6 September 1966 was ‘n dolk in die Afrikaner se hart

Die ideaal is sterker as die werklikheid
– Dr HF Verwoerd

Die moord deur die geldmagte op dr Verwoerd op 6 September 1966 deur middel van die “mal” Demetrio Tsafendas is in die afgelope 48 jaar slegs deur enkele Afrikanernasionaliste onder die soeklig geplaas. Sogenaamde regse en konserwatiewe leiers het dit, soos die liberale media, afgemaak as die enkeloptrede van ‘n mal man. Van hierdie leiers se optrede was natuurlik berekend omdat hulleself ‘n vername rol in die moord op dr Verwoerd gespeel het.
Die impak van hierdie daad is nog nooit behoorlik verreken deur die Afrikanervolk nie. 6 September 1966 het nie maar net ons volk se grootste leier verwyder nie, maar was ‘n berekende hou om die idealisme van die Afrikanervolk te vernietig. Nou, na bykans vier dekades is min van die idealisme wat dr Verwoerd verteenwoordig het, sigbaar. Berekend is te werk gegaan om elke instelling te infiltreer en ons psige te rysmier sodat ons vandag ‘n ongekende krisis in ons volk se voortbestaan beleef.

gregan_sydneySelfs al sou dit vandag openlik erken word dat:

  1. Dr Verwoerd se moordenaar gebreinspoel was deur ‘n Joodse psigiater in die Brighton Hospitaal in Brittanje;
  2. Hy die opdrag van hierdie Jood gekry het om dr Verwoerd juis op 6 September 1966 te vermoor, ‘n datum met omvangryke betekenis vir die Vrymesselaars;
  3. Dit ‘n mylpaal was vir die geldmagte in die uiteindelike vernietiging van ons volk;
  4. (bogemelde wat in klippe uitgekap kan word), sal die gewone Afrikaner dalk reageer met die opmerking: “So what!”

Ja, so geweldig het die demoniese magte besit en beheer van ons volk se siel gekry dat niemand meer omgee wat die waarheid oor hierdie gebeure is nie. So sterf ‘n volk se idealisme dag vir dag in die aanwesigheid van ‘n waardelose alternatiewe kultuur wat aan hom opgedis word en waarvan hy geen oomblik wil misloop nie. Dat hierdie alternatiewe mismaaksel van ‘n kultuur juis deur hierdie bose magte aan hom opgedring word, het totaal by die Afrikaner verbygegaan. So erg het dit geword dat hierdie vyand nou toegejuig word vir elke nuwe truuk wat hy voortbring en ons dit met bewondering aanskou ten spyte van die feit dat dit ons knegskap herbevestig.

Nou word gesien dat die Christelike godsdiens by Afrikaanse openbare skole opnuut in die spervuur geplaas word. Tog interessant, net Afrikaanse (openbare) skole word geteiken. Dat Christene nou verwoed wal gooi getuig weliswaar van ‘n mate van verset wat nog rugbaar is by ons mense. Maar hierdie aanslag is op 6 September 1966 begin en is die stryd in 1994 verloor toe ons volk agter die verraaier FW de Klerk aangehardloop het en ‘n menseregte akte aanvaar het as hulle reddingsboei in die nuwe Suid-Afrika. Nou word gesien dat ons regte in die werksplek niks meer beteken nie, ons eiendomsreg waardeloos is, ons taal geen gelyke behandeling meer kry nie, ons kultuur lankal tot die ashoop verdoem is. En die akte van menseregte kon niks vir ons heil doen nie. Solidariteit se TV-spoke ten spyt. Hoe op aarde dink mense dat hierdie stukkie waardelose papier wat ‘n grondwet genoem word hulle godsdiens gaan beskerm? Wanneer sal mense verstaan dat die grondwet juis die grootste aanvalswapen teen ons is?

Dit is bemoedigend om te sien dat die vlam van verset nog brandend is. Waaroor mense nou ingelig sal moet word, is dat die aanslag teen ons baie meer omvattend is as wat hulle besef. Dit is nie maar enkelinge wat hier en daar op ‘n ad hoc basis probeer om die Afrikaner te verneder nie. Dit is alles deel van ‘n groter plan om die Afrikaner uit te wis. Eers as dit ingesien word, kan die as van die kole gevee word en sal nasionalisme weer opbloei in hierdie land.

