saturnusfees

saturnusfees

kom skink nou nog ‘n dop in ons dopperland
waar elkeen met ‘n teleskoop toegerus
die sterre en planete beskou in die wete gesus:
lê die hemelse orde nie voor die hand?

dog op aarde op die romeinse vakansiedag
as elke jan rap die winkels bestorm en fuif
en politici en sakemanne na geld snuif
soos kokaïen vanaf ‘n spieël onder gelag

weet ons wie voortaan gaan regeer
ons slawe bevry van onderdanigheid
wat ons te midde van grimmige vrolikheid
moet bedien, elke swygsame dame en heer

wat bo was is onder asook andersom
eens was hy geleerd ‘n gesiene man
nou eet hy slegs dan en wan
so kom ons om so kom ons om

soos destyds die god van ‘n enkel seisoen
gedurende die res van die jaar
grootliks en genadiglik onsigbaar
wink saturnus se ring op afstand van miljoen

die gasreus se weerkaatsde lig flonker
soos ‘n groot ster ‘n vae herinnering
aan ons vergane beskawing
met rondom ons gesigte woedend donker

soos dié van carthago se hammon-baäl
die grusame god wat nie huiwer
om babakrete in die vlamme te versluier
met musiek as hy sy eersgeborenes kom haal

die afrikasaturnus verstaan ons nou beter
sy behoefte aan menslike offerande
terwyl verbale vernis allerhande
slagspreuke walm wat verstar in die eter

eensklaps het hy jou en my beet
ons asems stol tot dié kreet

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • henkst

    Stof tot nadenke!

  • Stanhope

    U Klink soos ‘n verbitterde ateïs… Wie iemand verwyt – wat u nie glo bestaan nie?

    Is ek verkeerd?

    • Dit gaan oor Saturnus en die Saturnusfees toe die meesters in Rome moes bediende speel vir hul slawe.

      • Stanhope

        Dankie vir u skrywe. Verskoon indien ek na aanleiding van die verse tot daardie slotsom gekom het.

        “soos dié van carthago se hammon-baäl
        die grusame god wat nie huiwer
        om babakrete in die vlamme te versluier
        met musiek as hy sy eersgeborenes kom haal

        die afrikasaturnus verstaan ons nou beter
        sy behoefte aan menslike offerande
        terwyl verbale vernis allerhande
        slagspreuke walm wat verstar in die eter”

      • Stanhope

        NS Ek het ‘n stuk(kie) oor die Baal-hamon (mitologie) gaan lees en ek moet sê dat dit inderdaad ‘n sonderlinge gedig is. (Wat interessant is, is dat daardie mitologie deel – u tot die skrywe geïnspireer het – die mitologies-morele raaklyne versud Afrika s’n… Wat eintlik ‘n verskuilde galge-ironie by die skrywe voeg.)

        Verskoning vir my eerste slotsom – daar is inderdaad heelwat in die gedig wat mens – gebaseer vanuit ‘n geloofsperspektief, totaal in kontras met wat u dalk bedoel het kan vertolk. Helaas – dis die natuur van abstrakte gedigte en poësie.

        U gedig is werklik sonderling – ‘n kompliment.

        • Stanhope

          versus – nie versud nie.

        • Riempies

          Stanhope ek merk jy hou van my skryfstyl – ek dink net jy oordoen dit n bietjie.

          • G

            Stem heelhartig saam

          • Sjert

            Rieme jou woorde sny soos ‘n dolk deur rensige botter.

          • Riempies

            Hier word ek alweer vrywillig verplig om jou te komplimenteer met “Slimseun” en ek keer tog so altyd om nie te veel komplimente te gee nie – Ek wil nie die direkte oorsaak wees dat enige ander mens deur my toedoen in ydelheid verval nie.

          • Sjert

            Geen gevaar vir die ydelheid ding nie Rieme.
            Is my blinde brak met ‘n neus wat so toe soos ‘n klei-os se agterent is van die hooikoors, wat die reuk van onnooslikheid opgetel en aan’t blaf gegaan het, soos wat hy gewoonlik doen, wanneer hy matelose onnooslikheid teë kom.

          • Dolk

            My stilswye dryf brullend die spot… Maar ook jy is te banaal om dit te hoor.

            Waan is een van jou beste eienskappe.

            Ek seën vir jou.

    • G

      Mens kan sien jy weet nie veel van letterkunde af nie en dan is jy seker nog trots daarop ook. Dunning-Kruger effek

      • Stanhope

        Jy het geen idee waarvan jy praat nie. Nugter alleen weet waar “trots” in die prentjie pas.

        Is dit te veel gevra om nie so onbeskof teenoor mense te wees – van wie jy net mooi niks af weet nie?

        • G

          O ekskuus, dit is seker jou voorreg

          • Riempies

            Eina! 😉

  • Betzie van Rensburg

    Hierdie lees mens meer as een maal . Ons kreet , ja , kreet ons nie .