.

  • 11petrus2

    Die Car-se, almal SAP se kinners, van Looiersvlei tot Kleigat in die Swartland……!

  • Rooikop

    Kapoen, Shaki – en nog ‘n paar ander kleure wat te obseen is om in die openbaar te noem.

  • Is die dronkgat se dronkbestuursaak al afgehandel?

  • Die kapoenskoen, is dit nou die spreekwoordelike mistrappers van ouds