Daar is tog ‘n groter ideaal om voor te lewe in ‘n land as net die eie ek. Daar is tog ‘n volk wat, alhoewel hy baie gebreke het, ‘n reg het op sy eie land, taal, kultuur en geskiedenis. Ons het ons nog nooit groot opgestel in die galery van volke nie, maar was ons uitgangspunt tog altyd: Leef en laat leef. Nou word ons volk se lewe op die spel geplaas. Die oproep is dus: Besin, en besin deeglik. Besin nie net oor regstellende aksie en godsdiens by skole nie, maar besin oor die totale aanslag teen ons volk. Eers dan sal werklik ingesien word watter teenoptrede nodig gaan wees om die aanslag af te slaan.

Dr Verwoerd was dalk die grootste leier wat daar ooit was. Hy was so volkome soos ‘n mens maar hoop om te kan wees. Was daar enige leier wat meer respek vir die swartman en sy behoeftes getoon het? Was daar énige ander leier wat die insig en visie getoon en gehad het wat hy gehad het? Was enige van ons volksleiers dapperder in die aangesig van die vyand?

Ons herontwaking as volk kan net begin by die respek en waardering wat ons betuig vir daardie man der manne wat op 6 September 1966 vir sy volk moes sterf. Daardie respek sal ons volk se selfrespek herstel. Want net ‘n volk met selfrespek kan hom voor sy vyande betuig.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Gas

    Pragtige stuk! Baie dankie Sydney Gregan.

  • Trippie

    Dankie vir hierdie rubriek.

    6 Deser, sal soos elke ander jaar vantevore, en toekomsgerig, deur my herdenk word as :

    -|- Die GROOTSTE leier OOIT.
    -|- My oorlede moeder se geboortedag.

    RSA PATRIOT : Jou bydra word ook afgewag.

    • Andy

      Naand Trippie. Die kommentare is maar min nê.
      Ek en my oorlede vader het soos kinders saam gehuil. Nooit gedink ek sou my pa sien huil nie. Ek sê jou dit vat aan n jong seun se hart.
      So het ek ook geleer dat n man ook mag huil, dit maak hom nie minder manlik nie.
      Terloops Dolk as jy hier sou lees, ek hou van jou nuwe avatar.
      Mooi bly julle.

      • Trippie

        Goeie naand Andy – baie dankie vir hierdie boodskappie van jou. Natuurlik MAG ‘n man huil, anders het hy nie ‘n hart nie (so glo ek). Daar bestaan nie ‘n ding soos “big boys don’t cry).

        Ja, ek merk die kommentare is al vir geruime tyd skaars soos hoendertande.

        Loer asseblief meer in hoor.

        • Dolk

          Ek mis werklik vir Javvies Trippie – weet iemand waarom sy ‘n hoendertande-jassie gekry het?. 🙁

          • Trippie

            Hallo Dolk, dis asof iets verlore geraak het sonder Javvies !

          • Dolk

            Jou woorde maak my regtig hartseer… Dis so waar. 🙁

          • Trippie

            Ek glo dit gaan goed met haar, dis darem ‘n ligpuntjie !

          • Dolk

            :-(((….. (Mooi bedoel.)

          • Andy

            Weet jy iets wat ons nie weet nie?
            Ek bedoel dit goed, want as ons saam moet intree in gebed dan is dit goed so!
            My kleindogter (14jr) het vir haar ouers n geskenk gegee.
            Dit is n houtraam met in die een hoek n hart met “peace” daaroor geskryf, en in die res van die raam,
            “Care deeply,
            Speak kindly”. Jammer vir die engels maar ek weet julle sal verstaan.
            Weet julle ek ken julle nie een persoonlik nie, maar daar is altyd so n hunkering om tog net gou te kyk wat sê julle omtrent sekere goed, en hoe voel julle. Dit wys jou ons bly maar n kudde skepsel, en neig altyd na mekaar toe.
            Dit maak my so seer as iemand sy mede broer n idioot noem.
            Shoe ekskuus.
            Groete vir Javvies as julle sou gesels.
            Rustige nag, Trippie en Dolk en Karel.

          • Dolk

            U skrywe is so waar – bakhand-mooi saam gevat – soos mens fyn skulpies skep… Om iemand ‘n idioot te noem, is idioties – dwaas – raar maar waar. Die Woord verbied ons om dit te waag doen. Seën en vrede aan u ook – baie dankies.

          • Andy

            More Dolk,
            Onthou jy dalk nog so n paar weke gelede het ons twee gepraat oor die aspek om vir jou broer te sê RAKA, JOU DWAAS.
            Jy het nog die verwysing in die Bybel ook gegee.
            Mat. 5 vers 22. Ek het so gehoop baie lesers tel die boodskap op.
            Ons moet so versigtig wees wat ons sê want die woord wat by jou mond uitgaan is soos n tweesnydende swaard, en wat jy gesê het is uit en kan nie gekeer word nie.
            Vandag is vir baie van ons n seer dag maar ek wil dit waag om te sê, ook n trotse dag omrede ons kan sê;
            ONS IS TROTS ,WANT ONS HET ‘N LEIER SOOS DOK. H.F. VERWOERD GEHAD.
            Mag die projek wat SA PATRIOT tans mee besig is weerklank vind by baie, en mag ons jeug bewus raak daardeur van die leun wat vir hulle opgedis word.

          • Dolk

            Goeie middag aan u ook. Dis waar ja. Ons moet (het en sal) ons kinders van kleins af leer dat (W)wysheid en (D)dwaasheid soos twee mense is – wie se raad mens kan volg of verwerp.

            Dat straf ‘n verdiende beloning is – nie ‘n straf nie. Dat die afwesigheid, nog die teenwoordigheid van ander mense, nie mens se morele waardes moet (mag) verander nie – al word mens selfs gedwing om te swyg, hoort mens nie daarom te twyfel nie. Jou beginsels is die padkaart wat jou siel se weë bepaal.

            Wanneer ek na die barbaarse regering kyk, dink ek onwillekeurig: Korrupsie is soos ‘n jolige partytjie waar almal lighartig, sonder môreoggend en vrolik is – maar die nag daarna, wanneer die geklingel van fuif verstil het, wag Moraliteit vir jou soos ‘n fluisterende kopkussing in… Dit geld egter nie vir die deursnee Afrikaan nie – jou natuur bepaal nie jou taal nie – dit bepaal jou handelinge.

            So kan ek aanskryf. Helaas…

            Soos die Woord ons leer – wat eintlik na alles saak maak, is om God bo alles lief te hê, te vrees en te dien – daarin lê en is die ware vrug en Lewe.

            NB Ek moet byvoeg… Om God te vrees beteken om Hom te eer – vir die wie dink dit beteken om bang te wees vir God.

            Wanneer ek aan God se Almag dink, sidder my siel sonder perke.

          • Andy

            Hierdie siening deel ek saam met jou.
            Dit is n voorreg.
            VREDE vir jou.

        • Rooikop

          Ja ek sien self die mense is nie baie spraaksaam nie . Vir een of ander rede filter Disqus my links en regs (iemand moes seker gekla het oor my galbraak oor e-troll op die myBroadband webwerf). Ek moet soms kommentaar 4-5 keer plaas voor dit verskyn. Dalk tyd vir ‘n ander rekening.

      • Karel Combrinck

        Ek dink die kommentare is min, Andy, omdat baie van ons na al die jare nog steeds sprakeloos is van droefheid en magtelose woede oor hierdie veragtelike daad.

        • Andy

          Ek hoor jou Karel en verstaan. Lees gerus ook my kommentaar by Trippie. Rustige nag.

        • Rooikop

          Stem heelhartig saam. Dit was voor ek gebore is maar die skokgolwe wat hierdie deur ons geskiedenis voel is nog lank nie verby nie.
          Ek kan net nie verstaan hoe ons mense so vining reglynig teen die rigting wat Verwoerd aangegee het ingeslaan het nie. Was hulle so ruggraatloos of beginselloos of het dalk van die begin af nie met hom saamgestem nie? Ek weet nie maar die gevolge bly rampspoedig.

        • Dolk

          Op hierdie dag kan ek ook net in hartseer-stilte jou skrywe beaam… Ons gesigte was toe hoendervleis en geweek in smart – toe daardie boodskap oor die radio gebeier was…

          Onwetend van watse ADDERS daar toe tussen ons deur geseil het…

          Hulle sal nie vrykom nie.

      • Dolk

        Ons as huisgesin het ALMAL gehuil en gerou. Dankie aan u Andy – Jip, AL VYF ons kinders was in die Voortrekkers – en is stoer! Raai die laerskool se naam? H.F. Verwoerd laerskool…

        • Andy

          Ek is geensins verras nie. Dit verduidelik vir my mooi waar julle sentiment dan ook lê.
          Patriotisme.
          Vaderlands liefde.
          Dit is lekker om met jou te kommunikeer.
          Rustige nag ou vriend.

    • RSA PATRIOT

      Trippie – wonderlike reaksie. Ja, hy het altyd geglimlag. Dit is hoe mense hom geken het. Self toe Tsafendas hom op sy naam noem, iets wat ‘n bode nie veronderstel was om te doen nie en voorbarig was, het Dok net opgekyk en geglimlag. Hy het sy hand uitgesteek omdat hy gedink het dat Tsafendas gestruikel het. Sy laaste glimlag het verdwyn met die slag van die dolk.

      Sien my reaksie bo.

  • Vrystater

    Dankie Sydney vir hierdie onthou-artikel – bly om te sien jy is nog op die volksakker! Daar kom gereeld nuwe feite na vore insake die komplot om dr. Verwoerd te vermoor. Sy grafskrif is dalk geskryf, maar nie die laaste paragraaf oor sy lewe nie. Jaap Marais se boek “Die Era van Verwoerd” is steeds die meeste volledigste insake die komplot teen dr. Verwoerd, maar die tyd is ryp vir ‘n nuwe boek. ‘n Familielid van my was in die galery ten tye van sy moord, en is ook kort daarna dood aan ‘n hartaanval. Ons ouers was almal diep getref deur dr, Verwoerd se dood.

    • Dolk

      Ai man!!! … :-(((

  • RSA PATRIOT

    Toe ek vannaand Praag oopmaak en die “6de September” artikel sien, toe het ek ‘n warmte in my hart gekry. ‘n Webwerf wat vir Dok onthou vir wie hy werklik was. Teen more sal daar dalk ‘n paar Twiets wees – alles negatief en onkundig natuurlik. Mense wie die naam Hendrik Verwoerd slegs in die konteks van ‘n skewe, verkeerde beeld van Apartheid verstaan wat sy nalatenskap (die bietjie wat oor is) aanlyn probeer afbreek sal ook more hul verskyning maak. Ek dink dit is onsettend onregverdig dat so ‘n man, ‘n groot man, so gedemoniseer word, maar dat ‘n man soos Mandela, wat alle sonde onder die son gepleeg het, alle eer ontvang. Hierdie wonderlike artikel van Sydney raak so ‘n bietjie aan Dok se karakter. Iemand soos ek, wat tyd maak om getuienisse oor hom te lees en navorsing oor sy denke en beleid doen, raak werklik kwaad en onsteld wanneer ek die onkunde raaksien van die gewone mens van 2014 wat die man, Verwoerd, nie in konteks van sy tyd kan sien nie, maar in die konteks van die versindsels wat die ANC geskiedenis noem.

    Die laaste paragraaf van hierdie artikel is waarskynlik die waarste ding wat ek in ‘n baie lang tyd raakgelees het:

    “Ons herontwaking as volk kan net begin by die respek en waardering wat
    ons betuig vir daardie man der manne wat op 6 September 1966 vir sy volk
    moes sterf.”

    Die heldedaad wat Dok vir ons land gepleeg het – om sy lewe te gewy het aan sy volk en nog sterker voort gewoed het selfs na die eerste aanslag op sy lewe – word vandag misgekyk. Dit word nie net misgekyk nie, maar totaal en al verwerp en omgedraai om dit soos ‘n euwel te laat lyk. Dit is vir my die heel hartseerste ding van hierdie Suid-Afrika. Heldedade word misverstaan as misdade, en misdade as heldedade. Helde word misverstaan as skurke, maar terroriste en skurke as helde. Die breinspoel was vir ons volk te sterk. Dit het ons oorwin en ons erfenisloos gelaat. Kultuurloos. Leierloos. En ongelukkig Verwoerdloos. Sou ons hele Afrikaner volk, in plaas van om skaam te wees om sy naam te noem, eerder sy opregtheid en wonderlike aspirasies raakgesien het, gerespekteer het en vereer het, dan het ons vandag as volk selfrespek gehad. As ons, die hele Afrikanervolk, waardering vir Dok gehad het, dan sou ons nie toegelaat het dat daar op ons getrap word nie. Dan sou die Croucamps en De Vosse te bang gewees het om hul oningeligde monde oop te maak. Maar nou is ons te bang om ons ingeligde monde oop te maak.

    Maar ongelukkig sit ons met ‘n volk wat hom laat voorskryf hoe hy moet dink en wie hy moet respekteer en vereer.

    Hierdie reaksie van my mag oordadig wees, maar as dit by Dok kom doen ek dit met oorgawe. Hy verdien dit. Julle sal wonder hoe ek as ‘n jong man so belangstel in ‘n premier wat 50 jaar gelede aan bewind was en vandag ‘n gehate mens is. Die waarheid is dat ek 2 jaar terug, na ‘n plaasaanval op ‘n familielid, uiters kwaad vir swartmense geword het. In my onkunde het ek bietjie op die Internet gaan soek vir dr. Verwoerd, omdat ek onder die indruk was dat hy swart mense gehaat het. Die eerste artikel wat ek gelees het, het vertel dat hy swartmense laer as diere geag het. In my woede vir die swart volk het ek vir Dok begin navors en oplees oor hom. Wat ek in boeke gelees het het my absoluut geskok – die teenoorgestelde wat almal oor hom op die Web geskryf is was waar. Ek het kennis begin maak met sy karakter en geweldig baie tyd spandeer om sy beleid en denkwyse te verstaan. Hy het my geleer om met die swart volk vriende te wees en die verskille te aanvaar. En hy het my geleer dat geen kultuur meer werd is as ‘n ander kultuur nie. Hy het my so baie geleer en sy skrywes het my as ‘t ware gehelp om die beleid van apartheid te verstaan.

    ‘n Eienskap van dr. Verwoerd wat vir my uitstaande was, was dat
    hy respek afgedwing het omdat hy respek betoon het. Waardering is selfs
    teenoor die geringste werker betuig. Wanneer dr. Verwoerd die tweede
    helfte van die jaar in Pretoria was na die parlementsitting, is die
    tuiniers by Libertas byvoorbeeld gereeld op ‘n Kersparty getrakteer en
    bedank, en dit het hulle belangrik laat voel.

    Die belangrikste ding wat ek opgemerk het oor Dok se lewe, is dat daar nie eers een enkele persoon was, vyande inkluis, wat enige bewyse van fout kon vind van Dok se kant af nie. Nie een kontroversiele (in vandag se terme, rassistiese) aanhaling nie. En die deeglikheid waarmee hy gewerk her verstom my. Niemand kon fout vind met sy werk of gedrag nie. En die respek wat hy vir ander gehad het was ongelooflik. Hy het selfs vir sy tuinman persoonlik Afrikaans geleer!

    Ons sal nog vir jare hoor hoe sleg en verkeerd hy was. Dit is onvermeidelik. Van ons kant af kan ons maar net die woord anders versprei. Ek is nou deel van ‘n jeugprojek om die ware Apartheidsverhaal d.m.v. ‘n videouitbeelding bloot te le. Wat ek agter gekom het is dat dit wat ons weet, dat Apartheid en Verwoerd misverstaan word, in ons biblioteke le en stof opgaar. Niemand lees dit nie, maar eerder die ANC-geskiedenisboek. Ek sal dit my missie maak om dit te verander. Al is dit net tussen my vriende en eendag kollegas. Die waarheid kom altyd uit.

    Ek kan natuurlik nie wag vir more nie. Ek wonder of een jong mens more sal se dat hulle bewus is van die feit dat dr. Verwoerd 48 jaar gelede vermoor is. Ek dink nou aan laasjaar op die 6de September toe ‘n onderwyser by my skool, een van die wat nog omgee oor Afrikanergeskiednis, in die saal gese het dat dr. Verwoerd 47 gelede vermoor is. Die ondewyser het ‘n wonderlike reaksie daarop gekry – kinders wat sug en uitroep dat niemand omgee nie. Daarom is ek bekommerd oor my generasie. Ons het geen respek vir sulke leiers nie, en daarom geen selfrespek nie. Tot ‘n mate is dit nie ons skuld nie, maar die kurrikilum s’n wat vir ons leer dat mense soos Dok skuim van die aarde was en dat ons Mandela moet prys vir sy “struggle”.

    Ek plaas die skakel van ‘n video wat ek sopas op YouTube gelaai het. Dit het ek afgehaal van een van my oupa se LP’s en stel dit nou aan julle beskikbaar. Trippie – ek hoop by uitstek dat jy dit sal geniet omdat ek weet dat jy dieselfe sentimente as ek oor Dok het. Daar is waarskynlik baie ander Praag-lesers wat ook so voel. Ek wil he julle moet na die vasberadenheid van sy stem luister en die opregtheid wat hy openbaar wanneer hy oor sy beleid praat. En hou in gedagte dat hy die toespraak uit sy vuis gelewer het sonder enige voorbereiding.

    Mag almal more die naam Hendrik Frensch Verwoerd onthou en nie skaam wees om dit oor te vertel nie!

    • Trippie

      Wat ‘n pragtige, suiwer Afrikaans, uit die hart en siel skrywe uit jou pen jongman ! Dankie ook vir hierdie skakel. Na afloop van die lees van hierdie artikel, het ek inderdaad, NOGMAALS na ‘n paar video’s gekyk van Dr Verwoerd. DAAR HET ‘N MAN DER MANNE VERBYGEGAAN !

      Mag ek jou baie sterkte toewens met die jeugprojek, en weet jy, as ek ooit kinders sou gehad het, sou ek bid vir ‘n seun soos jy !

      Gee asseblief ook terugvoer na afhandeling van die genoemde projek.

      Groetnis

      • RSA PATRIOT

        Baie dankie Trippie. Ek hoop jy geniet die video. Ek sal beslis terugvoer gee na die afhandeling van die projek. Dit gaan groot wees – ons het klaar ‘n tegniese span wat bereid is om ons te help.
        Sal julle op hoogte hou.

      • Dolk

        Trippie, ek waardeer jou konstante liefde vir ons Boerevolk so opreg! Mag die Here jou altyd behoed en bewaar!

        • Trippie

          Dolk, verskoning omdat ek nou eers reageer op jou boodskappie, gaste gehad !

          Ek weet jou hart is ook op die regte plek – dit staan so geskryf :

          “Ek’s ‘n rou Boer – geen hans lammer nie! My is, is die bruisende bloed deur my …”

          Baie dankie vir die kompliment ook, ek weet dit kom uit die hart.

          • Dolk

            Hallo Trippie – glo julle het heerlik gekuier!

            Die “my is”- daar in my skrywe beteken “my Godgegewe sielsbeginsels” (So glo ek.)

            Wanneer mens jou laat opsmuk, verloor jy die “rou” van – waar jy vandaan gekom het… Daarom sê ek: “Nadat jy alles van my af gestroop het, bly ek nogsteeds ‘n Boerseun….”

    • Sadie

      Ja Dr Verwoerd was ‘n groot gees en nederige man. Hy was ‘n hoogs intelligente man. Blykbaar sy matriek in die ou Rhodesie gemaak en die hoogste punte in Engels in die land gekry. Sy sektretaris het ook getuig hoe hy dikwels sy motor gebruik het vir sy werk. Nooit het hy blou ligte of wagte nodig gehad nie. Sy vrou was ook ‘n kreatiewe persoon en het van hul kinders se klere self gemaak. Vergelyk dit met die bling-bling van die ANC leierskap. Ek het ‘n boek in my besit met die titel This was a man deur PJ Grobbelaar. Ek glo dit was in Afrikaans ook beskikbaar. Die man wat hier voorgestel word verskil 100% van dit wat deur die liberale hoitie toitie versprei word. In Bettysbaai is daar ‘n klip bankie waar hy altyd gesit het as hy daar met vakansie was. Gelukkig het niemand dit nog in sy kop gekry om dit te verwyder nie.

      • RSA PATRIOT

        Mooi reaksie Sadie. Ja ek het ook daardie boek, maar in Afrikaans – “Man van die Volk”. En dit skets werklik ‘n heel ander prentjie as wat vandag voorgestel word. Hier onder is sy vakansiehuis in Bettysbaai wat hy self ontwerp en deels self gebou het ook. Vergelyk dit met ons ander staatshoofde (post 1994) se vakansiehuise en hoeveel miljoene aan argitekte en sekuriteit bestee word!

    • Andy

      More RSA PATRIOT,
      Gun my asseblief die geleentheid om u te bedank vir die entosiasme wat u aan die dag lê om hierdie projek te bedryf
      Dit is n grootse taak, en ek is oortuig dat dit vir ALMAL VIR WIE ons selfbehoud saakmakend is onskatbare waarde sal inhou.
      Mag ek asseblief een versoek tot u rig, en asseblief moet dit nie as afbrekende kritiek beskou nie.
      Ek het na hierdie vedeo gekyk, maar weens die klank van die musiek saam met Dok se toe spraak , vervaag sy woorde heeltemal by tye en kan mens nie mooi hoor wat hy sê nie.
      Ek persoonlik sou verskies dat daar geen musiek moet wees nie, of anders uiters sag.
      Ek vertrou u sal my kommentaar as positief aanvaar.
      Afrikaner Groete

      • RSA PATRIOT

        Hallo Andy. Baie dankie, ek sal ‘n ander video plaas met sagter musiek.

        • Andy

          Ai, ek waardeer jou moeite. As jy dit plaas gee my net n “sein”.
          Ek deel ook saam met ons mede praag lesers jou sentiment rondom Dok Verwoerd, en wag angstig op vordering.
          Mag die Hemelse Vader jou werk seën.

  • Riempies

    Daar is drie geleenthede wat vir my altyd sal bybly want in
    al drie gevalle is my hart uit my liggaam gesny. Die moord op dr. Verwoerd –
    die brutale gespottery met Jaap Marais en die nag toe ek wakker geword het van
    ons volkstem en op die TV gesien het hoe ons landsvlag gestyk word en die
    barbaar se vlag gehys word.

    Hierdie witvlam haat vir NP die verraaiers en hulle volgers sal
    nie eens met my dood uitgewis word nie – dit sal in die ewigheid teen hulle
    getuig vir altyd.

    • Kalium_Chloraat

      En teen hul kerke.

      • Riempies

        Dit is so wat egter vir my verblydend is is dat daar n baie besliste negatiewe houding heers teenoor die belhar belydenis – die kerke van kerkgenootskappe wat dit onderskryf en uitleef is veel minder as die behoudende kerke tans.

        Stede teenoor dorpe het n veel groter probleem asgevolg van kondisionering en intimidasie van gedwonge assosiasie. Gedwonge assosiasie is ook besig om sy tol te eis en af te stuur op Damaskus oomblikke vir baie omdat die nuutjie en disrespek vir die standaarde wat teen die grein gaan nie meer so geduldig verduur word nie.

  • Koos Bester

    Die heel duidelikste wat jou artikel sê is dat jou stem veels te min in die openbare debat van en vir die Afrikanervolk verneem word, Sydney,

    • Riempies

      En wat jy sê Koos is dat dieselfde Afrikaner insiglose gesindheid
      heers soos toe ons gewaarsku was teen wat ons vandag beleef. Praag is mos hier
      – die wat wil luister kan mos – en die wat dieselfde voel kan mos saampraat dan
      nie? Die keuse is weereens daar – en wat doen die meeste soos van te vore?

  • william

    Dr Verwoerd was my held. Sy ontydige en tragiese dood was die begin van die ondergang van die blanke in hierdie land.Sy dood het n groot leemte gelaat en ongelukkig kon sy opvolgers nie voortbou op die stewige fondasie wat hy gele het nie. As hy moes gelewe het sou hierdie land n sterk en voorspoedige plek gewees het met onafhanklikheid vir alle volke. Dr Verwoerd was in die pad van die nwo en hy moes geelimineer word. Dit is my gebede dat daar weer n leier van sy kaliber na vore sal kom.

    • Riempies

      William hy is vermoor omdat sy tuisland beleid sou werk en ons gered het van die boosheid wat ons vandag beleef en wat alreeds op daardiestadium stewig geinfiltreer was in die NP leierskorps van die NWO. Na dr. Verwoerd vermoor is – is die tuisland beleid net doodeenvoudig doodgeswyg en die verraad van die Afrikanervolk en sy land deur die daaropvolgende leiers baie vinnig deurgevoer.

  • Rooikop

    Hoe meer ek hieroor nadink hoe meer lyk dit of dit nie net ‘n dolk in die hart van die volk is nie, maar dat dit hart heeltemal uitgeslag is. Ons mens is saf in die kop, sag in die hart en het geen meer murg in die pype nie. Die laaste gryntjie selfrespek is uit ons mense uitgesuig (weggegooi? verkoop vir ‘n pot lensiesop?) Hoe is dit moontlik dat ‘n volk wat net 66 jaar voor hierdie insident ons volk die “magtige” britte teengestaan – ja ons het daardie oorlog verloor maar tog was ons volk nie verneder nie, en dit omdat daardie magtige volk op die mees laakbare manier teen ons geveg het. Selfs dit kon ons volk se gees nie breek nie. ‘n Skamele 114 jaar later is daardie gees weg – geblus in die meeste van ons volksgenote.

    As bewys hiervoor kyk na die skakel (http://www.news24.com/SouthAfrica/Politics/White-EFF-member-Give-land-to-rightful-owners-20140905) wat ek via google se nuus raakgelees het. Hoe val ons mense so ver? Ek is seker daar is ‘n goeie dosis politiekery hierby betrokke (gegee dat dit DrogBeeld24) is maar ek het al mense wat so dink ontmoet.

    Waar het die dinge verkeerd geloop? Was dit omdat ons mense op prinse vertrou het? Toe daardie prins vermoor is, die volk daarmee saam?

  • Dolk

    Wat speek jou Scabbort?

  • RSA PATRIOT

    Dit is nou 14:14 – presies 48 jaar na die moord op dr. Verwoerd. 48 jaar later is ons steeds leierloos.

    • Rifrug

      Openbaring 14:14 En ek het gesien, en kyk, daar was ‘n wit wolk en een soos ‘n Menseseun wat op die wolk sit, met ‘n goue kroon op sy hoof en in sy hand ‘n skerp sekel.

    • Trippie

      Jy bly ‘n jong ster ! Ek het sopas hoendervleis gekry.

      • RSA PATRIOT

        Ek is bly dat jy elders melding daarvan gemaak het! Ek het oorweeg om vandag die ou parlementsgebou te gaan besoek, maar “Eshh wee don’t wek on Seterdais!”. Mooi Suid-Afrika. En daar is natuurlik nie ‘n woord in koerante oor die geskiedkundige dag nie. Ek het maar met ‘n familielid gesels wat daardie dag in die vrouegallery gesit het en dit was nogals lekker om te luister.

  • Rifrug

    Draadkar?

    • Dolk

      Daardie is ‘n Witman se draadwerk…

      • Andy

        Ons is darem nie almal sooooo vol draadwerk nie. (:-<) Hê Hê.
        Netjiese stuk draadwerk hierdie.

  • Rifrug

    Uit die berig “Hy die opdrag van hierdie Jood gekry het om dr Verwoerd juis op 6
    September 1966 te vermoor, ‘n datum met omvangryke betekenis vir die
    Vrymesselaars;”

    Waar is die Hanno’s wat wil kleintjies kry as die woord Jood genoem word?
    Waar is die BertO’s wat die Vrymesselaars wil verdedig?

    “6 September 1966 te vermoor, ‘n datum met omvangryke betekenis”
    is dit net ek, of sien jy ook die 666?

  • Waarheid

    Die organisasies het Dr Verwoerd vermoor: http://hisheavenlyarmies.com/the-illuminati-interview-with-a/

    • jan

      Juslaaik dis uiters insiggewend.

      Tsafendastan is die teater van die absurde – vir almal om oor te lag behalwe die Christene.

      Want Kinderoffers is een van die basiese kenmerke van die Vrydenkers se aborsies en Baallultus se Dresden en Islam se Beslan nou Isis van irak Christene.

      10 Jaar gelede was die Beslanslagting van kinderoffers en sedertdien het die vervolging en wreedheid teenoor Afrikanerkinders eksponensieel toegeneem.

      Sopas het die anti-christe van Perskor en Naspers ‘n groot offensief begin teen Christen staatskole.

      Nou laat ek met die grootste erns voorspel dat die tyd baie baie naby is van ons eie Beslanslagting op ‘n sagte Christen teiken soos BCVO bv. [Iets soos die Waco slagting]

      Maar ek reken tog en bid dat God ons oge sal oopmaak soos Elisa se slaaf om te kan sien dat ons baie meer is as hulle……

      Laat daar asseblief ‘n helse verrassing op die spul sataniste wag

  • Trippie

    RSA PATRIOT : Spesiaal vir jou !

    • RSA PATRIOT

      Laat my hart uit my bors uit klop van trots! Dankie Trippie! En dankie aan Riaan Bronkhorst vir die mooi video. Kan ek vir Pretorianers vra om vandag ‘n blommetjie op Dok se graf te sit met sy 113ste verjaarsdag? Ek is seker sy kleinkinders sal dit nie doen nie. Hulle lek mos die ANC se gatte.

  • Dolk

    En daardie onwelriekende “hand op die blaas” kommentaar? Hmmmm…. Iemand het duidelik weer akute blaas infeksie…